مشاهدة النسخة كاملة : اتحدكم من يحل اللغز
وش القليب اللي غميق مجمه = ما فاد غرسه ماه عطش سوانيه
تخـالـف الأنظار شرق بـيـمـه = كلٍ هدف رايه من الناس يرضيه
سم السبب يعارفٍ عنه سمه = سم السبب يعارفه قبل أسميه
سواق الوايت
04-12-2007, 04:20 PM
صح لسانك يا المحترم
اتوقع انها بئر البترول
الفايز
04-12-2007, 04:40 PM
صح لسانك يا المحترم
اتوقع انه البترول
انا مع سواق الوايت شكله جابهااا
مخاوي الليل
04-12-2007, 10:16 PM
المحترم صح الله لسانك وعلا شانك ومشكور على هذا اللغز
صح لسانك يا المحترم
اتوقع انها بئر البترول
وانا مع سواق الوايت والفايز
مخاوي الليل
04-15-2007, 04:20 PM
ننتظر اخوي المحترم والتعقيب على اللغز الذي طرح من أجل طرح لغز جديد اذا كانت الحلول صحيحه
الذيب
04-15-2007, 06:41 PM
المحترم وينك الجميع بإنتظار القول الفيصل لديك
و انا مع حل الأخوة
والى ان يصل اخونا المحترم اليكم بعض المعلومات للقراءة:
هذا اللغز ضمن قصيده للشاعر بندر بن سرور رحمه الله
والتي بسببها سجن
القصيده:ماني وانا بندر
يالله ياجال الامور المهمه ... تجلا وهج قلب برا حال راعيه
البر دجته والبحر رحت يمه ... يقطعك ياحظ على الله مساعيه
يوم ان ولد اللاش رزقه على امه ... رزقي على اللي ميت القشع يحييه
يامل قلب كل مامات همه ... دارت دواليب الدهر لين تحييه
فراق شمل الناس عيا يلمه ... وقت يشيب الراس من شاية فيه
احد ينام وحاط راسه بكمه ... واحد تخم النوم عينه وتخطيه
واحد يحاول بالردى بنت عمه ... واحد يحاول ستر عذرى عوانيه
ماني وانا بندر ببياع دمه ... يقطعك يابياع دمه ومهفيه
اللي يبيع لابسات الازمه ... ثور يبابيض الرعابيب تغنيه
يزعل ليا جت ليلة الدور يمه ... يرضى بسوق المال فخوه وفابيه
خطو البخيل اللي يكبر معمه ... يقرا الكتاب وواجب الله يخليه
إمر هرج لك في رفيقه بنمه ... والا عطا وامه تضيع هقاويه
أنشدك ياللي كل فرض تتمه ... تقرا الكتاب وكل فرض تصليه
ويش القليب اللي غميق مجمه ... مافاد غرسه ماه وعطشى سوانيه
تخالف الانظار شرق ويمه ... وكل هدف رآيه من الناس مرضيه
سم السبب ياعارف عنه سمه ... سم السبب ياعارفه قبل اسميه
:
:
:
كما يقال له بين ابناء عمومته مرجوج
وذهب في يوم عند شيخ قبيلتهم وطرق الباب وردة ابنت الشيخ وسئلها عن ابيها
فذهبت تنادي ابها بصوت عالي وتقول : يبه المرجوج عند الباب يبيك
فقال هذي القصيده فيها
ياسهيف الذرعان مانيب مرجوج ... رجتني الدنيا بغدر وحيله
يابنت لولا اللي على تاسع الفوج ... تركت نجد وعزوه بالقبيله
لا شك حاديني على نجد هيدوج ... مسقى الفيافي لين يدرج مسيله
تركي لي من البلاوي غدن عوج ... حمله عتيبه كلها ماتشيله
يرسى كما مينا البواخر على الموج ... ومنين ماصك البحر ترتكيله
مادام تركي حي ماودي ادوج ... وان غاب غبت من الرجوم الطويله
:
ننتظر المحترم لتبيان أكثر
وكما ان بندر له محبوه و يمتاز بقوة الشعر و جزالة المعنى و الحكمة
الا انني ولست بشاعر لكن لي مآخذ على بعض اشعاره رحمه الله احتفظبها لنفسي
و الكمال لله سبحانه وتعالى
نسأل الله له الرحمة
الفايز
04-15-2007, 07:04 PM
الله يعافيك يالذيب على هالمعلومات حقيقة اول مره اطلع عليه والقصيدة
كانت ذات مغزى قوى..
يالربع اذا طول المحترم وما جاء نبي نسوي تعميم ونبلغ عنه ..لا وهذا الذيب منزل موضوع كامل عن متابعة المواضيع ..
المحترم تحت المجهر..$$60$$
مخاوي الليل
04-15-2007, 07:11 PM
الذيب بيض الله وجهك ويقولون كل تأخيره وفيها خيره وتأخيرت الفيصل من المحترم لهذا اللغز جعلتنا نكتسب معلومات جديده وغريبه ماشاء الله عليك يالذيب دائما تكون في المكان المناسب والوقت المناسب والمعلومه المناسبه وصفات هذا الشاعر تذكرني بشاعر من حرب يتصف بهذه الصفات رحمه الله
يعطيك العافيه اخوي الذيب على هذه الافاده شباب حيو الذيب قايم $$51$$ جلوس $$51$$ قايم
الفايز تراني الحين اجهز التعميم عن محترم
مخاوي الليل
04-20-2007, 06:04 PM
من بين شروط منتدى الالغاز أن يتابع صاحب اللغز لغزه حتى حل اللغز او رفعه
لذالك تم رفع اللغز المطروح من أخون المحترم سابقاً فهد الان واغلقه الى اشعار اخر
مخاوي الليل
04-27-2007, 06:22 PM
تم فتح الموضوع بعد حل اللغز السابق وننتظر من أخونا الغالي فهد التعقيب على اللغز الذي طرح
مخاوي الليل
06-02-2007, 01:23 AM
ننتظر اخوي فهد والتعقيب علىاللغز :D