طلعتها من المنتدي وشفتها ياهي شي ياشباب !!

[الغريب]

السلام عليكم ورحمه الله وبركاته


مساءكم الله بالخير أخواني وأخواتي


العنوان كما شاهدتموه لكن أتمنى منك كيف تعرف المضمون وتعرف كل مايدور في هذا الموضوع

القراءة الكاملة وبتمعن وتفكير بالعقل وليس القلب


فعلا طلعتها وفعلا قدرت بقوتي واسلوبي وشجاعتي وكلامي المعسول وذكائي


كيف ياغريب ..


انا أقول لك كيف يابطل يمكن تطلع زيي


ياطويل العمر انا رجال ماخفت الله ولاراقبت الله في بنات المسلمين


رحت ورقمت بنت في شات في سوق في اي مكان المهم تعرفنا على بعض


وانا أقول الحمدالله انا اصلي ويكفى هذا الشي << كنه يمن الله على الصلاه والعياذ بالله


طيب مداخله ياغريب مو الصلاه تنهى عن الفحشاء والمنكر كيف تصلى وصلت فيك الجراءة




تتنهاك أعراض المسلمين وتكلم بناتهم تفكر ياغريب ان هذا شي هين عند الله ؟؟؟


ياأخوي الدين يسر أسكت لو سمحت


طيب بسكت تفضل كمل


المهم صرت أكلمها وسوالف وضحك وكلام رومنسي وحب وطبعا الين خليتها تموت فيني حيل


وجاء هذاك اليوم وقلت ابي اقابلك


قالت شوف ياغريب


وش رايك تجي عندي في البيت



؟؟؟؟؟؟؟؟؟؟؟؟؟؟؟؟؟؟؟





؟؟؟؟؟؟؟؟؟؟؟؟؟؟؟؟



أجامل صح ؟؟؟



أبالغ صح ؟؟



مافي علاقات مافي طلعات بين الشباب والبنات وماتوصل ان بنت تخلى شاب يدخل عندها في البيت

أو تقابله او تركب معه بالسياره يااخوي انت صراحه تبالغ كثير



سؤال



* اسالك بالله تفكر أن شي سهل عند الله انتهاك محارم المسلمين والتعدى على أعراضهم وانت تعرف

أن الله لايحب المعتدين وانت بمكالمتك مع البنت بالجوال وتغازلها يعتبر أعتداء على أعراض

المسلمين لاتقول وانا ضربتها على يدها تدخل ؟ ترا تضيع نفسك بهواك وتقديم الأعذار للنفسك


* أختي ؟ وهل انتي تقولين نفس مايقولون ؟ انا اضيع وقت وواوسع صدري ؟ هل توسع صدرك في

معصيه الجبار ؟ هل تضيع وقتك في خيانه لأهلك وخيانه للنفسك وحياءك ودينك وخلقك ؟ هل فكرت

بجد لو سألك الله يوم القيامه يافلانه خفت من نظر ابيك ونظرة أخيك ولم تخافي من نظرتي لك ؟

وش تقولين لله يااختي عن الرسائل الخاصة والاعجاب وانت الذوق كله وانت حبيبي وقلبي


* أخوي الغالي ياحبيبي رجعت لك بقول لك نقطه أخرى أخوي اذا قلنا لك ترضى على أخواتك قلت لنا

أخواتي شريفات طيب طيب ونعم والله في أخواتك طيب يالغالي فكر بعقلك بهذا الشي تقول فيني احساس

ومشاعر ودي اقضيها في مكالمات طيب كلم براحتك بس خلى اختك تكلم هي ايضا لها مشاعر واحساس وتغازل

تبي تكلم وتبي تشبع رغبتها حتى لو كانت كذب بس تبي توسع صدرها مثلك ليش حرام عليها ومباح لك

أخوي الفاضل أعرف لك اعذار أخرى وهي تقول الفتن قدامي والبنات هم الي يبون هذا الشي معقوله

يااخوي الفاضل ماتعرف شباب مو شرط ملتزمين شباب عاقلين مايتجرأ على انتهاك محارم الناس ؟؟؟

ليش مايكلم تعتقد تحسب ماعنده رغبه مثلك الا عنده ويمكن ازود منك بس الرجال يخاف من الله

يخاف بكره ينتهك محارم الناس ويجي بكره يشوف أخته بين يدي شاب يلعب فيها وفي مشاعرها

فكر فالكورة في ملعب الأن

* أختي الفاضله أعود اليك من جديد أسالك بالله العظيم هل لعالم الانترنت والمنتديات وسواليفك

مع الشباب يعرف عنها أبوك ؟ تخافين صح ؟ وتستحين صح ؟ طيب يااختي الفاضله ماسالت نفسك ؟

هل هذا الطريق صح ؟ هل هذا الطريق يبي يسرني يوم القيامه ؟ هل يوم القيامه اذا قابلت الله وانا كنت

أكلم شباب من وراء أهلي وقدام أهلي انا البنت العاقله الجوهرة المصونه واذا كنتي لوحدك طلعت

الحقائق واذا اخليت بخلوة فعلت المعاصي وكلمت الشباب ؟؟؟ هل تفكر هذا الشي عند الله سهل ؟؟

هل تفكر أن شي هين عند الله ان تتخبى عن أعين الناس ولاتخاف من نظرة الله لك ؟؟؟؟ ومراقبته

أختي الكرة في ملعبك الأن قادره على قطع طريق الشباب

ولاتأخرها فقد ترحل بدون تركهم من هذي الدنيا فتقابل الله وانتي على علاقات مع شباب

* وأقسم بالله لو عرفنا من هو الله وعرفنا النار من قلب وعرفنا عذاب القبر ماتجرأ شاب وفتاه

على العلاقات ولكن غفلت القلوب عن هذي الأشياء * )



* ويحذركم الله نفسه ................ فكر بهذي الأية زين

فكروا يالغاليين زين


ومن تاب تاب الله عليه


ومن رجع لله وجده رحيم وغفور

في امان الله

[الشامخ]

الله يعطيك 1000 عافيه أخوي الغريب وماقصرت على الموضوع الحلوا

[الغريب]

والأحلى دائماً مرور الشامخ يسلمووو الشامخ

[ابن قحطان]

مشكووور اخوي ع موضوعك المميز والجدي
الصراحه
كفيت ووفيت
و اسئلتك في محلها وكلامك في محله
وجمعت جوانب الموضوع جميعها
وابهرتنا بمشاركاتك المميزه
الله يعطيك العافيه $$200$$

[الغريب]

كل الشكر لك يا ابن قحطان ويسلم لسانك الشكر كله لك

[الفايز]

وش ذا الموضوع يالغريب الرهيب

والله موضوع يدق على اوتار حساسه

خاصه بعد هذا الانفتاح وتخيل شعب مكبوت

وفجأة يكون مثل هالانفتاح وتكون البيوت كلها بيت واحد

في ضغطت زر وصار الولد من شاشة جهازة يلف الدنيا كلها

ويدخل غرف مغلقة والبنت كذلك .. واذا استخدمت هذه التقنية بالخطأ

تعال شوف النتائج فضائح ومفاسد وهتك اعراض ولا حول ولا قوة الا بالله

الانترنت نعمة ونعمة كبيرة اذا احسنا استخدامة بما يفيد مثل هذه الملتقيات الطيبة

فنحن نلتقى مع اخوة واخوات لنا بين ينابيع المعرفة فيما يرضي الله

ولكن الخطر هو التغرير في بنات المسلمين في الدردشات وغيرها

والحمدلله لا نظن في بناتنا الا كل خير وبأعتقادي ان مرحلة الاستخدام الخاطئ

بدت تتلاشى وبدأ الاستخدام الصحيح من الاحبة ..

في هذا العالم الواسع من يريد الشر موجود ومن يريد الخير موجود

والله من فوقنا شاهد ..

البيوت تؤتى من ابوابها .. وليست من خطوات الشيطان التي ليس بعدها سوى

دموع الندم ..

اللهم اغننا بحلالك عن حرامك ..

موضوع شيق اخي الغريب فمرحباً بك وبطرحك الراقي ..

ويا اسفى ان تستغل بناتنا من العمالة الاجنبية وتكون صيداً سهل لهم.

الشر موجود منذ بداية الدنيا ..

نصائح غالية على قلبي ..

[الذيب]

بارك الله فيك يالغريب وفيما تقدم

و هي نصيحة من القلب الى الجميع و من منا لم يسلم من المعاصي

اتيت على نقطة الفصل

وهي

مخافة الجبار

لو عرفناه سبحانه وتعالى حق المعرفه لتغير حالنا فالله المستعان الغالبية الا من رحم الله لا يعرف الا عبادات مقلده

الصلاة التي تنهى عن الفحشاء لو اعطيناها حقها لنهتنا عن الفحشاء و المنكر

هل ايقض صوت الآذان قلوبنا الغافلة وهل حرك اجسادنا المتخاذلة

هل عرفنا حق المعرفه كيف نسبح الله و نقدسه في الركوع لنعد لدعاءة و التضرع بين يديه لحضة السجود

الغريب اثرت في نفسي الشيء الكثير

اسأل الله لي ولك ولكافة الاخوة و الاخوات ان نكون من الهداة المهتدين

تقبل مروري