ماذا يحدث في مدرسة البنات الجديدة في القرين ؟؟؟

[هذا أنا]

السلام عليكم ورحمة الله وبركاته
تحية للجميع
موضوعي هنا بخصوص المدرسة الجديدة التي تبنى للبنات بالقرين فمن خلال زيارة خطافية لأرجاء المدرسة آثرت الخروج السريع منها ؟؟؟؟
*فالوضع الداخلي للمدرسة لم يرق لخاطري فالمبنى متواضع لدرجة كبيرة ولم أستطع أن أو لم أتخيل (بالعربي ما دخل مزاجي إن هذا شغل حكومة والمدارس الي نعرف ماهي حول مدرستنا وأي واحد عادي يقدر يبني مثلها واحسن بعد والمدرسة فيها شبه كثير من مدرسة تبوك الثانوية باختصار المدرسة يا أهل القرين كأنها أحد أجنحة سجن أبو غريب كئيبه وبدون فناء داخلي )
*أما المظهر الخارجي للمدرسة فلا يوحي بأنها مدرسة تلييس عادي جداً وشغل أي كلام والبويا ما يحتاج أقول كلكم تشاهدون فهل ميزانية البويا ماتكفي المدرسة ؟؟؟ عجبي
حوش المدرسة ضيق وما فيه أمل يتسع لأي اضافات الحاقية في المستقبل
* شغل العمال بطيء وعلى رواقه يوم يشتغلون ويعطلون شهر$$207$$
س سؤال فيه أحد عمره شاف عامل يرش المدرسة ؟؟؟؟

*****آخر كلام *****
هل سرقنا يا أهل القرين ؟؟؟؟؟؟؟؟؟$$211$$
.....................أرجو التفاعل فالمدرسة لأختك أوابنتك أوابنت عمك أوجارتك

[مصرقع 2010]

هذا انا موضوعك صريح ومايبي احد يجامل فيه لذالك انا بقول كل اللي عندي وقبلها كل احترامي للجميع وقبل كل شي شوفو الخبر اللي نزل من ثمان شهور

الخبر يقول :
×××××××××××××××××××××××××××××××××××××××××××××××
التربية تطور تصاميم المدارس لتناسب الظروف المناخية لكل منطقة
5150 مدرسة تحت التنفيذ بتكلفة 23.5 مليار ريال

جددت وزارة التربية والتعليم عزمها على القضاء نهائياً على مشكلة المدارس المستأجرة من خلال زيادة اعتمادات مشاريع المباني وتوفير الأراضي لتلك المشاريع، وتنفذ وزارة التربية والتعليم حاليا نحو 5150 مشروع مبنى مدرسي بتكاليف 23.5 مليار ريال منها 2750 مدرسة للبنين و2400 مدرسة للبنات.
وقال نائب وزير التربية والتعليم لتعليم البنات الأمير الدكتور خالد بن عبدالله المشاري إنه إذا توفرت الاعتمادات حسب الوتيرة الحالية فإن الاستغناء عن المباني المستأجرة سيكون خلال السنوات القريبة القادمة.
من جانب آخر تعكف اللجة الفنية التي شكلها الدكتور المشاري لتطوير المبنى المدرسي على تصميم نماذج حديثة للمباني توفر جميع العناصر للبيئة المناسبة للتعليم وتراعي الفوارق المناخية بين المناطق وتستقبل اللجنة الملاحظات والمقترحات من منسوبي التربية في الميدان على تصاميم المباني المدرسية لتطوير مواصفات المباني لتتناسب مع الظروف المناخية لكل منطقة.
ووفقا لأحدث إحصاءات وكالتي المباني والتجهيزات المدرسية بوزارة التربية والتعليم فإن مشاريع قطاع البنين التي تمر في مرحلة التنفيذ والترسية والاعتماد تزيد على 2750 مشروعاً مدرسياً للبنين بتكلفة 11.5 مليار ريال، في حين بلغ عدد مشاريع المباني المدرسية بقطاع البنات التي يجري العمل على تنفيذها 900 مشروع في مرحلة التنفيذ تتجاوز تكاليفها 5 مليارات ريال بالإضافة إلى 1500 مشروع تم اعتمادها أخيراً بتكلفة تصل 7 مليارات ريال وتستكمل ترتيبات ترسيتها حاليا.
وأوضح وكيل وزارة التربية للمباني والتجهيزات المدرسية بتعليم البنات المهندس عبد الرحمن الأحمد أن العمل سينتهي من المشاريع الحالية بعد عامين ليصل عدد مباني مدارس البنات الحكومية إلى 5460 مدرسة منها (2400 مشروع في مرحلة التنفيذ والترسية)، موضحا أن عدد المدارس التي مازالت مستأجره يبلغ 6 آلاف مدرسة حالياً وأن الوزارة تستلم من الشركات المنفذة من 6 إلى 10 مشاريع كل شهر.
كما أوضحت تقارير الوزارة أن المباني المدرسية الحكومية تشكل 50% من المدارس الحالية مشيرة إلى أن النسبة سترتفع إلى 80% مع نهاية خطة التنمية الحالية في عام 1430هـ.××××××××××××××××××××××××××××××××××××××××××× ×××××
هذا الخبر ناقله من هـــــــــــــــــــــــــــنـــــــــــــــــــــ ــــا (http://www.taifedu.gov.sa/Montada/post.asp?method=ReplyQuote&REPLY_ID=37354&TOPIC_ID=9900&FORUM_ID=33)

الزبده من الخبر ان المدارس بتصير بمقاييس ونماذج علميه وتربويه لا ويراعون البيئه.
طيب اجي نقطه مهمه يقول بالخبر ( في حين بلغ عدد مشاريع المباني المدرسية بقطاع البنات التي يجري العمل على تنفيذها 900 مشروع في مرحلة التنفيذ تتجاوز تكاليفها 5 مليارات ريال)
يقولك 900 مشروع يعني مدرسه ومن بينهن مدرسة القرين للبنات طيب يقول 900 مشروع تجاوزت تكاليفها 5 مليارات يعني اكثر من 5 مليارات قولو 5 مليارات والمليار 1000 مليون
خلونا نحسبها لو نقول بدال 900 مدرسه خلوه 1000 مدرسه ب 5مليارات كم يطلع الناتج
يطلع قيمة كل مدرسه خمسه ملــــــــــــــــيون قيمة كل مدرسه خمسه مليون هذا وحنا قايلين 1000 مدرسه مهو 900 يعني قيمة مدرسه القرين للبنات اللي يتكلم عنها اخونا هذا انا واللي قهراتني قهر قيمتها اكثر من خمسه مليون ريال سعودي بالله عليكم مدرسه القرين للبنات الجديده تستحق المبلغ هذا
اتحدى ثم اتحدى تتعدى خمس مية الف اتحدى لا واقول 300 الف كثيره عليها
الشي الثاني مثل ماقال اخونا هذا انا سجن والله سجن ابو غريب بالقرين اشلون بيصير لطالبه نفس بس تدرس في هالسجين هذا سجن مهو مدرسه لا ومحسوب علينا بكثر من 5 مليون ريال
بعدين معقووووووله مدرسه مافيها سور السؤال وين بيصير الطابور جد والله روحو لها شوفوها الطابور وين انا الصدق قلت يا فوق سطح المدرسه او الحل بوسط الشارع اللي اخذين نصه للبراك حقات الماء شي والله يبط الكبد روحو شوفو المدارس الثانيه وانا عن قريب بصور لكم مدرسة القرين وبصور مدارس ثانيه شوفو الفرق وشوف الظلم بعينه وشوفو السرق عينك عينك
انا اول ماسمعت عن مدرسة البنات وبدو يبنون اقسم بالله اني توقعت المبني الموجود الحين توقعته ملحق للمبنى الرئيسي اللي للحين ماطلع وبعد كذا تتضح الامور ان هذي هي مدرستكم ياهل القرين
يعني مثل مايقولون ابنو لهم كم اجدار وكم غرفه وحسبوها على الدوله وقولو هذي مدرسة القرين وهذا تصميمها وكلفت اكثر لاحظو اكثر من 5 مليون ريال سعودي حتى ان الحين طابين في حركات جديده مدارس وهميه وبعض الاحين يبنون جدارين مثل مدرسة القرين يعني ثم يصورون مدرسه كبيره في مدينه ويحطون ان هذا المدرسه في القرين او غير القرين وكلفت كذا وكذا والدليل هالصور اللي تفتح النفس
عندي كم نقطه ودي اقولها
1- تكون مجموعه ولا لجنه من اهل القرين ويرحون لوزارة التعليم وقبله يصورون المدرسه وطريقتها اللي تسد النفس ويحاسبونهم هذي مدرسه محسوبه بسم القرين عندكم لها ميزنيه 5 مليون وين راحت الخمسه مليون الشي الثاني وين موصفاتهم ومقاييسهم ولا حبر على ورق من البدايه ليه يبنونها مالقو ارض لايبنون مدرسه مثل كذا والله مانبيها هي لهم لكن مهو يرحون يحطون بسجلتهم مبني مدرسة القرين للبنات النموذجي كلف علينا 5 مليون.
2- الشركه المقاوله يحقق معها كم اخذت على مشروع مدرسة البناات على انه مهو مشروع اسميه ابويت اصغير
3-هل فيه احد من اهالي يتابع او مكلف من اصحاب الشأن بمتابعة مدرسة البنات او الموضوع اتكاليه
4-نطالب بإيقاف هذا المبني مايصلح مدرسه والله غرف بعض العمال اوسع منها
5- وين المواقف والله شي يفحس السبد ايوالله انا مابي مدرسه ابي احقق وين راحت 5 مليون يا معود قولو 3 مليون قولو مليون لكن مايحك ظهرك الا ظفرك البركه والله بأهل القرين وشبابهم
يكفي يكفي يكفي مامضى.

عندي كلام كثير لكن انفحست سبدي لكن بقول انتبهو لاتصير مدرسة العيال مثل مدرسة البنات الحين يا تصير موصفات صح مثل اللي في المدن ولا ندرس اعيالنا وبناتنا في اخيام احسن من انها تبنى مدرسه ماتكلف 300 الف وتحسب على القرين 5 مليون
لكن نقول الخير جاي والعذر والسموحه اذا تعدينا حدودنا .

[الفايز]

احم احم

سلام عليكم

مساكم الله بالخير كلن باليوزر نيم حقه

ليش انتم مستغربين من الموضوع ؟؟؟ لالا بالعكس الموضوع ما يحتمل كل هذا الزعل

صح هي مدرسة امي :confused: ( اذا كان فيها محو اميه ) واختي وبنتي وزوجتي بالمستقبل وزوجتي الثانية بعد وصديقات اخواتي وبنات جداني وكل بنات المسلمين وبنات القرين خاصة وبعض من بنات المدرسات. اذا كان هذا شكل المدرسة والله اكيد بزعل *99* بس قبل ما ازعل واتهم دولة بنت مشاريع من يميني ويساري مشاريع كلفت فوق 30 مليون واكثر في هجر وقرى اصغر من القرين فما بالك بالقرين $$148$$

إذاً من المعادلة السابقة يتضح لنا إن فيه خلل:
والخلل واضح لا اتهم دولتي بعد عمري فديتك انا ولا اتهم احد ؟؟؟ الخلل انك اذا اردت ان تطاع فأمر بالمستطاع. عرفتم قصدي الي عرف اوقول عفيه عليك شاطر والي ما فهم اقول أثار برد.
انا اقصد اذا بغيت مدرسة واسعة وحوش تتطارد فيه البعارين من كبره وسنع حط المدرسه بموقع زي الناس ماهو تحشر لي بين شارعين وزاوية ومراسيم واحد محدد ارضه وتقول يالله يالوزارة حطي لي مدرسة كبر الكلية وخليها بحوش واسع وكبيرة وديكورات. لا والله الا دام الدعوة كذا الا تصرف ربع الميزانية على مشروع معروف انه قبل تحط بلكه وحده انه فاشل . وهذا الي حاصل الان.
معليش لا احد يزعل هذي وجهة نظري واخوي وحبيب قلبي هذا انا طرح الموضوع وطلب الراي فيه انا الي هو انا يا سفن اب هذا رايي بكل وضوح !! بس لحظه مو بالضرورة يكون رايي صح ومو بالضرورة رايي يكون خطأ !! يبقى رايي واحد شاف الموضوع وقال راييه ... والى لقاء قريب بعد ما تنتهي مدرسة العيال الجديدة ونقابلكم وانتم تقلون لالالا المدرسة حقت العيال فرق وين وين ... هم يقولون صغره ودلعه والوزارة ما عندها هذا الكلام عندها كبرها وندلعها :D

[هذا أنا]

أخي / مصرقع 2010
أشكرك تقرير رائع وموثق وقراءة ثاقبة $$204$$
----------------------------------------------------------

أخي / 7up
مداخلة رائعة من شخص رائع
واذا كانت مساحة الأرض لاتكفي للمشروع فلماذا يقام أصلاً فالمدرسة المستأجرة الحالية ربما تكون أفضل ( توقع فقط والبنات أبخص ) لكن يعيبها الموقع

وبعدين تعال يالذيذ يارااااااايق( انبراشة قوية ) الزوجة الثانية قبل الأولى رقعها هالحين $$205$$

[هذا أنا]

السلام عليكم
بعد طول انتظاااااااار اكتمل المشروع الهائل والمشرف الذي تفخر به الأجيال واشتاقت له فتيات القرين بأحلام وردية ولربما بدأن بدخول المرحلة المتوسطة مع بداية انشاء هذا الصرح الشامخ وتخرجن من الثانوية قبل نهاية المشروع ياله من حظ عاثر$$201$$ لم يحالفهن الحظ بالتمتع بالمدرسة الجديدة $$039$$التي لم يتمكن المقاول من ترميمها قبل اكتمال بنائها حتى نهاية الاسبوع الماضي يهد ويبني ويعدل ويفتح باب ويسكره ويوسع الدرايش والي أعجبني عتبة الباب أخذ عليها اسبوعين لين صارت ما يحتاج تحفة معمارية بحد ذاتها والمقاول تعلم وصارت هالمدرسة له مدرسة يسوي الي يبي فيها ويخطط على كيفه بدون مخطط $$204$$وهذا واضح أكيد وشكله يغش من مخطط ثانوية تبوك المستأجر يحسبه حكومي كما ذكرت لكم الشبه قبل أكثر من عام$$203$$
المهم يقال أن الأسبوع القادم ستنتقل الطالبات والمعلمات لهذه المدرسة لذلك فالسؤال الذي يسدح نفسه هل المدرسة مؤهله لاستيعاب المرحلتين أشك في ذلك فقد تحتاج المديرة بعض مظلات السيارات المجاورة للمدرسة في الفسح والي عنده خيمة يولمها للمختبرات يديكم والناس للناس والكل بالله قطو ماهو كل شيء على الحكومة البترول مايسوى هاليومين و؟؟؟؟؟؟؟؟؟ ولاباستخير واثمن تالي هرجي تدرون بس ما أدري تصبحون على خير$$202$$

[faisal1961]

النساء شقائق الرجال ... ونصف المجتمع ... بل المجتمع كله

فلماذا لايتم توفير الاوضاع لها لكي تتخرج وتصبح زوجة صالحة وأم واعية في المستقبل

أعطوا المرأة حقوقها يا ناس ولا تظلومها

قلبي معكن يا بنات القرين...والله يعينكن

شكرا يا هذا أنا على طرح الموضوع

[بنت أبوي]

اذ كانت المدرسه بهذاالوصف الذي وصفتموه فا أنا أقترح أقتراح وهو موجه الي مديرة المدرسه وهو أن ترفع خطاب لادارة تعليم البنات بمنطقة القصيم وتوضح فيه ان المبني الجديد غير مناسب وغير مطابق للمواصفات ولايصلح ان يكون مدرسه للمرحلتين وتطالب بي اخراج لجنه لتفقد المبني
وترفض اخلا المبني الحالي حتي يتم اتخاذ الازم وترفق مع الخطاب صور للمبني

ودمتم سالمين

[الماشي]

يرفق صوره من التقرير لكل من:
1/رئيس مركز القرين
2/مجلس اهالي القرين
3/رجال القرين الأوفياء

[هذا أنا]

الأخ faisal1961
الأخت بنت أبوها
الأخ الماشي

سعيد لتواجدكم رؤية واقتراحات فعلا في محلها;)

كما أشكر المشرف على التثبيت$$200$$

[الفجر القادم]

والله ماعندكم الا الهرج
وينكم قبل
يوم جهزت وانتم تجون هاللحين تتكلمون
هذا اللي خلى القرين مايتطور
اسف على كلامي القوي بس هذا الصدق

[الماشي]

والله ماعندكم الا الهرج
وينكم قبل
يوم جهزت وانتم تجون هاللحين تتكلمون
هذا اللي خلى القرين مايتطور
اسف على كلامي القوي بس هذا الصدق

صدقني ماقلت الاالكلام الصحيح فأهل القرين لن يفعلو اي شي يذكر للقرين اوغيره فالمشاريع كلها تاتي بالبركه او من البواقي من مشاريع القرى المجاوره ولايخلص المشروع إلا بعد سنه اوسنتين ..
مثل مشروع طريق الرس والدوار الى متى؟؟
مشروع المدارس هل يتابعه احد وهل ينفذ مثل الموجود في العقد اوحسب المواصفات التي صدرت من الوزاره..
مشروع المياه لماذا عندما دخل حدود القرين توقف ؟؟؟
اين رئيس مركز القرين؟؟
اين مجلس الأهالي ؟؟
ام كلهم$$207$$

[أسياد]

اين رئيس مركز القرين؟؟
اين مجلس الأهالي ؟؟


لا تعليــــــــــــــــــــــق

[بنت أبوي]

أخي الفجر القادم لي تعليق بسيط علي كلامك

الهرج واجد ولكن دون فعل وأنابنظري أن الفعل لا يكون من شخص واحد ولكن يكون بالتظامن
والتكاتف معآ حتي نستطيع أن نطور القرين الغالي فهو الماضي والحاضر والمستقبل
فالماذا لا تكونو يدآ واحده وصوت واحد ندا للجميع أنظرو الي ماذا تحتاج القرينمن خدمات وأبد بالتحرك

[المحتار]

بالفعل متخرين واااااجد ولكن لامانع من اضهارالحقيقه لكي لايصبح هناك عذر وفكرت بنت ابوها واجد حلوه ولها جزيل الشكر ومن سارعلى الدرب وصل اقول لا لالالالالا لاتسكتوعلى الظلم لان هذا المبنى مبنى مهزله ليسة مدرسه ويجب معاقبة المقاول ولكم جزيل الشكر

[المحتار]

$$211$$بالفعل متخرين واااااجد ولكن لامانع من اضهارالحقيقه لكي لايصبح هناك عذر وفكرت بنت ابوها واجد حلوه ولها جزيل الشكر ومن سارعلى الدرب وصل اقول لا لالالالالا لاتسكتوعلى الظلم لان هذا المبنى مبنى مهزله ليسة مدرسه ويجب معاقبة المقاول ولكم جزيل الشكر

[الكاااااايد]

هذا انا موضوع يستحق الاشاده
ولي فات مات لكن عسى ان تكون درس لنا في المشاريع القادمه والحاليه حتى نتفاد الاخطاء فيجب علينا الان ان نعقب على مدرسة البنين والمستوصف حتى لا نقع في مثل موقعنا فيه سابق واي ملاحظه ندونها في هذا المنتدى ويكون طريقة العلاج سهله ولا نحتري لين يقع الفاس بالراس والله الظاهر من كثر ما يبنط الفاس بروسنا اصبحنا ما نحس
والسلام ختام

[هذا أنا]

الفجر القادم
الموضوع قديم له أكثر من عام وانظر لتاريخه ونحن نطرح الفكرة أو التنبيه والله يقوي المسئولين في البلدة ربما ننبه لشيء لم يعلموا به أو يكون الموضوع تأكيد لما يدور في أذهانهم
وتوزيع المهام مطلوب حتى لا تكون الأمور فوضى


الماشي
نحمدلله كون البلدة مباركة وينبغي أن لا نجحف بحق المخلصين في بلدتنا فهناك من يعملون وهناك من يبذلون
ولست هنا بصدد ذكر مآثر الخيرين من هذه البلدة ونحسن الظن فيهم فكلهم خير وبركة لذلك فليس من الانصاف تعميم الهرج على الكل

أسياد
لدي تعليق بسيط هنا فيجب أن لانحمل رئيس المركز تعثر بعض المشاريع فربما عمل الكثير بدون جدوى والأمور ليست دائما تحت سيطرته
أما رئيس مجلس الأهالي فأعتقد أنه يعمل الكثير والرجل ليس متفرغ فهو موظف وإمام مسجد ومدير المكتب التعاوني للدعوة وتوعية الجاليات وعليه التزامات أسرية كل هذا مع رئاسة مجلس الأهالي أعتقد أنه يتحمل الكثير والذي لايتحمله سوى أبو البراء فقط عن نفسي أقدر لهذا الشخص جهوده وأحبه في الله ( والله ما قصرت أعانك الله )

بنت أبوها
كلمات الراقية أرى فيها الحكمة ورجاحة العقل

المحتار
فعلا من سار على الدرب وصل وينبغي أن يكون هذا المشروع درس نستفيد منه مستقبلا

الكاااااايد
تقديري لك ولكلماتك المضيئة ونتفاءل بالقادم لعل وعسى

[أبو عيسى]

هذا أنا


عزالله انك ماقصرت


لكن ليافات ا لفوت ماينفع الصوت


انا متاكد ان المقاسات والكبروالصغرحسب النموذج لان المقاول ما يقدر يلعب بها وراه المتر


لكن هل المقاول اتقن العمل الذي بينه وبين ربه؟ هل وضع الحديد الكافي ؟


هل التمديدات الكهربائيه والسباكه حسب المواصفات؟ هل قام بالرش الكافي؟ الله اعلم


اما مظهرها الخارجي فلم يعجبني


تقبلوتحياتي


ابوعيسى