ابو راكان
05-31-2006, 01:04 AM
قصيدة مسعود أحد موالي آل هذال يتوجد على رحيل العمارات وبقائه في الرس بالقصيم حيث انه تزوج مرأة من أهل القرى وامتلك الغنم الذي لايستطيع السير في مجارة الابل ، فعندما أخلت قبيلة العمارات من عنزة ديارها نزل في ديارهم بعض القبائل فضاقت الحاضرة من عنزة ذرعا فشكوا الى مشعان وطلبوا منه الرجوع الى الديار وطرد هذه القبائل:
ا
امس العصر عديت في راس ملمـوم=رجم طويل بشامخ الحيد زامي
رجم طويل ولا يوكر بـه البوم=كود العقاب الصيرمي والقطامي
قلبي عليل وصايبه غم واهموم= وعزي لحال اللي طواه الهيامي
غديت مثل اللي على الوجه ملطــوم=بالليل أساهر نايحات الحمامي
من طاوع الثنتين يصبر على اللوم=يصبر على فرقى الاهل والعمامي
ابكي هلي يا ناس مانيب بميلوم=واظن من يبكي هلـه ما يلامي
عفت الرقاد وحاربت عيني النوم=وأبديت ماكنيت ماني بكامي
ما هو على غرو من الدق ماشوم=على الشيوخ متيهين الجهامي
أقفوا وخلوني على الدار مرسوم=مثل السجين اللي بحبس الظلامي
على ركايا الرس جلست ملزوم=عليه من ورد البوادي اركامي
علمي بهم هفوا مع الواد ابو دوم=مستجنبيـن مطيـرات العسامي
علمي بهم بقصير هلت التوم=تغاروا المعبار والشط زامي
أقفوا كما طير قلب راسه الحوم=بهيفية ما يندري وين حامي
أدنا منازلهم شثاثا ولملوم=وأقصى منازلهم بوادي النعامي
هذى مرابط خيلهم دايم الدوم=حقب العيون مروبعـات الهوامي
وهذا مشب النار والحفر مثلوم=ومركى الدلال المتعبات الشوامي
وادي الرمه غدابه العشب كيهوم=ترعى به القطعان والرمي حامي
دار لكم فيها علامات وارسوم=يا شيخ عليكم طوانا الهيامي
يا ركب يا مرتحلين على كوم=ياللي بكم عيرات الانضى اهمامي
ودوا سلامي عد ما فات من يوم=بكتاب مني للوجيه الكرامي
الى لفيتوا ديرة اصحاب من قوم=أحكوا ترى حمض الرجال العلامي
تلفون عمي للمناعير زيزوم=مشعان ستر معورجات الوشامي
ياعم يا مدب هل الكبر والزوم=ياشيخ ياشيخ السلف والجهامي
تتليك بالممشى جهامة وداهوم=نمرا تشادي للجراد التهامي
الى صاح الصياح من اعداه مضيوم=تردون حياض الموت ورد الظوامي
كيف الظعون بداركم كنها اغيوم=وانتم تروون النمش بالزحامي
مسعود ينخاكم من الغبن مضيوم=ومثلك لعين اللي شكاله يحامي
منقول.........
ا
امس العصر عديت في راس ملمـوم=رجم طويل بشامخ الحيد زامي
رجم طويل ولا يوكر بـه البوم=كود العقاب الصيرمي والقطامي
قلبي عليل وصايبه غم واهموم= وعزي لحال اللي طواه الهيامي
غديت مثل اللي على الوجه ملطــوم=بالليل أساهر نايحات الحمامي
من طاوع الثنتين يصبر على اللوم=يصبر على فرقى الاهل والعمامي
ابكي هلي يا ناس مانيب بميلوم=واظن من يبكي هلـه ما يلامي
عفت الرقاد وحاربت عيني النوم=وأبديت ماكنيت ماني بكامي
ما هو على غرو من الدق ماشوم=على الشيوخ متيهين الجهامي
أقفوا وخلوني على الدار مرسوم=مثل السجين اللي بحبس الظلامي
على ركايا الرس جلست ملزوم=عليه من ورد البوادي اركامي
علمي بهم هفوا مع الواد ابو دوم=مستجنبيـن مطيـرات العسامي
علمي بهم بقصير هلت التوم=تغاروا المعبار والشط زامي
أقفوا كما طير قلب راسه الحوم=بهيفية ما يندري وين حامي
أدنا منازلهم شثاثا ولملوم=وأقصى منازلهم بوادي النعامي
هذى مرابط خيلهم دايم الدوم=حقب العيون مروبعـات الهوامي
وهذا مشب النار والحفر مثلوم=ومركى الدلال المتعبات الشوامي
وادي الرمه غدابه العشب كيهوم=ترعى به القطعان والرمي حامي
دار لكم فيها علامات وارسوم=يا شيخ عليكم طوانا الهيامي
يا ركب يا مرتحلين على كوم=ياللي بكم عيرات الانضى اهمامي
ودوا سلامي عد ما فات من يوم=بكتاب مني للوجيه الكرامي
الى لفيتوا ديرة اصحاب من قوم=أحكوا ترى حمض الرجال العلامي
تلفون عمي للمناعير زيزوم=مشعان ستر معورجات الوشامي
ياعم يا مدب هل الكبر والزوم=ياشيخ ياشيخ السلف والجهامي
تتليك بالممشى جهامة وداهوم=نمرا تشادي للجراد التهامي
الى صاح الصياح من اعداه مضيوم=تردون حياض الموت ورد الظوامي
كيف الظعون بداركم كنها اغيوم=وانتم تروون النمش بالزحامي
مسعود ينخاكم من الغبن مضيوم=ومثلك لعين اللي شكاله يحامي
منقول.........