مشاهدة النسخة كاملة : اللغز الثلاثي
ابوناهس
11-26-2006, 12:21 AM
انشدك عن بنت ركبت على بنت #### غدرٍ لواحد قصدهن يطـــرحـنه
وحده تــقــول اني بعينه تزينــت #### مسكين يحسبني على قد ضــنه
وحده تقول اني مسكته ولا خنت #### وأكيد مسكي له على غيرسنه
صافي نوايا
11-26-2006, 12:42 PM
النظاره او العدسه
ابوناهس
11-26-2006, 11:12 PM
مالك لوا ياصافي نوايا
الواصل
11-26-2006, 11:49 PM
وش رايك بالشبكه أو السناره أو المحبيله
ابوناهس
11-27-2006, 05:39 PM
ماانت بعيد ياالواصل شوي وتاصل وضح البنتين والواحد اللي بيطرحنه0
الفارس
11-27-2006, 08:25 PM
الصاموله والورده
الورده بدون سنه
واللي بيطرحنه المسمار
البنتين شداختين جنب بعض
والواحد الفار وانتم بكرمه
الواصل
11-28-2006, 12:08 AM
الشبكه والطير
ابوناهس
11-28-2006, 12:38 AM
مالك لوا يالفارس ولالك لوا يااللي على كيفك وصح لسانك يالواصل بس انك تقصد الحل علينا باقي بنت ماقلتها وهي اللي تزينت بعين الطير0
الواصل
11-28-2006, 11:33 AM
صح بدنك يا بو ناهس واللي يقول سددو وقاربو
وإذا ماحد عنده لغز عندي لغز جديد وسهل