هذي بعض أسماء المطر عند العرب

[الفايز]

الطَّلُّ : أخفُّ المطر وأضعفه
الرَّشّ والطَّشّ : أول المطر

الدِّيمة : المطر الذي يدوم أياماً في سكون بلا رعد وبرق
والمُزْنَة : المطْرة

والنَّضْح والبَغْش والدَّثُ والرَّكّ والرِّهْمَة : أقوى من الرذاذ
والهَطْل والتَّهْتَان : المطر الغزير السُّقوط


والغَيْث : الذي يأتي عند الحاجة إليه
والحَيا : الذي يُحيي الأرض بعد موتها


العُباب : المطر الكثير
والوابِل والصَّنْدِيْد والجَوْد : المطر الضَّخم القطر الشَّديد الوقع


والوَدْق : المطر المستمر
وحَبُّ المُزن وحبُّ الغَمَام : البَرَد .


الحميم : المطر الصيفي العظيم القطر والشديد الوقع
الوليّ : المطر بعد المطر



يالله على بابك يامغيث


بأمانه الموضوع منقول

[الواصل]

الله يرزقنا بالمطر

طيب عندى سؤال وش معنا القشع نوع من انواع المطر

[الفايز]

يالواصل

القشع ماهو المطر الي يكثر الماء و يدفن الجرة،

[أبو رائد]

الفايز:
دائماً رائع يعطيك العافية على الموضوع الشيق .
هذه أسماء المطر المحلية .
1- هادم الجرة . وهو رشات المطر الخفيفة جداً التي تخفي الأثر .
2- المنقع . وهو المطر الذي ينقع الماء على سطح الأرض ويختفي الماء عند توقف المطر.
3- مكثر الماء . وهو المطر الذي يملا الماء المنخفضات من الأرض دون الوصول إلى جريان الشعاب .
4- القاشع . وهو هطول المطر بقوة وغزارة لوقت قصير ثم يتوقف حيث من قوت جريان الماء يقشع وجه الأرض وما عليها من نباتات صغيرة وتجد سيلة لا يذهب بعيداً من موقع السحابة.
5- السيل وهو المطر الذي تجري الشعاب لوقت طويل بعد توقف المطر.
جميع التسميات من راسي إذا صح فالحمد لله وإذا خطاء فأرجو المعذرة
مسميات حديثة .
1- مسيل الزجاج . وهو المطر الذي يجبرك على تشغيل مساحات سيارتك على اقل درجة من درجات سرعة المساحات.
2- مسيل الطريق . وهو المطر الذي ترى الماء بجانب الطريق ولكن لا ترى اثر الماء على الأرض .
3- مطفي الكهرب . وهو المطر المصحوب برياح مما تجعل الكهرب ينطفي على عدد من القرى من سوء تمديدات شركة الكهرب .
5- مسكر الأنفاق . وهو المطر بقوة حتى تتسكر إنفاق الطرق خاصتاً في المدن الكبيرة .
تحياتي للجميع لا تحرمونا من مشاركاتكم الشيقة في منتديات البر والرحلات .

[الذيب]

الشيء الي يلفت الانتباه ان اغلب مسميات شيبانا و بدو نجد هي عربيه فصحى

ولدي سؤال عن الأسماء التالية

الحقاق
الوالي
غشنه
بردية
شهاليل
شخطة

متاكد ان فيه بعض الاسماء ليست خاصة بالمطر

الفايز كلك حضور كلك ذوق ومواضيعك كلها فائدة

هدية للفايز


http://www.thinktip.com/blog/images/upload/2006/01/Water_In_The_Leaf_1600-thumb.jpg

http://msoeeh.jeeran.com/سيول-1.jpg

[أبو رائد]

الذيب تبي اجاباتي لكن انتبه من اجاباتي .
الحقاق : لا يوجد لدي اجابة.
الوالي : هو السيل بعد السيل .
غشنه: المطر بقوة
بردية: ما تحتاج تفكير
شهاليل: هو ما يضلل بين السحاب والارض يراها من كان بعيداً عن موقع السحابة
شخطة:هي السحابة ليست عريضة لا يتعدى عرضها 10كيلو متر .

[الفايز]

الواصل

حياك الله والصراحه شرفتنا بتواجدك في هالموضوع وانت شاعر والشاعر هواية البر بس تصدق غريبه ماشفنا لك قصايد ولا تتغلا علينا$$148$$
الله يرزقنا المطر وتكون هالسنه سنة خير ..اللهم امين .

سؤلك الي طرحته تبغى الحقيقة مدري بس شف الاخوان ما قصرواااا عطوك اجابات وان بسال لك ان شاء الله وبجيب لك العلم ..

سف اب (باس):D

مشرفنااا الغالي التاج اسعدتي بمروك الكريم والحقيقة البست على الموضوع ثوب من المعلومات الدقيقة والجيده ... تبغى الحقيقة انك ما قصرت شرحك كان كافي ووافي ... عسى الله يجيب لنا الامطار بكل انواعهااااا..

هلا وغلا بصاحب الهديه وصاحب الذوووق الرفيع يسلم ذوقك يالذيب صور ولا اروع للمطر ومن لا تنشرح نفسه لهذا المنظر والله يا فتحت شهيتي للمكاشيت ... وكم يحن القلب الى طخفة وشلالاتها واجمل ذلك المنظر الذي لان تمحيه الذاكر الا اذا محى التراب العضام ..

اشكركم على تفاعلكم واكيد لي عوده حتى اعود بالاجابات عن تسألات الواصل والذيب التاج والله انك ما قصرت واكيد انك بتريحنا بالاجابه ... فانتم اخبر مني بالطلعات والرحلات البرية ولالالالا الحمدلله المنتدى فيه ناس اهل بر من اعد ومن اخلي اعد ابو ركان ولا ابو ساره ولا ابو تركي ولا انت يالتاج ولا يهون الذيب شكله راعي بر من اسمه يكفي ولا من اعد واخلي ولا يهون من نسيت اسمائهم ولا يهون والي الحصيه هو وجربوعه الي صارت اعلاناته عنه مثل اعلان موبايلي بكل محل حتى مبارات الدوري السعودي صارت اللوحات كلها اعلان عن جربوعه :( شكله بيزعل علينا$$148$$

الله يعافيكم جميعاً

[الشامخ]

مشكور يالفايز على المعلومات المفيده وخصوصا انها جت في وقتها الله يرزقنا بالمطر

[الفايز]

حياك الله يالشامخ والجميل بالموضوع هو مرورك علينا ..

والله يستجيب دعواتك ..اللهم امين ..

والاخوان بعد والله ما قصروااا زودونا بمعلومات جديدة لاول مره اطلع عليهاااا....

مشكور مره ثانيه يالشامخ ..$$200$$ $$200$$ $$200$$

[كاسح الصعاب]

مشكور يالفايز ولايهونون الربع على المعلومات ألي اول مره اسمع بها

مطفي الكهرب . وهو المطر المصحوب برياح مما تجعل الكهرب ينطفي على عدد من القرى من سوء تمديدات شركة الكهرب .
التاج ياخوي اختصر وقل اول قطرتين يطفي الكهرب *********ملاحظه الميزه هذي عندنا بس

على العموم مشكورين على المعلومات

[الفايز]

يا هلا وغلا فيك اخوي كاسح الصعاب اما مطفي الكهرب هاذي تحتاج لها وقفه
هذا الهدف من هالمنتدى انا نتعلم الي ما تعلمناه وكل يوم نضيف معلومة جديده الى عقولنا
مشكور على اطلاعك على هذا الموضوع واشكر كل من تفاعل مع هذا الموضوع