سالم بن محمد
07-29-2010, 09:45 AM
لاصار لي عند المدانيع حاجه=والله لأقضي باقي العمر محتاج
واللي رواه العد شربة هماجه=راسي عنه مرفوع ماهو بمنعاج
ماني من اللي يمه الساق داجه=ومبتور ساقي للردي لو ينداج
لوه لمع من فوق الأمتان تاجه=ماله على درب المداهيل منهاج
إليا هرج يعجبك زود إلتهاجه=وعند الفعل يسلك عن الطيب مخراج
رجلٍ مشى يتبع هواه ومزاجه=أخير من شوفته صدي له علاج
الكون عندي واسعاتٍ فجاجه=وراسي من الله معتلي فوق الأبراج
أنا اعتبر كثر الترجي سماجه=ولاحط نفسي في مواقيف الإحراج
طبعي كذا والعز مشعل سراجه=والذل يخسى بينه وبيني سياج
واللي رواه العد شربة هماجه=راسي عنه مرفوع ماهو بمنعاج
ماني من اللي يمه الساق داجه=ومبتور ساقي للردي لو ينداج
لوه لمع من فوق الأمتان تاجه=ماله على درب المداهيل منهاج
إليا هرج يعجبك زود إلتهاجه=وعند الفعل يسلك عن الطيب مخراج
رجلٍ مشى يتبع هواه ومزاجه=أخير من شوفته صدي له علاج
الكون عندي واسعاتٍ فجاجه=وراسي من الله معتلي فوق الأبراج
أنا اعتبر كثر الترجي سماجه=ولاحط نفسي في مواقيف الإحراج
طبعي كذا والعز مشعل سراجه=والذل يخسى بينه وبيني سياج