سالم بن محمد
07-09-2010, 12:11 AM
خبرك عتيق وذا زمان يتحول=كل يوم له طعمه وشكله ولونه
ماعاد هو باقي مثل عام الأول=بارع ويعرض للبشر من فنونه
خلى الغني عقب الغناه يتسول=على الحديد ويشتكي من ديونه
وعقب الركاده بالخطوط يتجول=وأفراد شرطة حيهم يشتكونه
وشفت الولد عن نفع أهاليه حول=والعود حتى بخبزهم يرسلونه
وتلقى التتن وسط المجالس يدول=والعود الأزرق ماحصل يشترونه
والبن الأشقر والرطب مايمول=عنه العصير وكيكه يقدمونه
وأهل البيوت الكل منهم تشول=كبر الأذان لجارهم يسمعونه
والرجل يكذب في سوالف تقول=يقول لي وربعه يصدقونه
حتى الرفيق برفقته مايطول=رفقة مصالح تنتهي بالمهونه
زمان كل الناس فيه إتفول=في شرهم والخير مايذكرونه
وأنا قبل ترتاع منه متهول=وأستثني اللي ربهم يعرفونه
ماعاد هو باقي مثل عام الأول=بارع ويعرض للبشر من فنونه
خلى الغني عقب الغناه يتسول=على الحديد ويشتكي من ديونه
وعقب الركاده بالخطوط يتجول=وأفراد شرطة حيهم يشتكونه
وشفت الولد عن نفع أهاليه حول=والعود حتى بخبزهم يرسلونه
وتلقى التتن وسط المجالس يدول=والعود الأزرق ماحصل يشترونه
والبن الأشقر والرطب مايمول=عنه العصير وكيكه يقدمونه
وأهل البيوت الكل منهم تشول=كبر الأذان لجارهم يسمعونه
والرجل يكذب في سوالف تقول=يقول لي وربعه يصدقونه
حتى الرفيق برفقته مايطول=رفقة مصالح تنتهي بالمهونه
زمان كل الناس فيه إتفول=في شرهم والخير مايذكرونه
وأنا قبل ترتاع منه متهول=وأستثني اللي ربهم يعرفونه