سالم بن محمد
07-07-2010, 12:19 AM
قلبي حبارى وضيقتي حر صقار=الليل صقاره ولي يامره طير
وحضي عن المنفاج لي حصن وسوار=لافك نفسي عنه ولا أقدر اغير
أقضي سكون الليل ضايق ومحتار=ويحول بين النوم والعين تفكير
لوي على سهل الخلا كني بدار=يالله تلطف من عنى الوقت وتجير
راضي بحكم امرك وفي صرف الأقدار=ولا للبشر حكمه بصرف المقادير
إلا كفوفٍ بالدعاء سر وإجهار=وعلى الخدود دموع رجوى مقاطير
يامطلع لقلوب خلقك والأسرار=وتعلم عن اللي صار واللي يبي يصير
تصرف وتبعد صلف ريحك والإعصار=اللي علي يحوم مثل الدواوير
ضعوف نفس وحسدهم ياللولي ثار=وسهومهم بالصدر غرز ومزابير
ناسٍ تشوف ولاتطرت بالأذكار=تنضر ومن غير الذكر حلو تعبير
تضحك وسود قلوبهم تصطلي نار=وتبغى زوال أنعامك بدون تبرير
رحمتك مالي غيرها يالله خيار=وأنشهد إني بدونها ماني بخير
وبالوالدين أصير ياخالقي بار=ولهم تصخرني على الطوع تصخير
وأرافق اللي معهم المسك الأخيار=اللي مجالسهم تلاوه وتذكير
وتكفيني أتباع الشياطين الأشرار=اللي رفاقتهم مثل نفخة الكير
وتغفر ذنوبي لادنى حصد الأعمار=وتجعل رضاك وطاعتك لي تباشير
ومع الصحابه منزلي وخير الأبرار=في جنة الفردوس بأعلى المنابير
وحضي عن المنفاج لي حصن وسوار=لافك نفسي عنه ولا أقدر اغير
أقضي سكون الليل ضايق ومحتار=ويحول بين النوم والعين تفكير
لوي على سهل الخلا كني بدار=يالله تلطف من عنى الوقت وتجير
راضي بحكم امرك وفي صرف الأقدار=ولا للبشر حكمه بصرف المقادير
إلا كفوفٍ بالدعاء سر وإجهار=وعلى الخدود دموع رجوى مقاطير
يامطلع لقلوب خلقك والأسرار=وتعلم عن اللي صار واللي يبي يصير
تصرف وتبعد صلف ريحك والإعصار=اللي علي يحوم مثل الدواوير
ضعوف نفس وحسدهم ياللولي ثار=وسهومهم بالصدر غرز ومزابير
ناسٍ تشوف ولاتطرت بالأذكار=تنضر ومن غير الذكر حلو تعبير
تضحك وسود قلوبهم تصطلي نار=وتبغى زوال أنعامك بدون تبرير
رحمتك مالي غيرها يالله خيار=وأنشهد إني بدونها ماني بخير
وبالوالدين أصير ياخالقي بار=ولهم تصخرني على الطوع تصخير
وأرافق اللي معهم المسك الأخيار=اللي مجالسهم تلاوه وتذكير
وتكفيني أتباع الشياطين الأشرار=اللي رفاقتهم مثل نفخة الكير
وتغفر ذنوبي لادنى حصد الأعمار=وتجعل رضاك وطاعتك لي تباشير
ومع الصحابه منزلي وخير الأبرار=في جنة الفردوس بأعلى المنابير