حسين بن هندي
06-04-2008, 11:05 PM
أسند الشاعر/ عقيل بن غزاي بن حجر هذه القصيدة على الشاعر: حسين بن عبيد الله بن هندي
يازين جو اليوم يا حسين زيناه= مد النظر يا حسين والجو صافي
شفت السما ترسل على القاع حسناه= والقاع تجحد ما بها من جفافي
مد النظر من راس عيطاً مسماه= يطفي لهيبٍ ما تجيه المطافي
بالهضبه اللي بالحلايا محلاه= وبالاسم سمية جواد السنافي
اللي ابن ضبيان من راس شلفاه= عاف الحياه وحب حم الشعافي
يا زين راس الرجم يومني ارقاه= لو عاد لي ذكر الليال المقافي
قفن بحيٍ كل ما حل طرياه= يصيبني عن هالزمان انحرافي
أعيف لذاته تحسب البلواه= الخير مامن خير والشر ضافي
ياحسين كلٍ له مع الوقت ذكراه= كلن بكى ما ضيه بين وخافي
ما فات من دورٍ علينا بكيناه= حيث ان وقت اليوم فيه اختلافي
أول قصير البيت ليا حل طرياه= النعم ما بين القصيرين وافي
واليوم قصير البيت بس انتلافاه= الخير ما من خير ليت الكفافي
هذا زمانٍ ناقلٍ داه برداه= اسمع واشوف ولا على الله خافي
الحكم حكّم والقضايا مقاضاه= دام القضاه يشاورون الضعافي
الذيب يسعى ما حصله مساواه= يركض وريقه ما تبل الاشافي
اشوف حيٍ ما تدرهم مطاياه= وركب الركاب اللي على الرجل حافي
وهداج أشوف الورد قامت تعداه= من زود جور المعضلات العجافي
المستحي قامت تحده على اقصاه= وتضحك لجمهورٍ يدف الدفافي
العفو ما كل الخلايق معافاه= واقول ما كل الليالي عوافي
لاني موضحها ولاهي مناجاه= ولاني بحال أهل الحمول الخفافي
الحمل وين اللي من الناس يلقاه= عن الضعوف مجودين الكتافي
عقب اللئيم اللي بلاهم ابلواه= العلم وضحته وانا شاب قافي
تم الكلام اللي كتبته بمعناه= وانا موقع غلطتي بعترافي
وصلاة ربي عد مزنٍ نثر ماه= على النبي الهاشمي بالطوافي
رد الشاعر: حسين بن عبيد الله هذه القصيدة على قصيدة الشاعر: عقيل بن غزاي بن حجر
بديت باللي تسجد الناس لرضاه= علام ما كنه ضمير الخوافي
رب الملأ اللي تدعي الخلق باسماه= خوف ورجا تدعيه ويمد وافي
من بعد ذكر الله البوك جبناه= فوقه مداد يراع يرعف رعافي
وفريت دولاب الضماير من ارجاه= ودعا الهجوس وحضّرن له ملافي
هيضٍ من اجزال القوافي منقاه= نقوة عقيدٍ حازهن بالمحافي
عفرٍ مع المصلاح في راس مفلاه= واقفا بهن وهو في النوم غافي
لعقيل الغزاي ردا كتبناه= زجل القوافي والبيوت النظافي
عقيل زهمني والمرد يتحراه= يالله عسى المردود كافي وشافي
جاء بوتدات وعالي الرجم عداه= وغنى وهيجن فيه قبل النكافي
واعْجب بجوّن فيه ويهيجن غناه= وغنى القوافي مثل صقر النصافي
وقطف من الازهار من كل مرعاه= وشيب في الطاروق كل القوافي
وقالوا وقلنا راقي الرجم عناه= ويحس له باقصى الظماير شغافي
يا بو فهد الرجم هذي سواياه= ينبيك باطلال عليها السوافي
وحي سكن حوله ومفلا رعاياه= واثار ناس سامده ما تشافي
باجداثهم ما يسمعون المناداه= رهن العمل في ريبة وارتجافي
وكل يبي زمانه أول ويرثاه= ويبكي على دور مضاله وطافي
وتشكي زمانٍ خالطٍ داه بدواه= وتقول يا وقت الشقا بس كافي
هذا زمان العولمه والمعاناه= لصالح ناس وناس مجحف اجحافي
ونبينا بالجار جبريل وصاه= ما يصير حقه بين الاجواد هافي
واجد رجالٍ واجبه ما تناساه= شيمة عرب في واجب الجار تافي
وتغير الايام والوقت شفناه= نوبٍ عدال ونوب فيه إنعطافي
من كثر ماله قالوا الناس حياه= من شان دنيا للفنا والتلافي
ويقام له تقدير ويحط مركاه= كنه من اللي يحتمون العطافي
ومن قل ماله يتركونه دناياه= باروا به الخلان يعطون قافي
وأبو حقب في ماكر الحر تلقاه= وأبو زئير من المقوقي يخافي
والرجل يبلش في قريبه وعوجاه= والنصح والإرشاد يبغى ملافي
واللي يسب فلان وفلان يشناه= فمه عن النمات ماهوب دافي
كم واحدٍ يبغى السلامه ويبلاه= تاجر غثيث الهرج خطو الهلافي
طاوع قرينه بالخطأ والله أعماه= وحصل جزاه وجاه فوقه أضافي
ومن تابع الغلطات يزهد بدنياه= ومن لا صبر يجيه بعض الحسافي
وكل بعرفه في مسيره وممشاه= الله يجنبنا طريق المهافي
هذا الذي كتبت واشوف واراه= ولا كل رمَّايٍ يصيب الهدافي
وصلوا على اللي بلغ الدين وارساه= نبينا اللي ما لدينه منافي
يازين جو اليوم يا حسين زيناه= مد النظر يا حسين والجو صافي
شفت السما ترسل على القاع حسناه= والقاع تجحد ما بها من جفافي
مد النظر من راس عيطاً مسماه= يطفي لهيبٍ ما تجيه المطافي
بالهضبه اللي بالحلايا محلاه= وبالاسم سمية جواد السنافي
اللي ابن ضبيان من راس شلفاه= عاف الحياه وحب حم الشعافي
يا زين راس الرجم يومني ارقاه= لو عاد لي ذكر الليال المقافي
قفن بحيٍ كل ما حل طرياه= يصيبني عن هالزمان انحرافي
أعيف لذاته تحسب البلواه= الخير مامن خير والشر ضافي
ياحسين كلٍ له مع الوقت ذكراه= كلن بكى ما ضيه بين وخافي
ما فات من دورٍ علينا بكيناه= حيث ان وقت اليوم فيه اختلافي
أول قصير البيت ليا حل طرياه= النعم ما بين القصيرين وافي
واليوم قصير البيت بس انتلافاه= الخير ما من خير ليت الكفافي
هذا زمانٍ ناقلٍ داه برداه= اسمع واشوف ولا على الله خافي
الحكم حكّم والقضايا مقاضاه= دام القضاه يشاورون الضعافي
الذيب يسعى ما حصله مساواه= يركض وريقه ما تبل الاشافي
اشوف حيٍ ما تدرهم مطاياه= وركب الركاب اللي على الرجل حافي
وهداج أشوف الورد قامت تعداه= من زود جور المعضلات العجافي
المستحي قامت تحده على اقصاه= وتضحك لجمهورٍ يدف الدفافي
العفو ما كل الخلايق معافاه= واقول ما كل الليالي عوافي
لاني موضحها ولاهي مناجاه= ولاني بحال أهل الحمول الخفافي
الحمل وين اللي من الناس يلقاه= عن الضعوف مجودين الكتافي
عقب اللئيم اللي بلاهم ابلواه= العلم وضحته وانا شاب قافي
تم الكلام اللي كتبته بمعناه= وانا موقع غلطتي بعترافي
وصلاة ربي عد مزنٍ نثر ماه= على النبي الهاشمي بالطوافي
رد الشاعر: حسين بن عبيد الله هذه القصيدة على قصيدة الشاعر: عقيل بن غزاي بن حجر
بديت باللي تسجد الناس لرضاه= علام ما كنه ضمير الخوافي
رب الملأ اللي تدعي الخلق باسماه= خوف ورجا تدعيه ويمد وافي
من بعد ذكر الله البوك جبناه= فوقه مداد يراع يرعف رعافي
وفريت دولاب الضماير من ارجاه= ودعا الهجوس وحضّرن له ملافي
هيضٍ من اجزال القوافي منقاه= نقوة عقيدٍ حازهن بالمحافي
عفرٍ مع المصلاح في راس مفلاه= واقفا بهن وهو في النوم غافي
لعقيل الغزاي ردا كتبناه= زجل القوافي والبيوت النظافي
عقيل زهمني والمرد يتحراه= يالله عسى المردود كافي وشافي
جاء بوتدات وعالي الرجم عداه= وغنى وهيجن فيه قبل النكافي
واعْجب بجوّن فيه ويهيجن غناه= وغنى القوافي مثل صقر النصافي
وقطف من الازهار من كل مرعاه= وشيب في الطاروق كل القوافي
وقالوا وقلنا راقي الرجم عناه= ويحس له باقصى الظماير شغافي
يا بو فهد الرجم هذي سواياه= ينبيك باطلال عليها السوافي
وحي سكن حوله ومفلا رعاياه= واثار ناس سامده ما تشافي
باجداثهم ما يسمعون المناداه= رهن العمل في ريبة وارتجافي
وكل يبي زمانه أول ويرثاه= ويبكي على دور مضاله وطافي
وتشكي زمانٍ خالطٍ داه بدواه= وتقول يا وقت الشقا بس كافي
هذا زمان العولمه والمعاناه= لصالح ناس وناس مجحف اجحافي
ونبينا بالجار جبريل وصاه= ما يصير حقه بين الاجواد هافي
واجد رجالٍ واجبه ما تناساه= شيمة عرب في واجب الجار تافي
وتغير الايام والوقت شفناه= نوبٍ عدال ونوب فيه إنعطافي
من كثر ماله قالوا الناس حياه= من شان دنيا للفنا والتلافي
ويقام له تقدير ويحط مركاه= كنه من اللي يحتمون العطافي
ومن قل ماله يتركونه دناياه= باروا به الخلان يعطون قافي
وأبو حقب في ماكر الحر تلقاه= وأبو زئير من المقوقي يخافي
والرجل يبلش في قريبه وعوجاه= والنصح والإرشاد يبغى ملافي
واللي يسب فلان وفلان يشناه= فمه عن النمات ماهوب دافي
كم واحدٍ يبغى السلامه ويبلاه= تاجر غثيث الهرج خطو الهلافي
طاوع قرينه بالخطأ والله أعماه= وحصل جزاه وجاه فوقه أضافي
ومن تابع الغلطات يزهد بدنياه= ومن لا صبر يجيه بعض الحسافي
وكل بعرفه في مسيره وممشاه= الله يجنبنا طريق المهافي
هذا الذي كتبت واشوف واراه= ولا كل رمَّايٍ يصيب الهدافي
وصلوا على اللي بلغ الدين وارساه= نبينا اللي ما لدينه منافي