حسين بن هندي
10-20-2007, 12:51 AM
أسند الشاعر / عبد الله بن معيبد السليمي هذه القصيدة على الشاعر / حسين بن عبيد الله
جيب القلم واكتب على سطور قرطاس= مثايلٍ زينات لوهي قليله
يلقى بها اللي ينشد الطيب نوماس= واللي كواه الوقت يبري غليله
ياحيف يا وقتٍ به الحر ينداس = واللاّش يصبح شيخ وسط القبيله
اللاش يحجز له مع الناس مجلاس= من بعد ماهو جالسٍ بالنثيله
حطوا على راسه دنانير والماس= واليا تكلم قام صنف ايعويله
من أول معروف خايب وبلاس= يجلس على الديران محدٍ يشيله
واليوم صار اتقول عنتر وجساس= يمشي بوسط الناس ولحدٍ مثيله
يقولها اللي حاسه الوقت وانحاس= واصبح بها الدنيا مضيع دليله
اللي كواه الوقت بالهم والياس= واللي يشوفه قال واعزّتيله
لاباس ياقلبي من الوقت لاباس= لاباس وابشكي على من شكيله
اشكي على اللي خوته ترفع الراس= حسين ابن هندي برز بين جيله
على عليهم وارتفع طيب الساس= للطيب والنّوماس كلن يجيله
معروف بالحكمه وتشهد لي الناس= قوله حكيم ولايجيب الهزيله
ياحسين انا محتار والفكر محتاس= واصبحت كني فوق نار ومليله
من سبّة الدنيا وناسٍ بها انجاس= فيهم خسيس ولايجي دون حيله
ازريت اميز صابني منهم اعماس= ناسٍ خسيسه بالثياب الجميله
لشفت واحدهم تقول إنه ادباس= اللي يصوم وقايمٍ طول ليله
له ملةٍ تجهل نبي الله الياس= يقولها ناصر وانا اقول قيله
استثني اللّي دينهم دون وسواس= اهل التقى واهل الخصال الفضيله
اللّي لهم في كل قومه ومجلاس= اصلاح بين البين وطرد الرذيله
ماذمّهم تزرى على قولي الناس= من ذمهم يلقى الخزي والفشيله
وصلاة ربي عد ما نس نسناس= على رسولٍ خص بـأفضل وسيله
ورد الشاعر / حسين بن عبيد الله على الشاعر / عبد الله بن معيبد بهذه القصيدة
هات القلم واكتب على الطرس بقياس= زجل القوافي من زميل الزميله
فريت دولاب الضماير والاحساس= ونقيت صاف القيل واترك حثيله
يا مرحبا باللي شكا لي هوجاس= وعزاه يا من حس بالوقت ميله
يا بو يزيد الله يجيرك من الباس= والهم والهوجاس ربي يزيله
يا القرم ياللي سيرتك خير نبراس= يالنادر اللي ماكره بالطويله
يا بن معيبد يوم دقيت الاجراس= النار عندي ولّعت بالفتيله
الوقت هذا فيه صادق وهلاس= سكر نبات وخالطه حنظليله
أشوف ناس اهدوس بالعيب غطاس= من خلقته ماحاش علم النفيله
ابو حقب ياكر مواكير قرناس= والليث تلقى في عرينه بديله
جندٍ على الأجواد يكضع بالاضراس= وعلى الرجال الطيبه شن خيله
وقت السعه خيال من فوق الافراس= وان صمَّلت يهاب سَرج الكْحَيْله
وعند الربايع لابس الدرع والطاس= يصد جيش الروم عند الحليله
وباللازمه تلقى علومه تملاس= مع الخريش إيفر يجفل جفيله
هوبج ثغب بالوصف مثله وينقاس= لو كان جنسه يختلف بالفصيله
مثله في الثيَّل له ارباط واركاس= يربط على كداد وسط الخميله
راع النقيلي بالقفا سم نداس= اللّي ماهو في سكّته يلتويله
هذاك منبوذٍ وللشر مقباس= واليا نخاه ابليس يرفع شليله
والعاقل اللي مايجي درب لولاس= واللي قطع للسيد ما يرتخيله
حِد الردي لصار للحبل مساس= خله عن الاجواد يعلن رحيله
والدين يمنع صاحبه درب الادناس= والناس بيِّن سَجْعَها واتْهَليله
والعُوج لوهي واضحه مثل الاقواس= لصار ماتعنيك خل إتْعَديله
إن كان ما تنصاك في كل مقياس= عن سيل واد اخليص جنّب مسيله
وصلاة ربي عد زفرات الانفاس= علـى نبيٍ منهجه ننتميله
جيب القلم واكتب على سطور قرطاس= مثايلٍ زينات لوهي قليله
يلقى بها اللي ينشد الطيب نوماس= واللي كواه الوقت يبري غليله
ياحيف يا وقتٍ به الحر ينداس = واللاّش يصبح شيخ وسط القبيله
اللاش يحجز له مع الناس مجلاس= من بعد ماهو جالسٍ بالنثيله
حطوا على راسه دنانير والماس= واليا تكلم قام صنف ايعويله
من أول معروف خايب وبلاس= يجلس على الديران محدٍ يشيله
واليوم صار اتقول عنتر وجساس= يمشي بوسط الناس ولحدٍ مثيله
يقولها اللي حاسه الوقت وانحاس= واصبح بها الدنيا مضيع دليله
اللي كواه الوقت بالهم والياس= واللي يشوفه قال واعزّتيله
لاباس ياقلبي من الوقت لاباس= لاباس وابشكي على من شكيله
اشكي على اللي خوته ترفع الراس= حسين ابن هندي برز بين جيله
على عليهم وارتفع طيب الساس= للطيب والنّوماس كلن يجيله
معروف بالحكمه وتشهد لي الناس= قوله حكيم ولايجيب الهزيله
ياحسين انا محتار والفكر محتاس= واصبحت كني فوق نار ومليله
من سبّة الدنيا وناسٍ بها انجاس= فيهم خسيس ولايجي دون حيله
ازريت اميز صابني منهم اعماس= ناسٍ خسيسه بالثياب الجميله
لشفت واحدهم تقول إنه ادباس= اللي يصوم وقايمٍ طول ليله
له ملةٍ تجهل نبي الله الياس= يقولها ناصر وانا اقول قيله
استثني اللّي دينهم دون وسواس= اهل التقى واهل الخصال الفضيله
اللّي لهم في كل قومه ومجلاس= اصلاح بين البين وطرد الرذيله
ماذمّهم تزرى على قولي الناس= من ذمهم يلقى الخزي والفشيله
وصلاة ربي عد ما نس نسناس= على رسولٍ خص بـأفضل وسيله
ورد الشاعر / حسين بن عبيد الله على الشاعر / عبد الله بن معيبد بهذه القصيدة
هات القلم واكتب على الطرس بقياس= زجل القوافي من زميل الزميله
فريت دولاب الضماير والاحساس= ونقيت صاف القيل واترك حثيله
يا مرحبا باللي شكا لي هوجاس= وعزاه يا من حس بالوقت ميله
يا بو يزيد الله يجيرك من الباس= والهم والهوجاس ربي يزيله
يا القرم ياللي سيرتك خير نبراس= يالنادر اللي ماكره بالطويله
يا بن معيبد يوم دقيت الاجراس= النار عندي ولّعت بالفتيله
الوقت هذا فيه صادق وهلاس= سكر نبات وخالطه حنظليله
أشوف ناس اهدوس بالعيب غطاس= من خلقته ماحاش علم النفيله
ابو حقب ياكر مواكير قرناس= والليث تلقى في عرينه بديله
جندٍ على الأجواد يكضع بالاضراس= وعلى الرجال الطيبه شن خيله
وقت السعه خيال من فوق الافراس= وان صمَّلت يهاب سَرج الكْحَيْله
وعند الربايع لابس الدرع والطاس= يصد جيش الروم عند الحليله
وباللازمه تلقى علومه تملاس= مع الخريش إيفر يجفل جفيله
هوبج ثغب بالوصف مثله وينقاس= لو كان جنسه يختلف بالفصيله
مثله في الثيَّل له ارباط واركاس= يربط على كداد وسط الخميله
راع النقيلي بالقفا سم نداس= اللّي ماهو في سكّته يلتويله
هذاك منبوذٍ وللشر مقباس= واليا نخاه ابليس يرفع شليله
والعاقل اللي مايجي درب لولاس= واللي قطع للسيد ما يرتخيله
حِد الردي لصار للحبل مساس= خله عن الاجواد يعلن رحيله
والدين يمنع صاحبه درب الادناس= والناس بيِّن سَجْعَها واتْهَليله
والعُوج لوهي واضحه مثل الاقواس= لصار ماتعنيك خل إتْعَديله
إن كان ما تنصاك في كل مقياس= عن سيل واد اخليص جنّب مسيله
وصلاة ربي عد زفرات الانفاس= علـى نبيٍ منهجه ننتميله