حسين بن هندي
10-20-2007, 12:28 AM
أرسل الشاعر / حسين بن عبيد الله هذه القصيدة إلى الشاعر / حسن بن سمير المخلفي
البوك جبته والقلم به مداده= وسجّلت من شعري بيوتٍ جدادي
من هاجسي سبَكْتهن في ركاده= ذهب خليطه ريح عنبر وكادي
واخترت من نظم القوافي اجداده= بهن سلام اعداد نشر الجرادي
لبو جمال ويستحق الاشاده= حسن من الأعلام ما هو بعادي
من الكرم والجود يحمل شهاده= غني عن التعريف بحضر وبوادي
له مجلسٍ مفتوح سلمٍ وعاده= ذا رايحٍ يمه وهذاك غادي
ما غلّقه بقفال عند الحداده= مفتوح بابه للمسيّر ينادي
والبن للعمسان يذهب اغماده= بدْلال فايح بنّهن والقنادي
وقبل تقهوى واجب الضيف قاده= مربّح اللي بيَّعوا بالمزادي
شيّال حمله واحتمل للزياده= مثل البليهي وآصفه بالمهادي
وحلاّل مايبرم بحال انعقاده= يُكره لقاء بن سمير لا جالعنادي
طير السعد لَطالع الخرب صاده= بالمخلب الجارح يقض الثنادي
صَيْروم يعجب صاحبه في هداده= الجول لا فرَّع يعوقه وكادي
الشاعر اللي مركزه بالرياده= شِعْرِه ثمينٍ سجّله كل نادي
اعز ابو جمال واعلن وداده= وقرب السنافي من ليالي عَيَادي
أصاحب الطيِّب وفاهم مراده= وعن صِحبة الرديان آقف حيادي
واسمح عن الهفوات نقص وزياده= الكامل الله والبشر فيه غادي
وان شفت هزل القاف خله تفاده= ماني بشاعر بس عندي مبادي
ومن السليمي لك تحيه معاده= ما سيّلت سحب المطر كل وادي
وصلوا على خير البشر من عباده= شفيع الأمه في نهار التنادي
رد الشاعر / حسن بن سمير المخلفي على الشاعر / حسين بن عبيد الله بهذه القصيدة
ألبوك جبته وازرق الحبر زاده= زجلٍ على غاية هواي ومرادي
وفريت دولابٍ تقادح زناده= ونار القوافي ما تعقب رمادي
من شاعر حرّك ضميري إسناده= مبادي فيهن صياغة استادي
أحاول اسرج للمعاني اشداده= والله يروف بصيغتي واجتهادي
والعمر واجب قبل يأتي حصاده= بالطيب يترك له حصيلة حصادي
وحسين مثل اللي الياقيل ناده= من طيب ذاته جاب صوت المنادي
يبي إيّدّم زاد غيره بزاده= وأهل المليحا ما عليها ازديادي
والطيب صعبٍ يالسليمي قياده= وحنا بهالدنيا نجاهد اجهادي
مابين عسر ويسر والوقت ماده= سباق خيل تطرد وسط مادي
نسرج وماجاده لنا الوقت جاده= والعيب شح اللي تضم الأيادي
وإلا الردى نفرد عن أهله افراده= والله ماخاشرهم على أيات زادي
وان كان خير لي وإلا قراده= دربي عن ادريب البخيل امتحادي
ولواني ارقد فوق جذع الكداده= ماعشق مع الانذال حلو الرقادي
مبادي كد عقبوها العواده= وأنا عليها يبيض الوجه سادي
لوان به لعلوم الاجواد اباده= وقت يخلط البيض هي والسوادي
نصبر على حامي لهيب وبراده= والصبر سلعة مكرمين الأيادي
هذي محاولتي وبعض الافاده= يالشاعراللي بي علىالطرس شادي
يالسيد اللي جاء من أحفاد ساده= من روس حرب اللي تضد العدادي
واسلم وجعل أيام عمرك سعاده= والله يسعد كل وقتك اسعادي
البوك جبته والقلم به مداده= وسجّلت من شعري بيوتٍ جدادي
من هاجسي سبَكْتهن في ركاده= ذهب خليطه ريح عنبر وكادي
واخترت من نظم القوافي اجداده= بهن سلام اعداد نشر الجرادي
لبو جمال ويستحق الاشاده= حسن من الأعلام ما هو بعادي
من الكرم والجود يحمل شهاده= غني عن التعريف بحضر وبوادي
له مجلسٍ مفتوح سلمٍ وعاده= ذا رايحٍ يمه وهذاك غادي
ما غلّقه بقفال عند الحداده= مفتوح بابه للمسيّر ينادي
والبن للعمسان يذهب اغماده= بدْلال فايح بنّهن والقنادي
وقبل تقهوى واجب الضيف قاده= مربّح اللي بيَّعوا بالمزادي
شيّال حمله واحتمل للزياده= مثل البليهي وآصفه بالمهادي
وحلاّل مايبرم بحال انعقاده= يُكره لقاء بن سمير لا جالعنادي
طير السعد لَطالع الخرب صاده= بالمخلب الجارح يقض الثنادي
صَيْروم يعجب صاحبه في هداده= الجول لا فرَّع يعوقه وكادي
الشاعر اللي مركزه بالرياده= شِعْرِه ثمينٍ سجّله كل نادي
اعز ابو جمال واعلن وداده= وقرب السنافي من ليالي عَيَادي
أصاحب الطيِّب وفاهم مراده= وعن صِحبة الرديان آقف حيادي
واسمح عن الهفوات نقص وزياده= الكامل الله والبشر فيه غادي
وان شفت هزل القاف خله تفاده= ماني بشاعر بس عندي مبادي
ومن السليمي لك تحيه معاده= ما سيّلت سحب المطر كل وادي
وصلوا على خير البشر من عباده= شفيع الأمه في نهار التنادي
رد الشاعر / حسن بن سمير المخلفي على الشاعر / حسين بن عبيد الله بهذه القصيدة
ألبوك جبته وازرق الحبر زاده= زجلٍ على غاية هواي ومرادي
وفريت دولابٍ تقادح زناده= ونار القوافي ما تعقب رمادي
من شاعر حرّك ضميري إسناده= مبادي فيهن صياغة استادي
أحاول اسرج للمعاني اشداده= والله يروف بصيغتي واجتهادي
والعمر واجب قبل يأتي حصاده= بالطيب يترك له حصيلة حصادي
وحسين مثل اللي الياقيل ناده= من طيب ذاته جاب صوت المنادي
يبي إيّدّم زاد غيره بزاده= وأهل المليحا ما عليها ازديادي
والطيب صعبٍ يالسليمي قياده= وحنا بهالدنيا نجاهد اجهادي
مابين عسر ويسر والوقت ماده= سباق خيل تطرد وسط مادي
نسرج وماجاده لنا الوقت جاده= والعيب شح اللي تضم الأيادي
وإلا الردى نفرد عن أهله افراده= والله ماخاشرهم على أيات زادي
وان كان خير لي وإلا قراده= دربي عن ادريب البخيل امتحادي
ولواني ارقد فوق جذع الكداده= ماعشق مع الانذال حلو الرقادي
مبادي كد عقبوها العواده= وأنا عليها يبيض الوجه سادي
لوان به لعلوم الاجواد اباده= وقت يخلط البيض هي والسوادي
نصبر على حامي لهيب وبراده= والصبر سلعة مكرمين الأيادي
هذي محاولتي وبعض الافاده= يالشاعراللي بي علىالطرس شادي
يالسيد اللي جاء من أحفاد ساده= من روس حرب اللي تضد العدادي
واسلم وجعل أيام عمرك سعاده= والله يسعد كل وقتك اسعادي