ديوان حسين بن عبيد الله ( مساجلات )

[حسين بن هندي]

قصيده مهداه الى الشيخ سعود بن معيبد الديري


يا سعود ياللي تشب النار= بوجار سته متر طوله
ولّعت سمرٍ هشيم اكبار= مشعل يقوله وانا اقوله
لاجل النشاما تجيب الكار = عادة مطانيخ وازحوله
اوجار فيه الدلال اسطار= من رايب الهيل معموله
مع زعفران وبهن مسمار= لكل الاذواق مقبوله
والعود الأزرق بجمرٍ حار= داير على إيمين بوصوله
سعود راعي هلا تكرار= نفسه على الطيب مجبوله
له مجلسٍ مدهل الأخيار= ما حسب المال واسيوله
مفتوح للضيف والزوار= ما به كلاليب واقفوله
مكرم ضيوفه وعز الجار= ومع النشاما كسب طَوله
له بالوفاء مارد ومصدار= هاذي شواهد من افعوله
ومن غاص غبه كسب محار= يكسب بها الدر واللوله
راع السميراء شريف اذكار= ممدوح مع ذولك وذوله
في كل علياء قطع مشوار= يا ناس بالذيب نادوله
ومقحم جاره طويل اشبار= يشفق على الطيب وينوله
مورث العز والمقدار= ومدحٍ ما هو فيه واشهوله
بالطيب ذكر الديارا اشعار= رفع جبلهم عن اسهوله

رد الشاعر مقحم محمد الديري على قصيدة ابوعبدالله الموجهه للشيخ سعود الديري


سر ياقلم واكتب الأشعار= من قلب بالصدق معقوله
رداً على طيّب الاخبار= كَفو ومعانيه مفتوله
حسين جاد البيوت اجهار= وباحلى العبارات مشموله
مثل الذهب غالي الاسعار= بيضاء جليه ومكفوله
راعي وفاء والوفا جبار= ويمنا الوصل فوق ما صوله
عد الحقايق على ما صار= وامجاد ما هيب مجهوله
واصخر بمعنى البيوت اصخار= والطيبه غصب محموله
والمدح بالطيبين انوار= نورٍ ينور المن حوله
ورد الثنا ما عنه معذار= ونفسٍ بها شك مبدوله
والفرق في عملة التجار= واللي لها حل محلوله
وحسين من لابةٍ جسار= من طاب في طيب طابوله
أهل المفاعيل والأدوار= بالطيب والجاه والصوله
يوم السماء ما عليه استار= يشهد لهم نجد واخيوله
والسيف والشلف والقنطار= واشرس خصيمٍ تصدوله
والبندق الزينه ام عيار= اللي للأشرار مكيوله
رجالهم ما يروح ايسار= واليا وقف يكسب الجوله
أهل المليحا عرب وانصار= للدين والحق والدوله