سالم بن محمد
06-23-2010, 01:34 AM
أصوغ من جزل المعاني والأمثال=والمفردات أصفها جمر صالي
وعلى مهار الشعر فارس وخيال=ولا أعتلي ضهور الكدش والهزالي
ندر البيوت تزاحم الراس والبال=وتذهلك لو هي من الطرف والموالي
وراسي رزين ويازن هضاب وجبال=ولاهز راسي مثل هرج الحثالي
مثلك حسود وبان به طبع الأنذال=والحسد هدد صاحبه بالزوالي
شاعر ولي بساحة الشعر منزال=ولي بسماه بروق مزن وخيالي
وليا وقفت بساحةٍ كلها رجال=رجال عرف وحاضرين إحتفالي
أثبت وساقي مايصيبه تهرقال=ولايربش الرجال شوف الرجالي
مرفوع راسي قدمهم والحياء بال=وللفرش ماطاح النضر والزوالي
ولا جلبت لنفسي القيل والقال=وحطيت نفسي بين حر الجدالي
وشلون تبدي رايك بحق الأبطال=وبنفسك انت بحاجة الإعتدالي
قال المثل تحذف حصى ناس جهال=ومن القزاز بيوتهم ذا هبالي
ولاشفت مزن وللبرد فيه همال=الراس غطه عن صقيع النبالي
ماكل روسٍ رايها راي عقال=ولا كل شاعر يرفع إله العقالي
وعلى مهار الشعر فارس وخيال=ولا أعتلي ضهور الكدش والهزالي
ندر البيوت تزاحم الراس والبال=وتذهلك لو هي من الطرف والموالي
وراسي رزين ويازن هضاب وجبال=ولاهز راسي مثل هرج الحثالي
مثلك حسود وبان به طبع الأنذال=والحسد هدد صاحبه بالزوالي
شاعر ولي بساحة الشعر منزال=ولي بسماه بروق مزن وخيالي
وليا وقفت بساحةٍ كلها رجال=رجال عرف وحاضرين إحتفالي
أثبت وساقي مايصيبه تهرقال=ولايربش الرجال شوف الرجالي
مرفوع راسي قدمهم والحياء بال=وللفرش ماطاح النضر والزوالي
ولا جلبت لنفسي القيل والقال=وحطيت نفسي بين حر الجدالي
وشلون تبدي رايك بحق الأبطال=وبنفسك انت بحاجة الإعتدالي
قال المثل تحذف حصى ناس جهال=ومن القزاز بيوتهم ذا هبالي
ولاشفت مزن وللبرد فيه همال=الراس غطه عن صقيع النبالي
ماكل روسٍ رايها راي عقال=ولا كل شاعر يرفع إله العقالي