حسين بن هندي
06-13-2010, 03:40 PM
قصيدة بمناسبة شفاء الشيخ: موسى بن عبد المنعم الناقي وخروجه من المستشفى
زان القصيد بطلعة الشيخ في خير= وبنات فكري حضّرن بانتظامه
جني عساف وطاوعن لي طوابير= تعبير في شيخٍ رفيع مقامه
فرحت وايضا هاجسي هاض تعبير= يوم استصح وطاب عقب انسقامه
لابو عبد المنعم معزه وتقدير= شيخ لنا واجب علينا احترامه
نقول له ماجور ماجاك تطهير= ماجور ماعانيت به من آلامه
الله يجيره من صدوف المقادير= في جاه من جاب المطر من غمامه
رجل تفائل بالشفاء كل مازير= لو هو يعاني وعكته وانكتامه
وتباشروا فيه الرجال المناعير= وعم الفرح في طلعته بالسلامه
جمعٍ يهنونه وجوله زواوير= نشوف بوجيه الجميع ابتسامه
من كل ديره زايرينه جماهير= حيث إن ابن ناقي للامجاد هامه
من روس حرب البارزين المشاهير= زحول الرجال مورثين الشهامه
مادام راسه حي واقدامه تسير= متعليٍ بالطيب ذروة سنامه
وبسم أبو موسى مرحبا يالمسافير= في مجلس عامر على العز قامه
والشكر للي سير الكون تسيير= والآدمي محييه ونشز عظامه
ومحيي الفياض المجدبه بالشخاتير= حتى تشابك نبتها بالخزامه
وتم الكلام اللي كتبته بتسطير= والمعذره وازكى سلامي ختامه
وصلوا على من نور الدرب تنوير= شفيع الأمه في نهار القيامه
زان القصيد بطلعة الشيخ في خير= وبنات فكري حضّرن بانتظامه
جني عساف وطاوعن لي طوابير= تعبير في شيخٍ رفيع مقامه
فرحت وايضا هاجسي هاض تعبير= يوم استصح وطاب عقب انسقامه
لابو عبد المنعم معزه وتقدير= شيخ لنا واجب علينا احترامه
نقول له ماجور ماجاك تطهير= ماجور ماعانيت به من آلامه
الله يجيره من صدوف المقادير= في جاه من جاب المطر من غمامه
رجل تفائل بالشفاء كل مازير= لو هو يعاني وعكته وانكتامه
وتباشروا فيه الرجال المناعير= وعم الفرح في طلعته بالسلامه
جمعٍ يهنونه وجوله زواوير= نشوف بوجيه الجميع ابتسامه
من كل ديره زايرينه جماهير= حيث إن ابن ناقي للامجاد هامه
من روس حرب البارزين المشاهير= زحول الرجال مورثين الشهامه
مادام راسه حي واقدامه تسير= متعليٍ بالطيب ذروة سنامه
وبسم أبو موسى مرحبا يالمسافير= في مجلس عامر على العز قامه
والشكر للي سير الكون تسيير= والآدمي محييه ونشز عظامه
ومحيي الفياض المجدبه بالشخاتير= حتى تشابك نبتها بالخزامه
وتم الكلام اللي كتبته بتسطير= والمعذره وازكى سلامي ختامه
وصلوا على من نور الدرب تنوير= شفيع الأمه في نهار القيامه