بكبد السماء خايلت مزنٍ ترزم=مزنٍ به البارق يهول شعاعه
منضره كنه في جلوسي يلزم=ولخاطره لبيت مقدار ساعه
وبنات فكري في هجوسي تحزم=وشليت قاف بصوت يطرب سماعه
يامزنتٍ رعدك به الصوت هزم=لاتشرهين البعد بالقلب لاعه
أجر صوتي غصب لعلي أهزم=الوحشه اللي سببت لي فضاعه
له مدةٍ خلي على البعد عزم=ياشينها يالمزن حزت وداعه
بالجوف ضيق لروحته بي لازم=وما بالجسم عن ضيقته بي مناعه
علي كل هموم بقعاء تعازم=وضافت خفوقي كل أبوها جماعه
هذا الذي يامزن بالقلب يوزم=وخلا الهجوس يفيض هي القطاعه

صح لسانك
قصيدة عانقت المزن بروعتها
ننتظر منك كل جديد

التاج صح بدنك ولاهنت
أسعدني تواجدك

صح الله لسانكـ يا سالم

الله يعطيكـ العافيه

صح بدنك يالسفير ولاهنت

وجودك تشريف لنا

صـــح الله لــســانـــكـ

عــلـى هـالـجـــزلـــة

ولاتــحــرمــنــــا جــديــدكـ

كــل الــشــكــر لـــك بــعــد الــتــحــيـة

مشرفنا القدير
الراسي صح بدنك ومرحبا بك

صح لسانك يعطيك العافيه

صح بدنك والله يعافيك