راح الزمان اللي به الخلق وافين=ولاشفت وضع الناس هالوقت تحتار
ماهم عليك بكل الأوضاع راضين=وأفعالك تنقد ولو صار ماصار
إن إتجهت يسار قالو رح يمين=وإن اتجهت يمين قالو رح يسار
وإذا سكت يقال ذا شخص مسكين=وإليا هرجت يقال ودوه لشهار
إن شان لبسك قالو الفقر والدين=وإن زان قالو عنك في نفسه إغتار
وفلان قيمة موتره جابها منين=وتقصيد ولاكاش هي قيمة الدار
وقبل امس شفتك يوم فللت بنزين=وين انت رايح حزت عصير مشوار
الكل حولك ركز البال والعين=وعنده علومك كلها دار مادار
يازين مجلاس الخلا عن كثيرين=لوك لحالك جالس ومشعل النار
بعيد عن جو المدن والزوالين=وعلى الهجيني تطرب مزين بكار
في موقعٍ مايارده كود وافين=اللي على الشدات صافين وحرار
على علوم المرجله دوم باقين=وبأعراض خلق الله سوالفهم قصار
أخير من جمع الرجال الرديين=اللي رداها بالملا سر وإجهار

ماقصرت والله ياشاعر المعني


وصح لسانكـ

تحياتي وتقديري

صح بدنك يالغالي
ولاهنت

يعطيك العافيه

وانت يغافيك ربي