المساعد الشخصي الرقمي

مشاهدة النسخة كاملة : ياليتني وياك توأم سيامي@ويفكنا الله من يدين الربيعه


سالم بن محمد
06-04-2010, 03:31 AM
ياليتني وياك توأم سيامي=ويفكنا الله من يدين الربيعه
متشابكينن باللحم والعضامي=حب وغلا ماهو مشابك طبيعه
الزول اشوفه كل حزه امامي=مايبعده ياكود رمشه سريعه
أحسن من أيامٍ بهاالإنقسامي=وبها ضلوعي من فراقك صديعه
دايم وانا لك ياغذا الروح ضامي=وحالي من الغيبه تراها شنيعه
غلاك ماهو معرفه والسلامي=غلاك وسط القلب عندي وديعه
جاك الوفاء مني وجاك إحترامي=وراك دون اسباب مني تبيعه
أسهر وانادي العين ياعين نامي=هذا الزمن ياخذ ويعطي رجيعه
حرام يالذة حلومي حرامي=عقب الهناء صرتي حلومٍ فضيعه
مثلت لي دور الشقيق السيامي=والله حسيبك جبت موس الربيعه

سفير النوايا الحسنة
06-04-2010, 02:04 PM
ههههه

الله حسيبك جبت موس الربيعه


والله روعه الله يعطيكـ العافيه وصح الله لسانكـ

تحياتي لكـ عزيزي

سالم بن محمد
06-05-2010, 04:30 PM
عزيزي أشكرك على المتابعه الدائمه
وصح بدنك لاهنت

قريناوي 20
07-03-2010, 04:30 AM
يعطيك العافيه

سالم بن محمد
07-06-2010, 04:26 AM
الله يعافيك أخوي قريناوي