ياسعود ضاقت بي فجوجٍ وسيعات=كن الفضاء حولي من الهم فنجال
أضحك وانا ضحكي على غير مشهات=لجل الخلايق مايقولون معتال
أخفيت همٍ بالحشا مابعد مات=ضاف الحشاء ياسعود من دون ترحال
ديمه علي من السنين القديمات=لينه سقاء جوفي من الجال للجال
سعيت في حل العقود الصعيبات=ودون المراد الوقت ياصاحبي طال
لو اللحم والدم واحد وبإثبات=متوارثينه جيل من بعده أجيال
قلوبها ياخوك ماهي صفيات=ولابينها شوفه ولا بينها وصال
الوقت قسى ياسعود الرقيقات=والناس تتبع غدرت الوقت لومال
والله يستر بالسنين المقبلات=بتشوف شيٍ ماطرالك على البال
وش قلت باللي دار في سوق الأبيات=ياسعود وعطني من مشورتك مرسال


رد الشاعر/ سعود المخلفي


ياهاجسي حضر ولابه مراوات=إليا زهمتك جاوب الصوت بالحال
عطني البيوت النادرات الجزيلات=اللي تنومسني على كل الأحوال
جاوب ندا راع الوفاء والمروات=اللي له بوسط المعاليق منزال
ياسالم الرفقه نهار المهمات=ولا يترجم الأقوال ياكود الأفعال
كم شرهتةٍ بالوقت راحت ولا جات=ولاتعرض الشرهه على روس الأنذال
الطق كد قالو حرامٍ بالأموات=وأكثر عباد الله على هيئة أزوال
دلوٍ يوردك العدود الرهيات=ودلوٍقصير إرشاه يصفق على الجال
مايدبل كبود الرجال المسمات=إلا كلام القيل بالناس والقال
وإن كان صابر لك سنينٍ قديمات=مالك ياغير الصبر ياطيب الفال
كمل لون الدرب كله مطبات=وكم ناسٍ تقدر على شان رجال
والله يبلغك الهناء والمسرات=تم الجواب ويسمج الهرج لاطال

صح لسانك


وبيض الله وجهك

صح الله لسانكـ ولسان الشاعر سعود المخلفي

تحياتي وتقديري

فهد السفير
صحت أبدانكم
أشكركم على الإطلاع