بإذن الله من هنا نتابع معكم حالة ربيعيه اخرى تبداء من 2 الى 7 ابريل 2010

[ABU_SAMI]

بسم الله الرحمن الرحيم

بإذن الله تعالى سوف تكون لنا متابعه لحالة بإذن الله سوف تكون رائعه للمناطق الغربيه
ومنطقة القصيم وبعض مناطق الرياض وبحول الله راح نكون مع الحالة اول بأول

من خلال التاريخ والاحصائيات لمدة قرن عرف ان هذا الشهر من اغزر الشهور امطار وهو ابريل
على الجزيره العربيه وخاصتاً على مناطق نجد وان شاءالله هذا الشهر تصدق به الاحصائيه


تنويه

سوف تكون المتابعه يوميه لاننا نعيش المراويح (الصيوف) والتغيرات وارده
وسوف تكون هناك نشره جويه يوميه تشرح الحاصل بالاجواء


تحذير للمزارعين

بإذن الله تعالى سوف المناطق الزراعيه وهي منطقة ساق الجوا وساق والفويلق
خلال هذا الاسبوع لاضطرابات بالاجواء يتخللها بعض السحب الركاميه وحدوث العواصف الرمليه
الى يوم الجمعه القادم بتاريخ 24/4 وبحول الله اذا حصل هناك مستجدات سوف يتم الشرح عنه


جوله بسيط على اهم المواقع والتوقعات

توقعات ناسا



http://wxmaps.org/pix/prec9.png (http://wxmaps.org/pix/prec9.png)



وبإذن الله لنا عوده مع الخرائط



ابو سامي

[ABU_SAMI]

بإذن الله تعالى سوف تبداء الحاله على مناطق القصيم من يوم الاحد القادم
واليوم الجمعه سوف تتاثر بعض المناطق الغربيه الى امطار من التوسطه الى الضعيفه
وهذا مؤشر لدخول الحاله الى اجواء الجزيره العربيه

والله اعلم

[سفير النوايا الحسنة]

مشكور ابو سامي وربي يعطيكـ العافيه

الله يجيب الخير

[Abu Raed]

الف شكر اخي ابو سامي

اللهم ارزق البلاد والعباد

تحياتي لك

[شبل القرين]

الله يعطيك العافيه ابو سامي

[ABU_SAMI]

الحالة الجوية المتوقعه لباقي اليوم ويوم الاحد

تأثرت بعض المناطق الغربيه لامطار من المتوسطه الى الغزيره
امطار غزيره على مناطق مختلفه من الطائف وامطار غزيره مع برد على النخيل
غرب المدينه وبعض الامطار الخفيفه على مناطق القصيم

وبإذن الله تعالى غداً الاحد اليوم يومكم يا اهل القصيم
سوف تكون التوقعات علي حسب جهات القرين
بحول الله تعالى سوف تكون الجهات الشماليه الغربيه والغربيه
من القرين هي الافر حظ بمشيئة الله وبعض المناطق المرشحه لامطار
من متوسطه الى غزيره حسب ما استنتجت من الموديلات فهي بحول الله
الفويلق , ساق ، البعايث والقرى القريبه منها , العظيم وسميراء ,
باقي مناطق القصيم فرصتها طيبه ولكن افضل الفرص على المناطق المذكوره

الساحل الغربي

http://www.viafy.com/uploads/b2988646c4.jpg (http://www.viafy.com)

السحب في هذه اللحظه ما شاءالله تبارك تنتظر امر مرسلها سبحانه

http://www.albrari.com/up/download.php?img=1047


التوقعات غداً

http://image.weather.com/images/maps/en_UK/web_intl_mideast_precip_day1_600.jpg (http://image.weather.com/images/maps/en_UK/web_intl_mideast_precip_day1_600.jpg)

[ABU_SAMI]

* سفير النويا الحسنه *

اشكر لك مرورك يالغالي وابشر بالخير الاسبوع هذا بإذن الله حافل بالمفاجئات
وعلى فكره انا فاقد واحد من الشباب ما شفته بالموضوع
سلمني عليه وخله يشوف هالتوقع بداية من يوم الاثنين

التوقعات على الرياض


http://www.mekshat.com/pix/upload04/images155/mk70820_rrrr.jpg

[ABU_SAMI]

* العندليب *

يا هلا بك اخوي وشاكر ومقدر لك هالطله الجميله

[ABU_SAMI]

*شبل القرين*

حياك الله يالغالي وكأني اشوف كام احترافي
بالتوقيع تبعك يالله نبي نشوف شي من هالحاله القادمه بإذن الله
تقدير لك عزيزي

[الليث]

هلا اخوي بو سامي علومك عطنا الاخبار والتوقعات على الحفر لان الجواء عالمي ومغيم وسبحان الله كلها رشوش مع ان السحب قويه ومظلمه لاكن بامر الله منزلت امطار قويه

[ABU_SAMI]

هلا اخوي بو سامي علومك عطنا الاخبار والتوقعات على الحفر لان الجواء عالمي ومغيم وسبحان الله كلها رشوش مع ان السحب قويه ومظلمه لاكن بامر الله منزلت امطار قويه

يا هلا بالليث

ابشر بالخير بإذن الله اليوم يوم القصيم والحفر
الان سحب بداية تكونات لسحب الرعديه في مناطق كثير من القصيم وحائل

رادار حائل


http://www.mlfnt.com/lives/12704681151.png (http://www.mlfnt.com/)

[ABU_SAMI]

مساء الخير للجميع

الخميس غدا بإذن الله تعالى الفرصه جميله لمناطق حائل
والقصيم وحفر الباطن وسوف تكون الحاله بطابع المراويح يعني
اذا جاء الظهر خايل الخيال وشف النشوالطيب وخلك حوله وابشر بالخير:bigsmile:

[أبو رائد]

حياك أخي ابو سامي وربي يعافيك على المتابعة الرائعة ..
أخي ربعك في الربع الخالي أيش التوقعات عليهم الايام القادمة
اليوم جونا غير الطعوس ما يردها إلا المناشف المبلولة من الدخول عندنا
مع ان الاجواء واضحة ان فيها غيوم ..

[أبو رائد]

أخبار العج يا أهل القصيم
هذه الصور خطفتها من أحد المواقع من الرس الساعة الخامسة وخمسين دقيقة
http://img517.imageshack.us/img517/4431/mg4760.jpg

[ABU_SAMI]

التاج حياك الله يالغالي

واشكر لك مداخلتك الرائعه يارائع
بالنسبه لربعنا الي بالربع الخالي والله التوقعات
تمشي بكره من صالحكم وكل شي ميه ميه بس ارادة الله فوق كل شي وانا اخوك
والله يا ابو رائد فيه ايام توفرت جميع العناصر الجويه الجميله ولكن بالاخير لا شي سبحان الله
بس املنا بالله قوي بكره بحول الله تصدق التوقعات وتكون زخات من الخفيفه الى المتوسطه عى مناطق واسعه من الرياض

تنويه الاخ التاج يقصد بالربع الخالي (منطقة الرياض )

على فكره يا ابو رائد السنه هذه الربع الخالي معدله اكثر بكثير من الرياض بالنسبه لكمية الامطار :icon18:

[ABU_SAMI]

مع نهاية هذا الاسبوع يكون نهاية هذا الموضوع
والحمدلله الذي تمم هذه التوقعات على خير على بعض المناطق المذكوره بالتقرير
وبإذن الله تعالى سوف يكون لقاء بحاله جديده متوقعه خلال الايام القادمه