مشاهدة النسخة كاملة : قصائد الشيخ عبيدالله بن محمد بن هندي السليمي
حسين بن هندي
08-24-2006, 09:56 PM
خذ القلم يا ذياب والحبر جاري=واكتب على الاوراق معجم ومليوق
قلب العنا مشغول بكثر الطواري=يبكي على مافات ولاهوب ملحوق
غدا تقل منجوم وبالليل ساري=ضيَّع طريق البدو وتايه عن السوق
شمس الضحى غابت واظلم نهاري=يلعبِّي الهوجاس مع كل طاروق
وهليت دمع العين بغير اختياري=ومالت بي الارض ووجس بها ضوق
وأشرب براد الماء وزايد مراري=والكبد عيّت تقبل الشرب والذوق
وكنّيت خفي القلب وبانت شواري=يبين بِحْجَاج العين والرمش من فوق
يلومني مغرور ولاهو بداري=عن ما وقع بالقلب في جوف صندوق
عبيد الله بن محمد بن هندي السليمي
حسين بن هندي
08-24-2006, 10:10 PM
هنيت قلبٍ ماتولع مع الشول= ولاعدا بالمرقاب لاقصى الطياحي
اليا وصفت اذيالهن وش ابا قول = مثل الودايا اللي سقاهن قراحي
قمت اتذكر في راع الشول مهبول = يبكي على عصر مضا له وراحي
وابنصحك كان تفهم الحكي والقول= هات لك مكينه وجب ثلاثة مساحي
واختم ثلاث اعضود بصباخ مجهول= الماء قليّل والطعميه ملاحي
هذادور من يصنع الخبز والفول= ويباشر بالترحيب وقت الصباحي
ولا تنس يومٍ على الحدب محمول= ملفوف في ثوبٍ لونه اضياحي
تلفي لبيتٍ ضيّق العرض والطول= مابه ونيس ولا تهفك ارياحي
ياعالمٍ مابالسموات وسهول= الطف بحال العبد لطف وسماحي
وصلوا على المرحوم أعز مرسول= اللي تبرع لأمته بالنصاحي
عبيدالله بن محمد بن هندي السليمي
حسين بن هندي
08-24-2006, 10:13 PM
ياراكب اللي طالعٍ عقب تمرين =اشهب من لون الأرض هذاك لونه
يعلم على الميه فوق الثمانين =يبي يطير وبالقدم يمنعونه
يمشي على القاسي ويمشي علىاللين=هملول صيفٍ والبرد به نمونه
منوة سجينٍ غايبٍ لّه زمانين=فيه الحديد وصكوا الباب دونه
نبيلنا تفريجةٍ بالحرمين=وسبعة اشواط نعدهن في ركونه
ركابته خمسه وسواقه حسين=والروض اخضر والكما يجمعونه
واحد جلس قاضي والخصم لثنين= واللي فصل بالحق ماله مهونه
عيني شكت قلبي وقلبي شكى العين=والعين عيا يمسك الدمع نونه
دناالرحيل وعدّة العمر سبعين=حت الورق والعود يبست اغصونه
لابد من يومٍ يقضى به الدين=ويعلّق الميزان تحسب اديونه
وخشمه على الجال وظهره على الطين=لوهو وزين الروح مايرحمونه
هلوا عليه الترب شمال ويمين=لايجيبهم بالصوت ولايكالمونه
عبيدالله بن محمد بن هندي
رد حسين عبيد الله على والده بالقصيدة التالية
ياراكب اللي جاهز وفل بنزين= جمسٍ جديد ومصنعه يضمنونه
آخر مديل السوبر الزين لونين= مثله لحزات السفر يشترونه
دليلته يركب عن السايق ايمين = أبو حسين بدربهم يسألونه
في وقته الماضي خبيرٍ وذا لحين= تجاربه تضفي على الصعب هونه
توجهوا من ركبوا الجمس ماشين= يم الذي بقلوبهم يرغبونه
بعد المدينه يم مكه ملبين= طافوا وآخر نسكهم يَحْلقونه
ومشوا إلى الطائف ولاهم بعجلين= مع الهدا طريقهم يَعْرِفونه
حيث الشفا ممطور والجو به زين= واللي تبي انفوسهم يطلبونه
اسبوع وقالوا للسّفر مستعدين= نجدٍ بها ذكر المطر يسمعونه
ومشوا على الصمان ماهم سريعين= حيث الزبيدي عندهم يلقطونه
وشبه الجزيره ربعت كالبساتين= ناقع مطرها ويتراكم مزونه
وساعة فرح عندي تساوي ملايين= ورزقي على اللي معْتلي فوق كَونه
والآدمي منشاه من لازب الطين= وآخر مصِيره بالثرى يدفنونه
يا الله يا منزل تبارك وياسين= ياللي عباده كلهم يرتجونه
تجعل لنا منزال عند النبيّين= في جنةٍ وعدتهم يدخلونه
وصلوا على اللي بلَّغ الناس بالدين= محمد اللي بالنداء يرفعونه
حسين بن هندي
08-24-2006, 10:32 PM
غابن نجوم الليل وبقين الانوار = والعين باعت نومها في سهرها
كني سجينٍ موعدالسبت لشهار= والا كسيرالساق محدٍ جبرها
متى يبين الصبح ونروح مسيار= يم اللي قدم البيت ناره زعرها
هذي عوايدهم وشرف هل الكار= وهذي يصبونه وهذي بثرها
ماحمست على قز تحمس على نار = لما صفا شقارها من خضرها
وياماحلا صفرٍ تلامع في وجار= والترمس والقمقوم ربي قهرها
يالله يا عالم خفيات الاسرار= مطلع عناقيد الثمر من شجرها
مجري سفينة نوح ومنجي هل الغار= وبامرك موسى عصاه تفلق بحرها!
ومخرج ولد يعقوب من عمق الابيار= وبعد العمى رديت لعينه نظرها!
تفرج لقلبٍ في الراي محتار = نوبٍ يمين الدرب ونوبٍ يسرها
واخترت سورة (يس)عن كل بيطار= اللي بظلام الليل ساطع قمرها
وصلوا على المرحوم اعز الابشار= مثبت رواس الدين وضده دمرها
عبيدالله بن محمد بن هندي السليمي
اقتباس:
المشاركة الأصلية كتبت بواسطة حسين http://www.al-qreen.net/vb/ksatec.com/alqren/buttons/viewpost.gif (http://www.al-qreen.net/vb/showthread.php?p=9435#post9435)
قلب العنا مشغول بكثر الطواري=يبكي على مافات ولاهوب ملحوق
غدا تقل منجوم وبالليل ساري=ضيَّع طريق البدو وتايه عن السوق
شمس الضحى غابت واظلم نهاري=يلعبِّي الهوجاس مع كل طاروق
وهليت دمع العين بغير اختياري=ومالت بي الارض ووجس بها ضوق
وأشرب براد الماء وزايد مراري=والكبد عيّت تقبل الشرب والذوق
عبيد الله بن محمد بن هندي السليمي
سلمت يمين مبدع و صــائغ هــذه الرائعـــة
أبيــات تنبض بالاحســاس و تلامس الشغاف بقــوة عمقهـا
كل الشكــر لك حســين على اتـاحـة الفرصـــة للارتشــاف من معاني القصـيـدة
احترامـــي لكم
اقتباس:
المشاركة الأصلية كتبت بواسطة حسين http://www.al-qreen.net/vb/ksatec.com/alqren/buttons/viewpost.gif (http://www.al-qreen.net/vb/showthread.php?p=9443#post9443)
هنيت قلبٍ ماتولع مع الشول= ولاعدا بالمرقاب لاقصى الطياحي
اليا وصفت اذيالهن وش ابا قول = مثل الودايا اللي سقاهن قراحي
قمت اتذكر في راع الشول مهبول = يبكي على عصر مضا له وراحي
وابنصحك كان تفهم الحكي والقول= هات لك مكينه وجب ثلاثة مساحي
واختم ثلاث اعضود بصباخ مجهول= الماء قليّل والطعميه ملاحي
هذادور من يصنع الخبز والفول= ويباشر بالترحيب وقت الصباحي
ولا تنس يومٍ على الحدب محمول= ملفوف في ثوبٍ لونه اضياحي
تلفي لبيتٍ ضيّق العرض والطول= مابه ونيس ولا تهفك ارياحي
ياعالمٍ مابالسموات وسهول= الطف بحال العبد لطف وسماحي
وصلوا على المرحوم أعز مرسول= اللي تبرع لأمته بالنصاحي
عبيدالله بن محمد بن هندي السليمي
اللهم صلي و سلــم و بارك على الحبيب محمد سيد الخلق
صلى الله عليه و سلــم
أبيات قيمــة و قويـــة المعنــى
تروي واقعـا لابد من معانقتهـ يوما ما لا محالــة
القديـــر حسيــن
صح لسان كاتبها و صح طرحك لها هنا
اقتباس:
المشاركة الأصلية كتبت بواسطة حسين http://www.al-qreen.net/vb/ksatec.com/alqren/buttons/viewpost.gif (http://www.al-qreen.net/vb/showthread.php?p=9457#post9457)
وياماحلا صفرٍ تلامع في وجار= والترمس والقمقوم ربي قهرها
يالله يا عالم خفيات الاسرار= مطلع عناقيد الثمر من شجرها
مجري سفينة نوح ومنجي هل الغار= وبامرك موسى عصاه تفلق بحرها!
ومخرج ولد يعقوب من عمق الابيار= وبعد العمى رديت لعينه نظرها!
تفرج لقلبٍ في الراي محتار = نوبٍ يمين الدرب ونوبٍ يسرها
واخترت سورة (يس)عن كل بيطار= اللي بظلام الليل ساطع قمرها
وصلوا على المرحوم اعز الابشار= مثبت رواس الدين وضده دمرها
عبيدالله بن محمد بن هندي السليمي
اللهم صل على محمد وعلى آله وصحبه أجمعين
حكمـــة مرســومـة بأبيــات تنشر الطمأنينـة في النفس
صح لسان الفاضل و الشاعـر القديــر
عبيدالله بن محمد بن هندي السليمي
وكل الشكر و الامتنان لك شاعرنا القديــرحسيـن على الطرح
تقديري و احترامـي لكم
اقتباس:
المشاركة الأصلية كتبت بواسطة حسين http://www.al-qreen.net/vb/ksatec.com/alqren/buttons/viewpost.gif (http://www.al-qreen.net/vb/showthread.php?p=9445#post9445)
ياراكب اللي طالعٍ عقب تمرين =اشهب من لون الأرض هذاك لونه
يعلم على الميه فوق الثمانين =يبي يطير وبالقدم يمنعونه
يمشي على القاسي ويمشي علىاللين=هملول صيفٍ والبرد به نمونه
منوة سجينٍ غايبٍ لّه زمانين=فيه الحديد وصكوا الباب دونه
نبيلنا تفريجةٍ بالحرمين=وسبعة اشواط نعدهن في ركونه
ركابته خمسه وسواقه حسين=والروض اخضر والكما يجمعونه
واحد جلس قاضي والخصم لثنين= واللي فصل بالحق ماله مهونه
عيني شكت قلبي وقلبي شكى العين=والعين عيا يمسك الدمع نونه
دناالرحيل وعدّة العمر سبعين=حت الورق والعود يبست اغصونه
لابد من يومٍ يقضى به الدين=ويعلّق الميزان تحسب اديونه
وخشمه على الجال وظهره على الطين=لوهو وزين الروح مايرحمونه
هلوا عليه الترب شمال ويمين=لايجيبهم بالصوت ولايكالمونه
عبيدالله بن محمد بن هندي
رد حسين عبيد الله على والده بالقصيدة التالية
ياراكب اللي جاهز وفل بنزين= جمسٍ جديد ومصنعه يضمنونه
آخر مديل السوبر الزين لونين= مثله لحزات السفر يشترونه
دليلته يركب عن السايق ايمين = أبو حسين بدربهم يسألونه
في وقته الماضي خبيرٍ وذا لحين= تجاربه تضفي على الصعب هونه
توجهوا من ركبوا الجمس ماشين= يم الذي بقلوبهم يرغبونه
بعد المدينه يم مكه ملبين= طافوا وآخر نسكهم يَحْلقونه
ومشوا إلى الطائف ولاهم بعجلين= مع الهدا طريقهم يَعْرِفونه
حيث الشفا ممطور والجو به زين= واللي تبي انفوسهم يطلبونه
اسبوع وقالوا للسّفر مستعدين= نجدٍ بها ذكر المطر يسمعونه
ومشوا على الصمان ماهم سريعين= حيث الزبيدي عندهم يلقطونه
وشبه الجزيره ربعت كالبساتين= ناقع مطرها ويتراكم مزونه
وساعة فرح عندي تساوي ملايين= ورزقي على اللي معْتلي فوق كَونه
والآدمي منشاه من لازب الطين= وآخر مصِيره بالثرى يدفنونه
يا الله يا منزل تبارك وياسين= ياللي عباده كلهم يرتجونه
تجعل لنا منزال عند النبيّين= في جنةٍ وعدتهم يدخلونه
وصلوا على اللي بلَّغ الناس بالدين= محمد اللي بالنداء يرفعونه
صح لسانك و لسان الوالــد
أطال الله في عمـره و حفظهـ
دمتم بألق
حسين بن هندي
04-30-2009, 10:18 AM
القديرة أختي حنان
بكل فرح وسرور تلقيت ردك الغالى
وأشكرك على ماورد به من اطراء جميل
وإعجابك محل تقديري ومصدر اعتزازي
صح الله بدنكِ وممنون لكِ ولكلماتك العطره
دمتي برعاية المولى
حسين
حسين بن هندي
02-02-2011, 12:17 AM
يالله طلبتك يا عزيز ألجلالي=يا خير من يسأل ويطلبُ
أنت الرحمن وافيا بالكمالي=وعبدك مقر بالذنب وتائبُ
دنى الرحيل وقرب الإرتحالي=وعلى آلة الحدباء سوف يركبُ
وعلى الحدباء والأمتان يشالي=يا حسرتاه أين به يذهبُ؟
للقبر وحشة واللحد خالي=والعين شاخصة والثوب يسلبُ!!
ثبتني يارب عند السوءالي= فإن من تثبته لا يغلبُ
عبيد الله بن هندي