تمـام مائـة عـام ذكـرى سعيـدة

[حسين بن هندي]

تمام مائة عام ذكرى سعيده=خمسين مع خمسين كامل عددها
فتح الرياض اليوم ذا دور عيده=واسما التهاني مرسلات لفهدها
وتهاني أخرى لنائبيه ونزيده=تهاني من قلب جت في وعدها
صقـر الجـزيره له مواقف عديده=مؤسس الدوله ومرسي وتدها
عن ملك جده قام بالفعل بيده=وعزم على فتح الرياض وهجدها
وقام وقتل خصمه بشلفا حديده=ويمناه من صدره بسيفه فردها
ونادا المنادي في حكومه جديده=لعبد العزيز اللي بعزمه وردها
ثم اتجه لسدير والوشم يريده=وفي وقْعة اجراب اجموعه حشدها
وفي روضة مهنا اعلومٍ اكيده=قتله لخصمه والأعادي طردها
وفي البكيريه وغربي بريده=بانت هزيمتهم وغَنِم اعتدها
وقبض على الشمال قبضه شديده=والشرق ضمه بحرها مع جلدها
ثم قال للأتراك ماذا تريده=عن الهفوف والأحساء كف يدها
وضم الجنوب اجبال واسهول ريده=وجازان مع نجران فيصل عمدها
وعلى تربه جاها بخطه جويده=وكل الحجاز ويم جده قصدها
ويوم الثنيه قُرْب من واد فيده=سرا عدوّه ليلته مارقدها
هجم هجوم الليث كلٍ شهيده=طوّع عواصيها واطاعوا لَسَدْها
أخذ ثلاث اعقود عجْلٍ مديده=حتى اخضعت له غصب وارسى وطدها
واعلن توحيد المملكة بالجريده=وصارت عضو بالجامعه من عددها
ونشر بها التعليم واصل العقيده=والفوضى هي والجهاله ابدها
و(حرب (معه تحت العلم له سنيده=الصدق فيهم والأ مانه وجَدْها
وخلّف حرار كل ارياههم رشيده=هم فرزها هم حرزها عن حسدها
هم حصنها هم درعها بالمكيده=هم ظلها همهم عزها هم سعدها
سعود وفيصل اخططهم سديده=وخالد نهض فيها وقَوَّا عمدها
من بعد ماهي بور وصحراء جريده=في دور ابو فيصل تباها ا وردها
واحات خضرا والمباني مشيده=ومواصلاتٍ كل قريه تردها
ونهضه في التعليم ونظره بعيده=ومستشفيات مطوّره في ضمدها
وحسن الجوار لكل دوله حديده=ولتضامن الاسلام يرفع بيدها
وفي خدمة الحجاج كلٍ يشيده=وسع مشاعرها ويسلم فهدها
وعبد الله اللي الياقست ما تكيده=ابومتعب يحل مبهم اعقدها
وسلطان بلسم وبتسامه شهيده=في حال والا حال كالليث وادها
ولا تنحصر افعالهم بالقصيده=ذا قول من قال البيوت وقصدها
اعربت بالأشعار جمله مفيده=من واقع التاريخ مخرج سندها
وصلاة ربي عد ماومت جريده=على النبي ما رش وابل رعدها