ديوان الشاعر غانم الضومري

[غانم الضومري]

* * * الجـــــــــــــــــــوزاء * * *
* * *



قام يتقادح بالسماء نوض براق = أركى على متن السحاب وفتقها
وهلت هماليل المطر بين الافتاق = واروت معاليق الضما من غدقها
بالله تاخذني ترى خاطري ضاق = ما ابغى المدينه فكني من زهقها
وقف ودور لي عن الظل مشراق = في روضة خضراء تطاير عبقها
يصدح بها القمري قبل وقت الاشراق = وصوت ام سالم بالخضيراء سبقها
الله ما احلى الطير من دون مسباق = لا كوبرت خرب الحباري صفقها
يازين نثر الريش مع وقت الاشفاق =قبل تذوب الشمس بأحمر شفقها
وطاحت على فرش خضر خلق خلاق = متخالطٍ نويرها مع يهقها
افرطت بالحمسه إلى حد الاحراق = حتى تطاير قشرها من عرقها
ودقيتها لا دق بالفكر دقاق = نجر المشاعر دقها ما سحقها
لاعاد سوق الحب من بد الاسواق = احلامنا الحلوه هو اللي سرقها
أبحر بها عنوه إلى وسط الاعماق = واحرق بها مثل (السلام) وغرقها
مااصعب من الفرقا على نفس مشتاق = لا اقفى الزمان وغايته مالحقها
بانت لي الجوزاء مع الهكع شعاق = يبرالها المرزم ونوره شعقها
راح الربيع وصفرت خضر الاوراق = حتحت هجير القيض ضافي ورقها
ما باقي الا الغصن يابس على الساق = لو يلمس الرمضى بظله حرقها
الله كريم وكافلٍ كل الارزاق = أصغر صغار الذر ربك رزقها



غانم الضومري

[غانم الضومري]

القصيده رقم 3 في منتديات القرين
أتمنى
أن
تنال
اعجابكم
أحبتي
دنيا غريبه كل يومٍ لها حــــــــال=متــداخلات أحداثها والليالـــــــي
أول تميز بين (رجرج) ورجـــــال=وهالحين ما تقدر تعرف الرجالي
ما فيه فرقٍ بينهم ثـوب وعقـــــال=أحدٍ يشوف نفيسته هملالـــــــي
مغـرور في نفســه غـدا عنده ريال=يحسب المراجــل كلها بالريالي
اعرف ترى الدنيا على مر الاجيال=رحله قصيره تنتهي بالزوالـــــي
هذا الزمن يا ناس رحله ورحــال=ولا ياخذ الرحال لامات مالي
ما ياخذ إلا ما كسبها من أعمال=ولا يخــلد التاريخ إلا المثالي
غانـم الضــــــــــــــــــــومري

[ابو ساره]

هذه القصيده من ابداعات الشاعر القدير غانم الضومري القاها بمناسبة زواج ابو نايف/محمد بن سالم المشرف يوم الاثنين الموافق 21/6/1427هـ في قصر القرين للأحتفالات و لاقت اعجاب و استحسان الجميع لما فيها من كلمات معبرة صادرة من القلب الى القلب، حيث لم تمنعه الوظيفة و لا بعد المسافة من الحضور و المشاركة و التعبير بالفرحة بهذه المناسبة.

وننشرهااستجابة للرغبة العديد من الاعضاء


من شان ابو نايف قطعنا المسافات = ولا نعتذر بظروفنا والوظايف
حضور عرسه من فروض المهمات= هذا وانا ما جبت اية كلايف
جميع ما املك كلها تسعة أبيات= أهديتها من خافقي لابو نايف
سيد الشباب وتاج كل الجمالات= يعطي ولا يلحق عطاه الحسايف
كلن يعرفه ما يبيله دعايــــات= رجّال جيله مايبيله وصايف
الشيخ ابو نايف تعدى المسارات= قرناس حر وكمّلن الردايف
شوحه بعيد ولا يحب الهزيلات= ما يعشق الا عاليات النوايف
من بيت عز ويعشق المجد بالذات= المجد ومحمد ربوع وولايف
وختامها ربي يديم المسرات= ويجمع شتات الشمل بين الولايف

[غانم الضومري]

رسالة إلى الدكتور بشار ..
كتبتها قبل الحرب على لبنان
اتمنى ان تنال استحسانكم


من قال لك بالــدم والروح نفديك = بشار تكفى لا تصدق كلامـــــه
تراه يكذب لا يغرك ويغويــــــك= لا ضاع شعبك ما تفيد الندامـــه
حاول تفادى ما وقع به ابناخيــك= دون المكاسب ما حصله سلامه
ابو ســـعد كانك ذبحته باياديــــك = واجه مصيرك قبل يوم القيامـه
حــارب لحالك فكنـا من بلاويــك= ولا اظن تلقى من يقط العمامه
اهرب بنفسك لاي شخصٍ مواليك= وسلم مفاتيح البلد والزعامـــــه
قبل يصيدونك كما صيــدة الديـك= والا كما صيدة هبيل النعامــــه
اسمع نصيحة واحد من محبيـــــك= لوضاعت الفيحا عليك الملامـه
لازم تفكك حزبك (الشهم) تفكيك= البعث حزبٍ بالياتٍ اعظامـــه
مؤسسه (ميشيل عفلق) ولااخفيك= إنه يهودي والنصارى عمامــه
وسرح مساجينك وصحح مباديك= واترك أهل لبنان وسط الغمامه!
خل الطوائف كلها تحكم (اهنيــــك)= ولا ظنتي تاقع عليها الحمامــه
وكانك بري ما فيه هـاذي ولا ذيــك= النور ما يخفيه زود الظلامــه
القصد واضح ما يبي أي تشكيك= صهيون ما يبغاك تاقف امامـه
تجارةٍ حره بها الكفر يلهيـــــك= ويشفطك شفط المكنسه للقمامه
يدوس عرضك ثم ياخذ اراضيــك= ويختم عليه بالصليب العلامــه
معقول هذا يافتى الجود يرضيك= الدين يمحى والقيم والشهامـــه
خلك مع التيار والوســط يكفيــــك= وعليك باهل الدين والاستقامــه
وانصا الرجال اللي تفك الشرابـيـك= اللي لهم بالكون قدر ومقامــــه
إن كان ابومتعب عرف صدق خافيك= أبشر بنصرٍ مثل نصر الرغامه
إليا أمرنا سيــدي نــذر لا اجيـــــك= ما دامها وصلت لحد الكرامــه
موت الشرف من حدر نار البلاجيــك= أخير من موتة فطيس الرخامه
واختامها نطلــب من الله ينجيـــــك= ويعيد للإسلام بعض احترامـه

)
(
)
(
غانم الضومري

[غانم الضومري]

كتبتها لأولائك الذين تلهيهم هواياتهم عن متابعة فلذات اكبادهم




ياما نصحتك يابيض الوجه وازريت = خلك مع البزران كب المساري
من قو راسك ليه عاندت واقفيت = وركبت جيبك وقلت هالحين ساري
وقاموا معك ناسٍ على ما تمنيت = الكل منهم للمطاريش ضاري
وقت اختبارات البزوره تمشيت = تهرب من الواقع بكثر الطواري
لو تسأل استاذ الولد قال مليت = ومل المدير ومل حتى الاداري
ضاع الولد ياليتك اليوم ما جيت = في أي صف يكون ماانته بداري
لفوا عليه عيال شلّة سرابيت = دايم مجالسهم بوسط الحواري
وانا ادري انك بالخلا ماتهنيت = يجيك باللحظه ثمانين طاري
يضيع وقتك اكثره خارج البيت = لا جبت فود ولا كسبت الحباري

غانم الضومري

[غانم الضومري]

أهديتها للشاعر الكبير/ بدر الحويفي ،
حينما زارنا في مركاز الشيخ / خالد الحجيلي
في الحنو شمال ينبع ملتقى الشعراء والصقور المهاجرة


يازينها لا صرت جنب الحويفي = اسمع من لسانه لذيذ السواليف
اخذ معه واعطي كلامن طريفي = مثل الذهب ما خالطه اي تحريف
والا الشهد لا صار توه نظيفي = في مركز اللي ما حسب للتكاليف
ملفى النشامى بالنهار الكليفي = امر تدلل لو بغيت المصاريف
وقدامنا اللي مال فعله وصيفي = فعله مجرب نتف الخرب تنتيف
اخير وابرك من مقابل وليفي = يعل يفدونه جميع المواليـــف
ماغير ابو سلمان شفي وكيفي = شيخ النشاما ما يبي أي تعريف

غانم الضومري

[غانم الضومري]

أحببت أن أشكر الاستاذ/ فايز البدراني .
حيث أنه بذل ويبذل جهود جبارة في
أنساب وتاريخ أكبر القبائل وأكثرها فروعاً وتعقيداً
فقد ألف 12 جزء عن قبائل حرب الموجودة في
وادي ريم وابو ضباع الواقعة بين المدينة المنورة
ومكة المكرمة .
وكذلك ألف 12 جزء عن قبائل حرب التي هي في
وادي الصفراء بين المدينة المنورة وينبع
بالاضافة إلى اصدارته السابقة من
قصص وأشعار وتاريخ وأنساب قبيلتنا العملاقة
هذه القصيدة الترحيبية
أهديتها للأستاذ/ فايز بن موسى البدراني
حينما زارنا في ينبع
لجمع المعلومات والمخطوطات
التي تخص قبيلة حرب ..


منا تحية لا بوتركي هلا فيه = والحمدلله يوم حنا عرفناه
كنت اتمنى لو اعرفه واخويه = واخذ معه واعطي على ماتمناه
اللي جمع شتات حاضر بماضيه = يعلها تسلم يمينه ويسراه
معجم قبيلة حرب تقدر تسميه = المرجع اللي لا ختلفنا نصيناه
قولوا معي يالله ياربي تخليه = يا عز من جانا بينبع وشفناه

غانم الضومري

[غانم الضومري]

من أوراق مكتبتي الخاصة

أحبتي الكرام .. هذه القصيدة مشاعر والد أجبرته ظروف الدراسة
أن يرضخ للواقع ويرسل فلذة كبده الوحيد إلى بلاد الغربة .
من أرض المطار يفترقان ..
الابن يتجه 12 ساعة عكس عقارب الساعة ..وهو صغير ..
لا يعرف من الدنيا إلا اسمها . ووالده يعود إلى مدينته ..
حزيناً باكياً ، لتخرج هذه القصيدة التي شربت حروفها
دمعة ضنى مرها لا يطــاق ..


ودعــت رايــد وعنـــي راح = مالـــه سبــب كلها أسبابــــــي
أقفا ضنــايه وســـدي بـــــاح = عجزت أسيطر على أعصابي
أقوم واقف واصيح اصيـــاح = لولا الحيـــــاء أمزع اثيــابــي
واطرد ورى الطير بالملواح = وادعس على الشوك ما اهابـي
لو الله إلا انطفى المصبـــاح = اللي كمـا الشمــس بغيابـــــــي
مالي جدا إلا افرك المسباح = واعــظ الإبهـــــام بالنابـــــــي
بالله وش رايكم ياصـــــــاح = طار الأمل واخر احبابــــــــي


وحينما وصل أرسل لي رسالة هذا نصها :
( أبي لقد وصلت بحفظ الله .. بعد رحلة ثلاثة أيام ..
مليئة بالأحداث التي لم أكن أتوقعها .. والدي .. أنا بخير ..
إن كنت حزيناً على شخصي الوحيد ..
فكيف بالذي فقد ... أم .. .. أب .. إخوان .. وطن .. كل شيء ..
لم أكن أتوقع أن أفقد هذا كله .. السعوديـــــة .. عمري بمن فيها ..
أبي سوف أكون عند حسن ظنك .. تحياتي .. ابنك ..رائد )

وكان الرد على النحو التالي :


يا رايد الغانم عسى الـرب يا قـــــاك = ويحفظك ربي من صدوف الليالي
أبنصحك ما قصدي أزعجك واشناك = أنتـه بعين أبــوك شخصٍ مثالــــي
لا شـــك خايف من بــلا كل ذولاك = أهل السهر والهستـــرة والتســالي
حافظ على نفسك ودينك ودنيـــــاك = النقـص ما نبغــاه نبغى الكمــالــي
لحظة وناسه تفقــــدك كل مبــــداك = وتنــدم على ما فــات أول وتالــي
نفسك عدوك طيلة الوقت واياك = سيطر عليها شدها بالحبالـــــــي
لو طعتها مــره تراهــا تحـــــــداك = تلوي ذراعك لو حصله مجالـــــي
لا تصير عبد النفس حذراك حذراك = خلك صميدع دوسها بالنعــــالي
عســاك تطلع مثل ما أبوك يبغــــاك = رجال علم ومدهلٍ للرجــــــــالي
أنـــت الأمل بعـد الولي لاعـدمنــاك = الله يسهل لك طريق المعالـــــي

غانــم الضـومـــري

[غانم الضومري]

السلام عليكم ورحمة الله وبركاته ..

يسرني ويشرفني أن أكون من أوائل شعراء القرين الذين يكتبون لمنتديات القرين وبالاسم الصريح الذي يشرفني أن أتواصل معكم من خلاله ..




باسمي دخلت المنتدى واتشرف = الضومري غانم ولا احتاج تعريف
راعـي مـحـل ماحـتـاج ايــة مـعـرف = كـلـن مـحـلـه مـانـبـي أي تكـلـيـف
صـافـي النـوايـا دعـوتـي والـمـعـرف = مــن بينـنـا ربــي يـديـم المعـاريـف
حـبـيــت اشـــــوف المنتدى واتعرف= واخذ مع ربوعي لذيذ السواليف
فـكـري وســط مـا فـيـه أية تـطــرف = إلا بــحــب قـريـنـنـا والـمـوالـيـف
مشـكـور ابـوسـاره يومـنـه تـصــرف = اعطـاه ربـي كــل حكـمـه وتصـريـف
اللـي سهـر وايـا القـمـر لـيـن هــرف = واصـل طريقـه رغــم كــل التكالـيـف
انــا احـمــد الله منـتـدانـا يـشــرف = مثـل المسـودس فــوق روس المشـاريـف
علـقـت بـالـواسـط بـريــد مـظــرف = و انتـه تفـضـل فــك كــل المظـاريـف

تحياتي وتقديري لكم أحبتي
)(
)(
غانم الضومري

[ولــــد المدينة]

الأخ غانم مرور أول ولي عودة بأمر الله ..!!


اخوك احمد الكندي : )

[امير الورود]

ابو سامي صح لسانك وسلمت اناملك اتحفتنا بابداعاتك
انا سمعت قصيده لك بس مو كامله للاسف الي هي
يا بنت حبك لاجي بالضلوعي
بقصى معاليق الحشاء يحرق احراق
لاشك طبعك ما يناسب طبوعي
اقولها لو سببت هجر وفراق

[عسل الشوق]

صح لسانك ياغانم


اشكرك على القصائد الجميله


ننتضر الجديد


لك تحياتي

[قرناس]

«®°·.¸.•°°·.¸¸.•°°·.¸.•°®»صح لسانك«®°·.¸.•°°·.¸¸.•°°·.¸.•°®»