سالم بن محمد
10-12-2009, 06:32 PM
قصيدة مهداه الى الشيخ فهد بن سعود بن ناقي
لاخيل المنشاء مزونن مراديف=ودق الهجوس وللمكاشيت طاري
نحرت صنع مكملين التواصيف=جكس آر نوع مصمم وبإختياري
في شنطته للكيف صفر ومعاكيف=متزهب ومن قبل الإشراق ساري
ونصيت منهو فوق عال المشاريف=رجل عزيز وللمواجيب ضاري
أبوسعود اللي به العيب ماشيف=للطيب به منبع وللطيب شاري
ولاجيت روضن صك عشبه مطافيف=وسطه نزلت وثم شبيت ناري
ودلالها بالجال صف ومراديف=والبن زانت ريحته يوم فاري
ومع سوقة الفنجال دارت سواليف=والخير منشاء لضوح برقه مواري
على الهداد بصبح باكر مشاغيف=في موقعن به خابرين الحباري
وفهد حراره فوق كفه مواليف=لها كفوفه معتبرها مطاري
شلاح في هده إسبوقه مرافيف=يعجبك شوفه بالسماء يوم طاري
لجل السمينه له مخالب خواطيف=وأبو سعود مدربه للطواري
خوة مثيله من رجال المعاريف=نفخربها دام الوفاء له شعاري
مع لابته تلقى كبار المواقيف =تحسب وتذكر كل ليل ونهاري
وأفعاله اللي مع ربوعه مهاديف=وكسبها النوماس ماهي صغاري
متوارثن للطيب من مكرم الضيف=بوه وجده مبعدين المساري
نسل الحرار اللي للأعداء عواصيف=وم الجزيره سلب وجوع وصحاري
وصلاة ربي عد وبل المراديف=على النبي وعداد نبت الخباري
لاخيل المنشاء مزونن مراديف=ودق الهجوس وللمكاشيت طاري
نحرت صنع مكملين التواصيف=جكس آر نوع مصمم وبإختياري
في شنطته للكيف صفر ومعاكيف=متزهب ومن قبل الإشراق ساري
ونصيت منهو فوق عال المشاريف=رجل عزيز وللمواجيب ضاري
أبوسعود اللي به العيب ماشيف=للطيب به منبع وللطيب شاري
ولاجيت روضن صك عشبه مطافيف=وسطه نزلت وثم شبيت ناري
ودلالها بالجال صف ومراديف=والبن زانت ريحته يوم فاري
ومع سوقة الفنجال دارت سواليف=والخير منشاء لضوح برقه مواري
على الهداد بصبح باكر مشاغيف=في موقعن به خابرين الحباري
وفهد حراره فوق كفه مواليف=لها كفوفه معتبرها مطاري
شلاح في هده إسبوقه مرافيف=يعجبك شوفه بالسماء يوم طاري
لجل السمينه له مخالب خواطيف=وأبو سعود مدربه للطواري
خوة مثيله من رجال المعاريف=نفخربها دام الوفاء له شعاري
مع لابته تلقى كبار المواقيف =تحسب وتذكر كل ليل ونهاري
وأفعاله اللي مع ربوعه مهاديف=وكسبها النوماس ماهي صغاري
متوارثن للطيب من مكرم الضيف=بوه وجده مبعدين المساري
نسل الحرار اللي للأعداء عواصيف=وم الجزيره سلب وجوع وصحاري
وصلاة ربي عد وبل المراديف=على النبي وعداد نبت الخباري