ديوان حسين بن عبيد الله السليمي(قصائد عامه)

[حسين بن هندي]

قصيدة للشاعر / مصلح بن رجاء السليمي يسندها على الشاعر / حسين بن عبيد الله


ياحسين ابرسل لك مع الليل مرسول= مرسول مني فيه من كل الاصناف
حيثك درست الوقت بالعرض والطول= رجال عرف ومن رياجيل عراف
صيتك طلع في نجد حولا بعد حول= شاعر قديم ولك مع الشعر ميقاف
ابستشيرك قبل ماقول واقول= قول يحير منهجه قدم واخلاف
قولٍ اليا قلته على حق واصول= ماهي سواليف تزيف تزياف
ماهي سوالف كل غاوي وطهبول= دباك نماك وبالهرج مزهاف
اللي يقول القول من غير معقول= يالله دخيلك متلف حاله اتلاف
يبغى يقلد دور عنتر وبهلول= ناسٍ تهين نفوسها لاجل تنشاف
ناسٍ تهزى في رياجيل وزحول= اللي مواقفهم على حق وانصاف
وحنا عرب لنا تواريخ وافعول= يوم القبايل بين مغزى ومنكاف
يومنها بالسيف قاتل ومقتول= ما ناخذ الا من رياجيل الاشراف
واليوم امان وكايد الحمل مشيول= في ظل حكام لنا ستر والحاف
هذا وانا محتار في حال محمول= هو حل والا صد وانوا بالانكاف
ان صد عنا مع متاييه واسهول= ماهمني لوهو على وسق الارداف
وان لد يمي قدمه الدرب محبول= ماني بحاله معتلي راس مشراف
امشي بعز النفس ماني بمذلول= في حال والا حال بالوقت خواف
ايام بالدنيا معي حل وحلول= وايام عن بعض المواقيف معياف
لاشك أنا حصلت لي سر مجهول= سر جديد وله محاريف واهداف
على ثمان ابنود مبني ومفتول= بان وتبين لي على سلك شفاف
شفته بعيني من ورا شط زهلول= وش بينه بالدرب يوم الزمن طاف
مايدري ان الحي بالحال منزول= وامسى وطن مملوك من كل الاطراف
تسعين زول اللي تحت ظل مخيول= منزالهم مابين سينا والارياف
كبيرهم ياحسين ضايع ومعلول= وصغارهم مابين حاذف وحذاف
سل سال سلم واستلم دور ماسول= واصبح سلف مابين سلفا وسلاف
شايف وخايف في زمانه ومشغول= من جور وقت فيه الارياق نشاف
هذا هدف قلته محكم ومقفول= بيني وبـينك سر والسر بغلاف

رد الشاعر / حسين بن عبيد الله على الشاعر / مصلح بن رجاء بهذه القصيدة


البارحة جاني مع الليل مزجول= متفقّده راعيه قبل التظراف
ابيات مصلح صاغها طيّب القول= مثل الذهب مَسْبُوك في بنك صراف
ابيات كن اسياقها ضرب شهلول= راع الشوارد جابها بعد الاسلاف
يامر حبا به عد ما هل هملول= واعداد ما سيّل وطا الأرض وشعاف
وعداد ما واد الرمه صار مسيول= وعداد من كبّر في البيت وأطّاف
بابيات من صفى كلامه عن التول= جم القوافي منْهَلَه دون غراف
شاعر قديم لقارض الشعر دالول= اديب راوي حاويٍ كل الاطراف
شِعْره مع الرواه سجّل ومنقول= نظمٍ وبالقلطه زميلٍ لصياف
يبني من الأشعار في فن وأصول= اديب أبو طارق وللقاف عساف
رمز الشجاعة فيك بالعرض والطول= لا شفت ميل ومنطقٍ ناشفٍ حاف
ان كان عندك قول قوله ولا تفول= والعزم فيك وباللقا توقف اوقاف
واليا زهمت حسين حاضر على طول= احط في كبد المعادين مرضاف
أنا عضيدك كان بتقول وتقول= في ماقفٍ ما ياقفه كل بلاف
حنا حرار نكيل بالصاع مدبول= ولا نقبل العوجا قوانين واعراف
لنا في التاريخ وقفات وافعول= سعد الصديق وللعدوا سمٍ اذعاف
يوم انها بسيوف ورماح واخيول= عود القنا نرويه من دم الاهداف
واللي غزانا قدمه الدرب مقفول= ولا له مفر ايمين ويسار وخلاف
واليا بغينا درب مافيه عرقول= تلقى لنا في مدهل الصيد سلاف
قطعاننا ترعى الخضر وعر وسهول= وحم الذرا من دونها حدب الاسياف
سوّاقة العطفه وحمّاية الشول= لا زغردن البيض مع سَوق الاعطاف
لنا جموعٍ تجعل الضد مشلول= أيام وقتٍ به حززات وأخلاف
واليوم امان وسِلم مع ذولك وذول= في ظل أبو فيصل على حق وانصاف
دستوره القرآن والسيف مسلول= خلى الطلي يمشي مع الذيب ماخاف
والمجتمع به ناس صاحي ومَهْبول= وسود القلوب ثيابهم بيض ونضاف
والسر يا مصلح تبين ومجهول= في منطقة بلبيس مادونه اغلاف
ستين زول اصغار والباقي كهول= كبيرهم باليابسه حط مجداف
تمت حسب عرفي بما قلت مدلول= وعساي نلت ارضاك يا نسل الاشراف

[حسين بن هندي]

تمْلكنِي الغِيرة لغاية مرادي=حتَّى فِي السَّوَاك بَيْن الشّفايف
راجعْت نفسي قلت يا حيف غادي=هذا أراك وصاقلٍ للرّهَايف
وعِقْد الذهب بَالجِيد وحَول الأيَادي=حُلي تحلّى به حَسِينْ الوصايف
عَذَلت نفسي قلت ذا شيء عادي=هذا الذهب على الذهب ليه خايف
عين الذي بالكف يبغى الهدادي=رف بجناحه لَبْرق الريش شايف
أشقر جديله ذيل دهم الجيادي=من اصطبل سلمان تهدى النايف
شعَّت غروب الشمس وقت البرادي=وريح النفل بفياض قفرٍ عطايف
الابتسامه كاللآلئ إجدادي=در البحر أو حَب رمان طايف
عنق الغزال أُوفزته مع حمادي=إمذيِّره قناص يزْحَف إمسايف
لاماه عندي يعتبر من عيادي=وفرقاه كسرٍ ما جبرْتِه لفايف
قلبي يحب الترف سام المبادي=هو منوتي من هالخشوف العفايف
وحبه على غيره في الكيل زادي=وله مسكنٍ بين الضلوع النحايف
ما صاب أبا زيد بيّه وكادي=وقيسٍ وليلى والقلوب الولايف
واليا حصل لي مايحبه افوادي=مالي بها الدنيا بغيره حسايف

[حسين بن هندي]

حي الركاب اللي لفنا معايير= ترحيبة اللي شايفٍ غالي لّه
بالركب واللي فوقهن من مناعير= اعداد سحب بالسما مستهلّه
يا مرحبا أحلى من حليب المصاغير= اللي رعن حوذانةٍ مستطلّه
ياراكب اللي لا مشا كنه ايطير= يطوي سهال واسعه مسمهلّه
حر سبوق يفوق وقت المغاوير= ياصل ويوصل بالرها راكب لّه
جروان جده من حرار مشاهير= وخضرا الذلول السابقه جدتلّه
وعليه من بلهان حليا وتصوير= وايضا مثل سمحان في فزّ تلّه
ذكرني اعريجان وبه ميزة غير = ومطيع للي راكبه خاضع لّه
عليان ابوه ومنحني كالسنانير= تقول قوس وراكبه مستولّه
عامين غير امه رضاعه على ضير= ثنتين يرضعهن وهن يعطفن لّه
ويرعى طيابة عشب قفر ونواوير= معشّب حتى ان عمره كملّه
بالجلس الاول عاسفينه بتسْخير= حتى تهندب والرسن مايتلّه
والكور مضبوطٍ بقد ومسامير= وبدود طرف وكنهن فرش زلّه
والخرج فوقه والسفا يف محادير= عند اربعه مع فزته يلعبن لّه
وقدم الغزال الميركه مبرم السير= ومبطنن واخصار من شان دلّه
ذا مركب الجدان ماهو حناتير= سفن الصحاري والدروب المزلّه
من عندنا ممشاه مع وزة الطير= وضحي ياصل للقرين وهللّه
عليه مندوبي وقافي وتقدير= لبو مشاري ياصله في محلّه
مرحب بالضيف من دون تأخير= طيبه طبيعه والوفا عادتلّه
لاديرفنجال الدلال المباهير= عط نايف بن سعود ظرف السجلّه
وتبا الحقيقه والعلوم المصادير= للِّي نصاني ما ملكته فدلّه
لو كان يلحقني بفعلي مخاسير= أمشي معه واسير طوع ارضلّه
وصبر وقناعه بالفتى بعد تفكير= ولو الجبل ينزال تبقى الجبلّه
ومسّاحة الاسفنج تمحى الطباشير= والنقش بالا حجار ما زال للّـه
ولو أزرق الميت وصلّك صنافير= مده وجزره يا فتى راجعن لّه
وبالبحر الأحمر للجواهر مدا وير= ومن غاص جاب الدر في موسم لّه
ودرب به العاثور غيره معابير= تلقى طريق ما يجي به إشكلّه
واللي جنى بكليب قص الحناجير = وكثر حيل جساس ما يشفعن لّه
ولا ظن بالدنيا ولا شيء ما يصير= وكلش بتدبير الولي رادة لّه
وعساي نلت ارضاك في كل تعبير= والعبد يخطي والولي عاصم لّه
وصلوا على اللي بدّل الشرك تنوير= محمـد اللـي نتبـع منـهـج الّـه

[حسين بن هندي]

كفو الأداره يابو ريان=واحسنت تنظيم واتقاني
بادارتك كل شيْ زان=لك ميزةٍ بين الاقراني
يعجبني اللي برز فهمان=قال المثل مسني وساني
وخير الدلايل ظهر برهان=يشهد به القَاصْ والداني
الطيب في شخصكم لي بان=والطيب للقرم عنواني
والطيب ورثه من الجدان=أهل التقى واهل الاحساني
اللي لهم بالوفاء مكان=في كل ساحه وميداني
ونعد محمد من الأعيان=من أبرز أعلام المحيلاني
قلته ولا لي طلب أوشان=قولي حقيقه وتبياني
وابا ختصر واختم الألحان=وخير المثل قول راكاني

[حسين بن هندي]

وقت الضحى عديت عال المراقيب=يرتاح بالي كل ما جيت مرقاب
واخذت بالدربيل جوله وتصويب=واشوف أبوفيحان وسمير وذياب
وابوعلي جازي زبون المواجيب=راعي مجاهيمٍ لهن لون جذّاب
شفت الرجال اهل الوفا مركز الطيب=كلٍ بحقه وافي الكيل مرحاب
اللي مشوا يتلون حرش العراقيب=اللي حليبه للمسايير صبّاب
وضحٍ يونّس شوفهن بالاداعيب=لسنّدن مع خايعٍ والنفل شاب
يزها بهن ريش الحباري دباديب=عفرٍ كبار دفوفهن عوج الأرقاب
والا مجاهيمٍ بلون الغرابيب=سودٍ بلون الليل بعد الشفق غاب
اذيالهن مثل الجريد المهاديب=برْص المواخر يتعبن كل حلاب
يرعن من النّوّار عال النبانيب=خمسة اشهورٍ كامله عد واحساب
مربّعات وكارعن بالجراجيب=غب المزون اللي على القاع سكّاب
ياوي مرباعٍ به الفطّر الشيب=شالن شحم من فوقهن يعجب اعجاب
لامرّحن بعد المسا بالمحاضيب=تسمع قريع الحيّهن له تحطّاب
عشاير وخلفات وفتي ومصاعيب=ومعهن فحلهن عقّب الجلْس في ناب
سناد يعجب مايجي به عذاريب=راسه كبير وكنّه الطير حطاب
ما منه كبير ولا يعاف المشاريب=طبايعه زينه مهندب تهنداب
ومنهن هجن عجلات شيب المحاقيب=لفح السفايف بينهن يِسرِب اسراب
ركّابهن مرتاح بليّا مقاضيب=سمحات الايدي لانوا الركْب ركّاب
الله يادورٍ لها شمّخ النيب=حتى في القرآن تنزيل بكْتاب
البل جنبها في علوّ الشخانيب=ياما ذبح من دونها عكف الاشناب
يوم انها صولات بين الأ جانيب=كم واحدٍ ينصا لها صوب ما هاب
أُمّا خذاها وانقلب كنه الذيب=والا الجدابه عضّة البِهِم بَالناب
تعبير منّي واسمحوا يالأصاحيب=كانّه حصل بالقيل لفّات وأعْتاب

[حسين بن هندي]

قصيدة أسندها الشاعر / غزاي بن محمد السليمي على الشاعر / حسين بن عبيد الله



يا حسين يا مشكاي تاه الفكر تاه= ووجست من شكواي مر القطيعه
حاولت اصبر واتركه واتلاشاه= صبر على ما قيل سد الذريعه
والصبر مر اليا وصل حد منهاه= واليا تعدى الحد الصبر ضيعه
واخطأ عليه ووصل العلم منهاه= ولا ارضى الخطأ ولا تمشي علي الهزيعه
من عنجهين ما حسب غيب عوجاه= حاقد عليه وانكشف لي ضريعه
مغرور بنفسه ونعمى والله اعماه= لينه وقع وسط الحصون المنيعه
هو مادرى اني عارف ادناه واقصاه= واعرف عقايد ناس سنه وشيعه
وان كان صمم واستمر بخطاياه= قلنا على راس المقوقي صنيعه
ننشر افعوله لين نبين خفاياه= وتبين لكل الناس على الطبيعه
واعد ما واجهت واللي سمعناه= وعندي على ماقول شهود الشريعه
علم صحيح ثابت ماخترعناه= ماهي علوم أهل القلوب الوجيعه
والله لحده لين نكشف مغطاه= واخلي كل الناس فعله تذيعه
والكبر غره وابعده عن دناياه= والله رما به ما حسب بالوقيعه
يبا يتلاشى غلطته مير ممداه = ضاقت عليه إفجوج نجد الوسيعه
هاذي وصوف النذل وهاذي مزاياه= مني يجيه اردود فعله سريعه
يا حسين جار الوقت وازريت لقواه= وصبر المهونه عيب ما نستطيعه
عطني رايك يا ابيض الوجه عطناه= أنا اردعه ولا اتشيم وابيعه
يا حسين لمثله ما تفيد المداراه= خايف يتمادى في خطاه ويشيعه
واليا اعترض متيح لي اتحداه= ونفتل قيود أهل القلوب اللكيعه
ما حسب حسابه كان لي زان مرماه= ولا اخلي المذكور يذب ريعه
والكبر غره ونكسه لين خلاه = اصغر من الذره بجذع النقيعه
ومن قرد حظه يوم بنحورنا تاه= ورمى بنفسه للسباع المجيعه
اشعب لبس ثوب الطمع لين عداه= فيه الحسد والبخل ماهي بديعه
واسئل ضيفه يوم ضافه وعشاه= حكموا عليه أهل النفوس الدنيعه
لولا الكفيل اللي فزع له ونجاه= كان احجزه بالبيت ماله شفيعه
جير عليه وحيره لين وفاه= وفعل الردا عند الملكع ربيعه
وعلى مسار الذل تمشي مطاياه= ونثبت فعل أهل الفعول الشنيعه
ويا بن هندي حكمك اليوم نرضاه= وباللي علي تشير والله لطيعه
أنا انطح اللي بالردى حد شلفاه= والا اسفهه وعاتبه بالقطيعه
وتم الكلام وجوهر العلم نبغاه= وننشر لك البيضاء براس الرفيعه
وصلاة ربي عد وبلٍ نثر ماه=على نبي للخلايق شفيعه


ورد الشاعر/ حسين بن عبيد الله على الشاعر / غزاي بن محمد بهذه القصيدة



بسم الذي يدعونه الخلق باسماه= المعتلي من فوق خلقه جميعه
اللي له عباده يخرون لرضاه= الروس والأذقان خرت خشيعه
الواحد اللي كل مسلم برجواه= علام ما تخف الصدور وسميعه
عني على قاف تأملت فحواه= جذاب لشجون القريحه لميعه
غزاي به نادا وفزيت لنْداه= قلت الخبر ويقول شكوى فضيعه
عانا وعنّالي معـانـات شكواه= وعانيت ما عانا ربيب الطليعه
يشوف ما يكره ويجزع من ارضاه= والمشكلـه غوال سبهي شفيعـه
لخْطا القدا جاهل راع العرف مخطاه= يحسب حساب اليوم واللي تبيعه
ومن لاحسب احساب غيره وراعاه= زل القدم به ونحرف عن سنيعه
ثلاث سِلم سنّة السَّلم وحماه= قدام بت القول وفصل النخيعه
يسلم بها الرجال لا مد يمناه= من شرهت الشرهان وسو الفديعه
وحسوفة الطيب على زلة أخطاه= وزلت لسانه بالإذاعه تذيعه
للذبذبه تأثير والإذن مصغاه= لذاعة المذياع والمستذيـعـه
وانته بخيص بمبتدأ القيل واتلاه= أسويت واستفتيت براع الوديعه
ويكفيك ما سويت وانساق معناه= فيه الإجابه والعلوم البريعه
واللي يابو سعود رجيت فتواه= امنين ماوجه لقاها منيعه
السيل جارح ونحدر يم مشحاه= وتدلجت شعبانها مع تليعه
خلى الشجر وقيف والعود بلحاه= وإلا زهوره بعد سيله صريعه
ساق الحقاق وضاق بالسيل مجراه= حت الورق وبله وخلى جذيعه
الغيب خافي والخفى ما علمناه= والوقت يمضي والليالي امريعه
هرج السعه لنوخ الضيق يجلاه= والحق لا حصحص تلألأ نصيعه
الحق ما يبغى محاكم ولا قضاه= معروف ما هو دبك خيل بقيعه
وقول الحقيقه حق والحق مخفاه= غير القلوب الموجلة والصديعه
وان شفت مبلي ناقل داه برداه= خله واللي نم لك لاتطيعه
ومن طاوع النمام غثّه وعناه= وشرارة الفتنه تشب الوليعه
وبعض السوالف ياابيض الوجه ما ذاه= لها عن الطولات باع جبيعه
وكف اللغاوي بالملامه محناه= لغاوي المسمت اعلومه خليعه
مذموم ذِمه والمخاليق تشناه= عن الرفيعه ملتجي بالوضيعه
والصبر يا غزاي به خيرتلقاه= خصله حميده للرجال الشجيعه
شاورت بن هندي وهاذي وصاياه= إصبر وصبرك ربنا ما يضيعه
خذها على مثل ابيض الشاش مهداه= نصايح من قلب ما هي خديعه
وصلاة ربي عد حرف قريناه= على نبي من صفاته ضلِيعه

[حسين بن هندي]

أسند الشاعر / عبيد الله بن محمد السليمي هذه القصيدة على ابنه / حسين


يا راكب اللي طالعٍ عقب تمرين= أشهب من لون الأرض هذاك لونه
يعلم على الميه فوق الثمانين = يبي يطير وبالقدم يمنعونه
يمشي على القاسي ويمشي على اللين= هملول صيفٍ والبرد به نمونه
منوة سجينٍ غايبٍ لّه زمانين= فيه الحديد وصكوا الباب دونه
نبي لنا تفريجةٍ بالحرمين= وسبعة أشواط نعدهن في ركونه
ركابته خمسه وسواقه حسين= والروض اخضر والكما يجمعونه
واحد جلس قاضي والخصم لثنين= واللي فصل بالحق ماله مهونه
عيني شكت قلبي وقلبي شكا العين= والعين عيا يمسك الدمع نونه
دنا الرحيل وعدّة العمر سبعين= حت الورق والعود يبست غصونه
لابد من يومٍ يقضى به الدين= ويعلّق الميزان تحسب ديونه
وخشمه على الجال وظهره على الطين= لو هو وزين الروح ما يرحمونه
هلوا عليه الترب شمال ويمين= لا يجيبهم بالصوت ولا يكالمونه!

ورد الشاعر / حسين بن عبيد الله على والده بهذه القصيدة


ياراكب اللي جاهز وفل بنزين= جمسٍ جديد ومصنعه يضمنونه
آخر مديل السوبر الزين لونين= مثله لحزات السفر يشترونه
دليلته يركب عن السايق ايمين = أبو حسين بدربهم يسألونه
في وقته الماضي خبيرٍ وذا لحين= تجاربه تضفي على الصعب هونه
توجهوا من ركبوا الجمس ماشين= يم الذي بقلوبهم يرغبونه
بعد المدينه يم مكه ملبين= طافوا وآخر نسكهم يَحْلقونه
ومشوا إلى الطائف ولاهم بعجلين= مع الهدا طريقهم يَعْرِفونه
حيث الشفا ممطور والجو به زين= واللي تبي انفوسهم يطلبونه
اسبوع وقالوا للسّفر مستعدين= نجدٍ بها ذكر المطر يسمعونه
ومشوا على الصمان ماهم سريعين= حيث الزبيدي عندهم يلقطونه
وشبه الجزيره ربعت كالبساتين= ناقع مطرها ويتراكم مزونه
وساعة فرح عندي تساوي ملايين= ورزقي على اللي معْتلي فوق كَونه
والآدمي منشاه من لازب الطين= وآخر مصِيره بالثرى يدفنونه
يا الله يا منزل تبارك وياسين= ياللي عباده كلهم يرتجونه
تجعل لنا منزال عند النبيّين= في جنةٍ وعدتهم يدخلونه
وصلوا على اللي بلَّغ الناس بالدين= محمد اللي بالنداء يرفعونه

[حسين بن هندي]

هذه القصيدة للشاعر / نايف بن سعود السليمي يسندها على الشاعر / حسين بن عبيد الله


ياهل الركاب اللي ركبتوهن إعصير= أوموا عليهن واسروا الليل كله
سروا اخطاهن مع إسهال وعثامير= والذيب دربه لاسرا ما يضله
حثو همايم مبعدات المشاوير= مهاوزات البعد وأيضاً الأظله
قطم الفخوذ امنجبات المناعير= شيب الغوارب مشبهات الاهله
وساع الفجوج وحوش برص المواخير= سمحات الأيدي مدركات الأدله
عربن نسبهن ما نسبهن مثيبير= ما نس منسبهن نسب كل خله
ما حافهن بالسوق عبد الدنانير= اللي يبيع أبوه لو هو حصله
حامي جنبهن محتميهن عن الغير= ما حد لد السوم دقه وجله
مرباعهن قفر الحيا والمخاضير= في خايعن راع الغنم ما وصله
يتلن طياح وسوم وبل الشخاتير= على هواهن لهتون قوطرله
واليا وصلتم للمحلاني على خير= وافلح نهار اللي لزومه وصله
بلغوا سلامي للرجال المشاهير= نطاحة الواجب لاوجب ما تزله
عزاز النفوس مدلهين المسايير= ربع على الطوله نمور مطله
عموا وخصوا حسين ريف المسافير= شبلٍ همام ومجلسه ما تمله
ما غال للنخوه كما صنوا خنزير= ما هان في عينه ضهيدٍ زبنله
راعي هلا ما هي تتطبع وتزوير= مالاذ وقال للبيض روحن قولن له
خوذوا علومه ثم هاتوا تقارير= قول الحقيقه حق ما هي مذله
وقولوا صحيبك يا وفي المشابير= اصبح عليل الحال ماحدٍ فطن له
من غي فر وطاح بأقصى زمهرير= قامت لواهيب اللظيه تمله
عقب عقب حد الوطا للشناظير= عدّا لهديب الشام وشد الرحله
هبت في الخافق هبوب ومعاصير= وذيب السعه ضيق السعه ما حتمله
بالضيق ما يسوى عشا العنز شعير= راع المثايل والمثل نمتثلّه
دون الوقار مبلمات المعاذير= خلقت على مله وماتت بمله
حنت على جسر الهلاك البوابير= ما بازرق الميت حياه وتدله
وسبع العجاف بكف غل التياسير= محروم معطى وعلة الغل عله
وكليب مات وثار في ثاره الزير= لو انهزم جساس سالم وصله
وريحانة الوجدان نفح المعابير= ذعذع بها الهاجس بعد ذعذعله

ورد الشاعر / حسين بن عبيد الله على الشاعر/ نايف بن سعود بهذه القصيدة


حي الركاب اللي لفنا معايير= ترحيبة اللي شـايفٍ غالي لّه
بالركب واللي فوقهن من مناعير= اعداد سحب بالسماء مستهلّه
يا مرحبا أحلى من حليب المصاغير= اللي رعن حوذانةٍ مستطلّه
ياراكب اللي لا مشا كنه ايطير= يطوي سهال واسعه مسمهلّه
حر سبوق يفوق وقت المغاوير= ياصل ويوصل بالرها راكب لّه
جروان جده من حرار مشاهير = وخضرا الذلول السابقه جدتلّه
وعليه من بلهان حليا وتصوير= وأيضا مثل سمحان في فزّ تلّه
ذكرني اعريجان وبه ميزة غير = ومطيع للي راكبه خاضع لّه
عليان ابوه ومنحني كالسنانير= تقول قوس وراكبـه مستولّه
عامين غير امه رضاعه على ضير= ثنتين يرضعهن وهن يعطفن لّه
ويرعى طيابة عشب قفر ونواوير= معشّب حتى ان عمره كملّه
بالجلس الاول عاسفينه بتسْخير= حتى تهندب والرسن مايتلّه
والكور مضبوطٍ بقد ومسامير= وبدود طرف وكنهن فرش زلّه
والخرج فوقه والسفا يف محادير= عند اربعه مع فزته يلعبن لّه
وقدم الغزال الميركه مبرم السير= ومبطنن واخصار من شان دلّه
ذا مركب الجدان ماهو حناتير= سفن الصحاري والدروب المزلّه
من عندنا ممشاه مع وزة الطير= وضحي ياصل للقرين وهللّه
عليه مندوبي وقافي وتقدير= لبو مشاري ياصله في محلّه
مرحب بالضيف من دون تأخير= طيبه طبيعه والوفاء عادتلّه
لاديرفنجال الدلال المباهير= عط نايف بن سعود ظرف السجلّه
وتبا الحقيقه والعلوم المصادير= للِّي نصاني ما ملكته فدلّه
لو كان يلحقني بفعلي مخاسير = أمشي معه واسير طوع ارضلّه
وصبر وقناعه بالفتى بعد تفكير= ولو الجبل ينزال تبقى الجبلّه
ومسّاحة الاسفنج تمحى الطباشير= والنقش بالا حجار ما زال للّـه
ولو أزرق الميت وصلّك صنافير= مده وجزره يا فتى راجعن لّه
وبالبحر الأحمر للجواهر مدا وير= ومن غاص جاب الدر في موسم لّه
ودرب به العاثور غيره معابير= تلقى طريق ما يجي به إشكلّه
واللي جنى بكليب قص الحناجير= وكثر حيل جساس ما يشفعن لّه
ولا ظن بالدنيا ولا شيء ما يصير= وكلش بتدبير الولي رادة لّه
وعساي نلت ارضاك في كل تعبير= والعبد يخطي والولي عاصم لّه
وصلوا على اللي بدّل الشرك تنوير= محمد اللي نتبع منهج الّـه

[حسين بن هندي]

قال الشاعر / حسين بن عبيد الله السليمي هذه القصيدة


وقت الضحى عديت عال المراقيب= يرتاح بالي كل ما جيت مرقاب
واخذت بالدربيل جوله وتصويب= واشوف أبو فيحان وسمير وذياب
وابوعلي جازي زبون المواجيب= راعي مجاهيمٍ لهن لون جذّاب
شفت الرجال اهل الوفا مركز الطيب= كلٍ بحقه وافي الكيل مرحاب
اللي مشوا يتلون حرش العراقيب= اللي حليبه للمسايير صبّاب
وضحٍ يونّس شوفهن بالاداعيب= لسنّدن مع خايعٍ والنفل شاب
يزها بهن ريش الحباري دباديب= عفرٍ كبار دفوفهن عوج الأرقاب
والا مجاهيمٍ بلون الغرابيب= سودٍ بلون الليل بعد الشفق غاب
اذيالهن مثل الجريد المهاديب= برْص المواخر يتعبن كل حلاب
يرعن من النّوّار عال النبانيب= خمسة اشهورٍ كامله عد واحساب
مربّعات وكارعن بالجراجيب= غب المزون اللي على القاع سكّاب
ياوي مرباعٍ به الفطّر الشيب= شالن شحم من فوقهن يعجب اعجاب
لامرّحن بعد المسا بالمحاضيب= تسمع قريع الحيّهن له تحطّاب
عشاير وخلفات وفتي ومصاعيب= ومعهن فحلهن عقّب الجلْس في ناب
سناد يعجب مايجي به عذاريب= راسه كبير وكنّه الطير حطاب
ما منه كبير ولا يعاف المشاريب= طبايعه زينه مهندب تهنداب
ومنهن هجن عجلات شيب المحاقيب= لفح السفايف بينهن يِسرِب اسراب
ركّابهن مرتاح بليّا مقاضيب= سمحات الايدي لانوا الركْب ركّاب
الله يادورٍ لها شمّخ النيب= حتى في القرآن تنزيل بكْتاب
البل جنبها في علوّ الشخانيب= ياما ذبح من دونها عكف الاشناب
يوم انها صولات بين الأ جانيب= كم واحدٍ ينصا لها صوب ما هاب
أُمّا خذاها وانقلب كنه الذيب= والا الجدابه عضّة البِهِم بَالناب
تعبير منّي واسمحوا يالأصاحيب= كانّه حصل بالقيل لفّات وأعْتاب

ورد الشاعر / ذياب بن نايف الناقي
على الشاعر / حسين بن عبيد الله بهذه القصيدة


ياوي دربيلٍ جديد اللواليب= مريحٍ راعيه في شوف الاصحاب
راعيه عدى مصودعه باللواهيب= وشاف الجهام اللي على ساق حضاب
ياحسين هيضت الضماير وابجيب= وبيوتكم قبلي طريفات واعذاب
ياريف هجنٍ روحن بالمناجيب= شيب الغوارب مشيهن هوم الارقاب
يامقلطٍ للضيف بالمطيبه طيب= وفنجال رسلا نٍ لما كيفهم طاب
مع كبش مصلاحٍ تحرى الجلاليب= ما همه إلا كم باعه أُوّوش جاب
يتنابه اللي رد كفه على الجيب= حده عليه وسلم السلم بحساب
مستور حال ولاتعدى المواجيب= الله يقوم بعون مثله ومن صاب
يزيد شوقي وصفكم شمّخ النيب= قعس الظهور فخوذها درفة الباب
كبار الهوام وضافيه بالمشاريب= فج النحور مربحة كل جلاب
في وسطها جيش السبق والمطاليب= يوم السنين الماضيه شلف وحراب
مثل الادامى والنواظر مشاهيب= لولا الرسن خطرٍ على كورهن عاب
يازين ممشاها على الرحل تدريب= طابور عرضٍ قادهم لابس الكاب
مرباعها فيحان شرقٍ وتغريب= شمال ربدا واقعدت يم الاصلاب
ياماحلا بنحورهن وقفة الجيب= زان المراح اوّولع النار شباب
وراجن على سقسٍ من ألمانيا جيب= خدمه لهن والرزق مضمون بكتاب
تمت ولاكل المثايل بها مصيب= وارجوك تسمح بالخطأ يبن الاحباب

[حسين بن هندي]

بديت بسم مسير الكون تسيير= ربٍ أحاط بكل شيءٍ ادرايه
خبير في ملكه بما صار ويصير= اللي على عرشه مقر إستوايه
من بعد ذكره نسْخَر القاف تَسْخِير= يطيع ليَّه ما يجيبه إعصايه
والرد مني واجبٍ ياهل الخير= في دور ابو طلال آقف ترايه
يالشايعي قولك صحيحٍ وتنوير= شعرك صحيح ولا دخل به ادعايه
ممزوج في حِكْمَه وعرفٍ وتبصير= أديب ولأديب يؤخذ برايه
يابو محمد لك معزه وتقدير= عند ازملاك وعند كل الحضايه
تفوق وقفاتك جميع المعايير= وقفاتكم بالطيب صعبٍ إحصايه
من الرجال المخلصين المناعير= ولانته عن الواجب تجيبك اغضايه
فرقى زميلك والوجيه المسافير= من طيب ذاتك ما تريد إنتحايه
وأبو طلال بكل معنى وتعبير= يرفع له التبجيل بعَالْ البنايه
الكل يبدي له معزه وتقدير= وراع الوفاء واجب علينا وفايه
ومدحٍ بابو طلال ماهو بتزوير= شيال حمل اللي برك بالحوايه
ومني تحيه وافيه دون تقصير= تحية الوافين غاية رضايه
معطره بالعود والمسك تعطير= تقدير والتقدير غاية منايه
وصلاة ربي عد وبل الشخاتير= على رسولٍ إسوةٍ به هدايه