مشـــــــــنقه الخـــــــليج

[فالك البيرق]

بسم الله الرحمن الرحيم

قصيده تحمل بين طياتها طرح رائع


ايران كانت محور القصيده


اترككم مع القصيده تتكلم عن نفسها:





الارض مثـل النـفـس تـجـزع وتـرتـاب = ماتـنـبـت إن كـــان الـسـمـاء علّقـتـهـا



إن مـا مشـى بالوسـم وديـان وشـعـاب = مـاتـنــفــع الامـــطــــار لـوغـرقـتــهــا



ولو زان وجه الارض بزهور واعشاب = جتـهـا الهـبـوب العـاتـيـة واصفقـتـهـا



المرجلـة ماهـي بـ/فـي فـتـل الاشـنـاب = أهــل اللـحـى فــي هـالـزمـان حلقـتـهـا



أسمـع تصاريـحـاً عـلـى لـسـان كــذاب = كـذبــة طـمــع وأصحـابـهـا صـدّقـتـهـا



وســـط البـيـالـة ملـعـقـة سـمّـهــا ذاب = وأشـــوف نـاســاً حــرّكــوا ملعـقـتـهـا



طبخـة هـوان وذل يطبـخ بـهـا غــراب = مافـيـكـم الـلــي مـــا يـــذوق مرقـتـهـا



أوراق غـدر وحـقـد فــي داخــل كـتـاب =والـريـح مــن يـــمّ الـشـمـال طرقـتـهـا



العـام ماخـوذ(ن) مـن أطنابنـا أطـنـاب = والـيــوم بـحـريـن الــســلام ورقـتـهــا



وان ما وقفنا صفّ فـي وحـه الارهـاب = الـبـنــدق الـعـوجــا تــثــور فـشـقـتـهـا



وليـا اتحدنـا نشـنـق أرقــاب الاحــزاب = ولــيــا اختـلـفـنـا ولّــمــت مشنـقـتـهـا



والحّـيـة الـلـي تخـفـي الـسـمّ باللـنـاب = صـيـداتـهـا لاجــــا الــظــلام درقـتـهــا



دون الخليج ارواح/ واعمـار/ وارقـاب = للـمـوت سـكـرة والـنـفـوس عشقـتـهـا



بالمـعـركـة تـاتـيـك لـلـمـوت خــطّــاب = وان عيّـنـت سـومـات مـــوت فرقـتـهـا



أهـل الخليـج عيـون وشيوخهـا أهـداب = بـايـمـانــهــا وبـحــبــهــا طـوقــتــهــا



خليجـنـا يـلـبـس مـــن الـعــزّ جـلـبـاب = بشـتـه سـهـوم الـحـقـد مـــا شققـتـهـا



سفينة(ن)تبحـر ويحسـب لهـا حسـاب = بامـجـادنـا صـعــب الـبـحـور فهقـتـهـا



وان ماغديـنـا دونـهـا سـتـر وحـجــاب = ســـود الـيـديـن الــغــادرات خـرقـتـهـا