قصيدة بمناسبة تعيين الشيخ / جاسر بن صنهات الشطير رئيساً لمركز هجرة عقلة الصقور

[حسين بن هندي]

مبداي بسم الله عزيز الجلالي=منشىء المزون المردفات المزابير
سبحانه المعبود منش الخيالي=الواحد اللي سير الكون تسيير
وبعد الكريم اللي عليه اتكالي=سطّرت معنايه على الطرس تسطير
أهلاً هلا ياكاسبين المعالي=يا مرحبا أحلى من حليب المباكير
ترحيبٍ أحلا من حلا كل حالي=شهدٍ مصفّى صافيٍ دون تكدير
باللي حضر معنا بها الإحتفالي=تعم الرجال أهل الوجيه المسافير
أبدأ واقول مبروك بالصوت عالي=أقولها من قلب ما هي بتزوير
مبروك يا شيخٍ بعيد المدالي=جاسر ولد صنهات والجد بِشْطير
نلت الثقه من مرجعَك يالمثالي=في مركز الهجرة معزه وتقدير
أبا مدح الطيِّب ولاني امبالي=والا الردي ما يمدحه رجل به خير
صنهات شيال الحمول الثقالي=من الرجال مكرمين المسايير
مثل البحر موجه على كل جالي=إن جا نهارٍ فيه مثل الأعاصير
للصاحب أحلى من حليب المتالي=وخصمه تجرع سم الاكباد تكرير
كسابة الطولات أول وتالي=ويلقى بهم في ساعة العسر تيسير
ومعزب الضيفان حاز الكمالي=والكامل اللي يرزق الإنس والطير
آل النحيت معربين الخوالي=اللي رقوا للمجد روس الشناضير
مجالسٍ فيها شراز الزوالي=قولت هلا يهدونها للمناعير
الهيل والبن الحمر بالدلالي=والعود الازرق فاح عند المباهير
أهل الفعول الساميه والعدالي=رجال المواقف ما تهاب المخاسير
ويردون حوض الموت ورد النهالي=أبنا الرجال اللي تصد الطوابير
تشهد لهم القاره وذيك الليالي=مقدم بني سالم طوال الأشابير
خيالهم لصار للملح صالي=لا عنتر العبسي ولا سالم الزير
والطيب وهبه من ولي التعالي=ماجيب بالقوه ولا بالدنانير
قلته وانا من محتمين التوالي=أهل المليحاء مكرمين الخطاطير
وفي ساعة يرخص بها كل غالي=دون الحقوق تفوق كل المعايير
ونعمين لاجا للقبايل مجالي=وقول الحقيقه حق والحق تنوير