حسين بن هندي
09-08-2006, 01:09 AM
يا حسام شفت الزين في سوق سربال=ما له نظر يشري من السوق حاجه
لكن يوسِّع خاطره بالتجوّال=واللي حواه السوق ما عجب مزاجه
شفته يجوب السوق بقفاي واقبال=واشَّر على من لاحظه بالمواجه
عينه اترجم خافي السر باقوال=وعيني تحل ارموز رفّة احجاجه
ما تغيب عن عيني ودايم على البال=اسباب ما هيّض هجوسي وهاجه
زين الوصايف من نظر فيه يهتال=حاز الجمال وفاز في حمل تاجه
مشيه دلع يمشي على الهون ميال=مثل حمام الورق ساع اندراجه
ابوجديلٍ فوق الامتان جدال=ولهن على صدر الحبيب اندلاجه
والخد براق الحيا يشعل اشعال=ومعه حَمار الورد داخل مزاجه
تشبه سميره زاهيه حبة الخال=وازين بعد منها ولا العاج عاجه
دعجٍ عيونه دون كحلٍ وكحال=عكشٍ ارموشه ما بها الميل ساجه
وخشيم سلة سيف بيدين الابطال=مهندٍ لاسل يبرق العاجه
ابو ثمانٍ كنهن ضيق همال=ماله في الفرشاه والراك حاجه
عنق الغزال اللي من النشر جفال=شاف القنوص وحل فيه انزعاجه
والنهد بيض اللي تحطه في الجال=ما مسّه الجاهل عن الناس لاجه
في صدرها قعّاد في صوغ فنجال=فقع الزبيدي ماطر الوسم راجه
هافي حشا للي هوى البيض قتال=ردفٍ وساقٍ ناعمه بندماجه
اقنب قنيب الذيب واجيب موّال=والقلب بعد الزين زايد اخلاجه
يا ليت اهلها يطلبوني من المال=واللي دفع للمال يعرف خراجه
لبيع ما ملك واشتري سمح الإقبال=وابرد لهيب القلب واشري علاجه
اشكي لقرم للصعيبات حلال=ابو مشاري لابغا الدرب باجه
يا نايف بن سعود يا طيب الفال =يا عارفٍ قصدي ولانته خواجه
ابحث عن المجمول بَلْحَيل واحتال=يا قايد الفريس عند المواجه
يا ذيب تعرف لك مع الذيب مدخال=والذيب تعْرف منهجه وانتهاجه
لكن يوسِّع خاطره بالتجوّال=واللي حواه السوق ما عجب مزاجه
شفته يجوب السوق بقفاي واقبال=واشَّر على من لاحظه بالمواجه
عينه اترجم خافي السر باقوال=وعيني تحل ارموز رفّة احجاجه
ما تغيب عن عيني ودايم على البال=اسباب ما هيّض هجوسي وهاجه
زين الوصايف من نظر فيه يهتال=حاز الجمال وفاز في حمل تاجه
مشيه دلع يمشي على الهون ميال=مثل حمام الورق ساع اندراجه
ابوجديلٍ فوق الامتان جدال=ولهن على صدر الحبيب اندلاجه
والخد براق الحيا يشعل اشعال=ومعه حَمار الورد داخل مزاجه
تشبه سميره زاهيه حبة الخال=وازين بعد منها ولا العاج عاجه
دعجٍ عيونه دون كحلٍ وكحال=عكشٍ ارموشه ما بها الميل ساجه
وخشيم سلة سيف بيدين الابطال=مهندٍ لاسل يبرق العاجه
ابو ثمانٍ كنهن ضيق همال=ماله في الفرشاه والراك حاجه
عنق الغزال اللي من النشر جفال=شاف القنوص وحل فيه انزعاجه
والنهد بيض اللي تحطه في الجال=ما مسّه الجاهل عن الناس لاجه
في صدرها قعّاد في صوغ فنجال=فقع الزبيدي ماطر الوسم راجه
هافي حشا للي هوى البيض قتال=ردفٍ وساقٍ ناعمه بندماجه
اقنب قنيب الذيب واجيب موّال=والقلب بعد الزين زايد اخلاجه
يا ليت اهلها يطلبوني من المال=واللي دفع للمال يعرف خراجه
لبيع ما ملك واشتري سمح الإقبال=وابرد لهيب القلب واشري علاجه
اشكي لقرم للصعيبات حلال=ابو مشاري لابغا الدرب باجه
يا نايف بن سعود يا طيب الفال =يا عارفٍ قصدي ولانته خواجه
ابحث عن المجمول بَلْحَيل واحتال=يا قايد الفريس عند المواجه
يا ذيب تعرف لك مع الذيب مدخال=والذيب تعْرف منهجه وانتهاجه