ناعس الطرف يذبح دون سهم وسنان

[حسين بن هندي]

يا عبير الخزامى يا غصين اللبان=يا نبانيب قفرٍ قبل فصل السماك
الجوارح شواهد وقعن لي ضمان=يوم تخفي المحبه عند هذا وذاك
ابتسم يا حبيبي وابد غر الثمان=روح روحي تحبك شائقه في لقاك
لك ثمانٍ تلألأ مثل زهر أقحوان=سكرٍ فيه ثلج ساكهن عود راك
عين حر تعلا ما وقع بالطمان=لاشهر صوب طلعه ورّده للهلاك
ناعس الطرف يذبح دون سهم وسنان=ارحم اللي يحبك قبل وقت الدراك
حب خلي بقلبي بانيٍ له مكان=وامتلك كل روحي من نصيبه ملاك
أشتكي من سهامك صوبتني زمان=بلسم الجرح عندك قبلةٍ من شفاك!
انتي حبك بقلبي ثابتٍ مثل أبان=لو يزول الجبل يازين يبقى غلاك
برعم الورد خدك مثل حور الجنان=درة البحر عندي رابحٍ من شراك