يالمطرفي

[حسين بن هندي]

مع الشكر والتقدير للأستاذ: راضي المطرفي العنزي ( أبو مشعل )



يالمطرفي راضي عريب السلايل=يالطيب اللي وافيات شبوره
القرم أبو مشعل جزيل الفعايل=يمناه في كسب المعالي جسوره
عون الذي ضاقت عليه المحايل=قام وتبين له وسهل اموره
من بعد ما ضاقت عليه الوسايل=نزه الشنب راضي مسهل عبوره
ترفع لك البيضاء على راس طايل=معطره بالعود واطيب بخوره
راع الفعول الطيبات الجزايل=نفسه على فعل المروه غيوره
انا اشهد انه من جزال النوايل=تحوش زينات المساعي سبوره
طير السعد عرب النسب وبن وايل=ماكر حرار نادرات صقوره
أولاد وايل كاسبين النفايل=امجادهم بالماضيات مخبوره
جمال التخوت وشايلين الثقايل=مرسين بالجودى دعايم جسوره
والطيب باقي واخر العمر زايل=واللي يبا النوماس ما صك سوره
واجزل تحيه يا كريم السبايل=وما قل دل وسامحن عن قصوره