حسين بن هندي
08-24-2006, 09:52 PM
عزَّاه يا شكَّاي فقد البداوه=ومخومس الوسَّط كسوره كرايب
لا شيّدت مبناه خطو البناوه=تقول حيدٍ زم فوق القطايب
في رفّته للضيف ظل وحفاوه=يِكْرَم بها الرجلي وراع الركايب
والبن بالمحماس والنجر ماوه=وادلال مَجْذِيَّات صفرٍ ربايب
ونارٍ سناها ما فتِحْ له سماوه=وقودها عجرم وسمرٍ صلايب
ذكّرتني يالقرم وقت الطراوه=اليا زهر الحوذان بين العشايب
وفاحت خزامى البر من عقب ناوه=كن بشذاها من عبقها مطايب
روضٍ نفلها جاء لريحه نقاوه=وعشبٍ تشابك بالفياض الخصايب
وخباريٍ غير الثغب والحساوه =والعشب غاطي للسَّهل والجذايب
وفقع الزبيدي تاجده بالنباوه=قفرٍ سقى عشبه من الطل ذايب
وقاد الحلال وراعي الذود خاوه=وخذ بندقَك للصيد والكيف طايب
ورَكِّب هوائي فوق جيبك وساوه=حتى تنادي للرجال الحبايب
وجنّب طمان الارض وارقا النزاوه=حتى النداء يجيب غير القرايب
أغْدي جروحك من شقاها تشاوه=وشوف الطبيعه خير طب وطبايب
لو إن بظروف البداوه شقاوه=النفس راحتها تزيل التعايب
جو البداوه زين لو به قساوه=جوّه مناسب لي لو به لهايب
أحبها لو كان فيها عناوه=وكلٍ على ماضيه شبٍ وشايب
والبَر زين وفيه ونْس وهداوه=وعن ضجَّة التكييف نسمة هبايب
والقلب يابو سعود بالصبر داوه=ومدبّر الإنسان منش السحايب
ومما حصل لَّك حاصلِلِّي علاوه=روابعٍ شنَّت عليَّه حرايب
وكلٍ بذاكرته ليالٍ حلاوه=في وقت يذكر به حوالٍ عجايب
زمان شح العيش واللبس جاوه=ومواصلات الناس عوص النجايب
ما صَخّنن بالقيض لو هو حماوه=حيلٍ اسمانٍ يلفخن الجنايب
وكلٍ بدلوه يوم صفق الدلاوه=يسقي عرابى القود وخضر العسايب
واليوم نشكر منزل أحسن تلاوه=اللي بسط رزقه علينا وهايب
الواحـد اللـي مدتـه فـي سـخـاوه=مـدَّات جـوده فـي كـرمـها سكايب
لا شيّدت مبناه خطو البناوه=تقول حيدٍ زم فوق القطايب
في رفّته للضيف ظل وحفاوه=يِكْرَم بها الرجلي وراع الركايب
والبن بالمحماس والنجر ماوه=وادلال مَجْذِيَّات صفرٍ ربايب
ونارٍ سناها ما فتِحْ له سماوه=وقودها عجرم وسمرٍ صلايب
ذكّرتني يالقرم وقت الطراوه=اليا زهر الحوذان بين العشايب
وفاحت خزامى البر من عقب ناوه=كن بشذاها من عبقها مطايب
روضٍ نفلها جاء لريحه نقاوه=وعشبٍ تشابك بالفياض الخصايب
وخباريٍ غير الثغب والحساوه =والعشب غاطي للسَّهل والجذايب
وفقع الزبيدي تاجده بالنباوه=قفرٍ سقى عشبه من الطل ذايب
وقاد الحلال وراعي الذود خاوه=وخذ بندقَك للصيد والكيف طايب
ورَكِّب هوائي فوق جيبك وساوه=حتى تنادي للرجال الحبايب
وجنّب طمان الارض وارقا النزاوه=حتى النداء يجيب غير القرايب
أغْدي جروحك من شقاها تشاوه=وشوف الطبيعه خير طب وطبايب
لو إن بظروف البداوه شقاوه=النفس راحتها تزيل التعايب
جو البداوه زين لو به قساوه=جوّه مناسب لي لو به لهايب
أحبها لو كان فيها عناوه=وكلٍ على ماضيه شبٍ وشايب
والبَر زين وفيه ونْس وهداوه=وعن ضجَّة التكييف نسمة هبايب
والقلب يابو سعود بالصبر داوه=ومدبّر الإنسان منش السحايب
ومما حصل لَّك حاصلِلِّي علاوه=روابعٍ شنَّت عليَّه حرايب
وكلٍ بذاكرته ليالٍ حلاوه=في وقت يذكر به حوالٍ عجايب
زمان شح العيش واللبس جاوه=ومواصلات الناس عوص النجايب
ما صَخّنن بالقيض لو هو حماوه=حيلٍ اسمانٍ يلفخن الجنايب
وكلٍ بدلوه يوم صفق الدلاوه=يسقي عرابى القود وخضر العسايب
واليوم نشكر منزل أحسن تلاوه=اللي بسط رزقه علينا وهايب
الواحـد اللـي مدتـه فـي سـخـاوه=مـدَّات جـوده فـي كـرمـها سكايب