قصيدة مهداة للشيخ موسى بن عبد المنعم الناقي رئيس مركزالقرين

[حسين بن هندي]

بسم الإله اللي عليه اتكالي=الواحد اللي كل نفسٍ برجواه
رب السما مرسي عظيم الجبالي=مجري سفينة نوح لمّا طغا ماه
اطلبك يالمعبود ياخير والي=ياللي شفيت ايوب من عظم بلواه
تحفظ لنا شيخٍ عزيزٍ وغالي=ابو عبد المنعم عز منهو تنصّاه
موسى بن ناقي كل ما جا مجالي=يفخر به اللي حاضرٍ من دنياه
من لابةٍ ترو القنا والسلالي=دفانة الركبه نهار الملاقاه
من روس قومٍ يحتمون التوالي=أهل المليحا اليا نبا الخصم تاطاه
شيخٍ يحل المشكلات الثقالي=يحلها بالعِرف مع طيِّب ارياه
الطيب ساسه من عمام وخوالي=يبين اليا من الردي حك علباه
ليا جيت بيته مدهلٍ للرجالي=كريم سبلا مرحباني لمن جاه
هو عزّنا وقت اكتراب الحبالي=هو بنكنا رصيدنا فيه نلقاه
شجرة وفا مع الذرا به اظلا لي=عز القبيلة كلها لاعدمناه
نهر الفرات يسقِّي الشام حالي=ماهو برس اليا غرفته قضا ماه
وحنا معه ذرعان يمنا وشمالي=ميقافنا ثابت ولابه مراواه
نبين اليا ركب الرشا للمحالي=ونذوّب العبرود بهداف مرماه
وعيسى عضيده عند ربعه اهلالي=له ماقفٍ بالطيب محدٍ تناساه
يوم الزغيبي صار بحقه قتالي=عيسى بذل جهده وماله مع الجاه
حتى خرج لمّه من السجن تالي=وتباشروا كل اسرته عند لقياه
والليث خلّف بالعرين الشبالي=الله يعز البيت ويشيد مبناه
ولا اقدر انا احصي طيبهم في مقالي=أو جَزْت رؤس اقلام باللي ذكرناه
ويا لله تقبل طلبتي وابتهالي=وتحفظ لنا شيخ القبيلة وتاقاه
وصلوا على اللي سنته بالعدالي=اللي بـه الله اكمـل الديـن وارســاه