يامل قلبٍ كل ما جيت اهدِّيه.. قصيدة بالقهوة

[حسين بن هندي]

يامل قلبٍ كل ما جيت اهدِّيه= عيا يطاوعني ويبدي عتابه
لولا الضلوع العوج وش حيلتي فيه=كان يتقدّم يشتكي للنيابه
ولاني بَلُومه لا تذكرت ماضيه= علي من ما فيه وونس صوابه
ولولا التنهت نوب يمكن يطفِّيه= وذكر الإ له وما ورد في كتابه
مع مدَّة الدربيل والرجم راقيه=بعد المطر واشوف سيل الدعابه
ونوبٍ الياشبّيت ناري اسلِّيه=وجذبت جمرٍ زايدٍ بلتهابه
وحمست بن إعن الشوايب منقِّيه=من خوف يطلع نكهةٍ في شرابه
لاهي بحرقانه ولاني بمِنْيِيه=راح الخضار ولاش لونٍ يعابه
ودقيت في نجرٍ يصوّت الباغيه=اليا ثلثته جاء بصوته صلابه
صوت النجر يجذب لنا ناس تغليه=واللي يسيِّر يمَّنا مرحبا به
واحضرت صفرٍ حامي الجمر صاليه=للّي يريد الكيف رسلان جابه
والماء قراح وفاح بِبْرِيق صافيه=راويه من نقع الصفا من سحابه
وفوَّحت بن أُو وارد الهند ثانيه=مع زعفران ايران زان وزهابه
والياسْتوت للكيف هي كيف راعيه=اللي يبيع ابسوقها واشترابه
فنجال مع تمر الوطن من مّجانيه=اعلاج للي بالضماير سطابه
وراع الترامس واجب الكيف مخطيه=من صبّها بالبيت لا ياسفا به
وقال المثل من يجهل الصقر يشويه=والسرج من غير الفرس ما حلا به
واخير منها ركعتينٍ يصلِّيه =في ساعةٍ بالليل محدٍ درابه
وزاد الصلاة وللولي يرفع ايديه=في ساعةٍ فيها يقين الإجابه!
سابق بها بن حميد ضمن قوافيه=لله دره والمثل ماغوابه

[ابو طارق]

صح لسانك مدد بلا عدد

وانا أقول اللي يبي يمتع نفسه ويقرا شعر عالي المستوى

ماعليه إلا متابعة الشاعر حسين

نص راقي

سجل حضوري واعجابي


لك كل التقدير والاحترام

أخوك /

التاريخ

[حسين بن هندي]

صح لسانك مدد بلا عدد

وانا أقول اللي يبي يمتع نفسه ويقرا شعر عالي المستوى

ماعليه إلا متابعة الشاعر حسين

نص راقي

سجل حضوري واعجابي


لك كل التقدير والاحترام

أخوك /

التاريخ

التاريخ

صح بدنك أخي الفاضل

يعلم الله بأن الابداع والروعة تَكمُن في

جمال مروورك وبهاء حضورك

أتشرف وأعتز وأفتخر بما قلته حيال قصائدي المتواضعة

وأتمنى أن أرتقي دائماً إلى مستوى أذواقكم الرفيعة ..

عموما شكرا من القلب لمرورك الجميل جدا


حسين