حسين بن هندي
08-24-2006, 10:08 PM
لواهني اللي اليا شب ناره=يجيه من يشفق على شبة النار
ربعٍ لهم في كل عليا وقاره=تجمعهم الرفقه على خير مقدار
اللي على يمناه واللي يساره=واللي مقابل كلهم صفوة أخيار
ماهاض واحدهم بنمّة هذاره=والكل منهم ما سمع قول هذار
هلاّ ورحّب واشقر البن داره=من اليمين ومتجه نحو اِلِيسار
فنجال بن وزايدٍ لّه بهاره=به زعفران وهيل مع عود مسمار
بنٍ في الفنجال صابغ حماره=يشدى لدمٍ بالشرايين لافار
وقدوع من مجناه تو انحداره=أجود تمور بلادنا حلو الاثمار
وسوالفٍ حول القنص والصقاره=وحول الربيع وحول نزول الامطار
وسوءال للعساس سيرة مساره=الكل ملقي نظرته يبغى الاخبار
وأول بداية كلمةٍ لّه بشاره=بالسيل والمرعى تشابك بلازهار
السيل ناقع في محاني محاره=في منقعه شكَّل بحيرات وانهار
وربيع كل القاع ضافي خضاره=متساويٍ فيه السهل هو والاحجار
قفرٍ ضحيّن فيه تشبع ابكاره=فيه الطياح مربّعه كل معطار
تدر خلفاته بليَّا احواره=وتَعْطف على اللي يَمْسَحَهْ حسْك الاوبار
ومشوا على جيـبين بأول نهاره=آخر موديل وجاهزاتٍ للاسفار
اطراز لاند اكروز باين اشعاره=تمثال تويوتا عليهِنْ مندار
لو غليت الاسعار ما هي خساره=ذا مركب الشرهين تايوت فكسار
ونداء وماجلان زين اختياره=مع الثريا نتصل عبر الاقمار
وزان المكان إوقّفوا بالزباره=بالمرتفع ترتاح به مد الابصار
طعس من الوسمي بعيدٍ عفاره=عنده مشب النار من بين الاشجار
وبعد تقهوو زانت الانتشاره=يبون صيدٍ مدهله بارض الاقفار
وشافوا لهم جولٍ تواقع طياره= وهدوا عليهن أشقرٍ منه خمار
حرٍ على زرق الغلب به سطاره=الخرب لا كوبر غدا ريشه اطيار
واكهف على اللي دورقت في حراره=وراحت ضحيه بين مخلب ومنقار
والبال راحت ضيقته وانحشاره=بشوف الربيع اللي زها فيه نوار
مع خوة الاخيار عندي اتجاره=أربح بها ما هي بدرهم ودينار
شفّي يابو فيحان هذا مداره=يابن ضويحي مكرم الضيف والجار
وانته خوي برحلتي مستشاره=دليلة اللي ما عرف درب مشوار
وابا انتظر مردودكم في قراره=يالشاعر اللي لاحسن القيل بيطار
شعرك ثمين وعندنا بالصداره=في الصداره يوم تقييم الاشعار
وصــلوا على اللي جاه وحيـه بغاره=محمد المختار هو سيد الابرار
ربعٍ لهم في كل عليا وقاره=تجمعهم الرفقه على خير مقدار
اللي على يمناه واللي يساره=واللي مقابل كلهم صفوة أخيار
ماهاض واحدهم بنمّة هذاره=والكل منهم ما سمع قول هذار
هلاّ ورحّب واشقر البن داره=من اليمين ومتجه نحو اِلِيسار
فنجال بن وزايدٍ لّه بهاره=به زعفران وهيل مع عود مسمار
بنٍ في الفنجال صابغ حماره=يشدى لدمٍ بالشرايين لافار
وقدوع من مجناه تو انحداره=أجود تمور بلادنا حلو الاثمار
وسوالفٍ حول القنص والصقاره=وحول الربيع وحول نزول الامطار
وسوءال للعساس سيرة مساره=الكل ملقي نظرته يبغى الاخبار
وأول بداية كلمةٍ لّه بشاره=بالسيل والمرعى تشابك بلازهار
السيل ناقع في محاني محاره=في منقعه شكَّل بحيرات وانهار
وربيع كل القاع ضافي خضاره=متساويٍ فيه السهل هو والاحجار
قفرٍ ضحيّن فيه تشبع ابكاره=فيه الطياح مربّعه كل معطار
تدر خلفاته بليَّا احواره=وتَعْطف على اللي يَمْسَحَهْ حسْك الاوبار
ومشوا على جيـبين بأول نهاره=آخر موديل وجاهزاتٍ للاسفار
اطراز لاند اكروز باين اشعاره=تمثال تويوتا عليهِنْ مندار
لو غليت الاسعار ما هي خساره=ذا مركب الشرهين تايوت فكسار
ونداء وماجلان زين اختياره=مع الثريا نتصل عبر الاقمار
وزان المكان إوقّفوا بالزباره=بالمرتفع ترتاح به مد الابصار
طعس من الوسمي بعيدٍ عفاره=عنده مشب النار من بين الاشجار
وبعد تقهوو زانت الانتشاره=يبون صيدٍ مدهله بارض الاقفار
وشافوا لهم جولٍ تواقع طياره= وهدوا عليهن أشقرٍ منه خمار
حرٍ على زرق الغلب به سطاره=الخرب لا كوبر غدا ريشه اطيار
واكهف على اللي دورقت في حراره=وراحت ضحيه بين مخلب ومنقار
والبال راحت ضيقته وانحشاره=بشوف الربيع اللي زها فيه نوار
مع خوة الاخيار عندي اتجاره=أربح بها ما هي بدرهم ودينار
شفّي يابو فيحان هذا مداره=يابن ضويحي مكرم الضيف والجار
وانته خوي برحلتي مستشاره=دليلة اللي ما عرف درب مشوار
وابا انتظر مردودكم في قراره=يالشاعر اللي لاحسن القيل بيطار
شعرك ثمين وعندنا بالصداره=في الصداره يوم تقييم الاشعار
وصــلوا على اللي جاه وحيـه بغاره=محمد المختار هو سيد الابرار