قصيدة بمناسبة حفل زواج / ذياب بن نايف بن ناقي

[حسين بن هندي]

سلام للحضور والحفل نهديه=سلام مني مردفٍ له تحيّه
اعداد ما هل المطر من مناشيه=واعداد ما نفسٍ على الأرض حيّه
جينا نبارك بالفرح من فرح فيه=مشاركه لذياب حب وحميّه
ولنا الشرف بحضور حفله نهنيه=مبروك لك يا ذياب من صدق نيّه
ذياب له حق بالأشعار نطريه=راع الفعول الساميه والوفيّه
وراع الوفاء بالطيب واجب نجازيه=وترفع له البيضا بعالي البنيّه
ذياب له حاضر يشرف الماضيه=وعلى شرف ماضيه قايد سريّه
من روس قوم وافي الصاع توفيه=ناهيك بالناقي وتلك السميّه
يشفق على العلياء بعادٍ هقاويه=يروم فعل الطيب ميّه ابميّه
والطيب لك يا ذياب عاده وماشيه=قولا صحيح ما نبي له جزيّه
لأعلا المبادي سلم الطيب راقيه=ذياب ابن ناقي زبون الونيّه
طير الثلاثه نعرفه من مجانيه=شواف لحاقٍ ويوكِل خويّه
وحق الخوي والضيف والجار موفيه=يمناه تندى في كرمها صخيّه
مع الكرم فيه التواضع امحليه=في مجلسه تلقى العلوم الطريّه
وصفة بغاديدٍ من البن ماليه=والعود يسبق صبة الشاذليّه
مع كبش مصلاح من البر شاريه=يرعى حلاوي عشب سيل اثرويّه
وعسى الفرح يعم قادم لياليه=يعيش بالفرحه سنينٍ مديّه
جاب الكحيله ضافي الستر غاطيه=خيالها غرا جبين العبيّه
بنت الحصان من الرجال المداليه=اللي لهم بالطيب روحه وجيّه
زحول الرجال اللي به الطيب تشريه=من مكرمين الضيف جاته هديّه
والطيب لَهْل الطيب ميزه الراعيه=اللي مثل عليان في كل هيّه
نجل الذي مجده على عز بانيه=محمد افعوله معجزاتٍ قويّه
صميدع بن حسين والطيب حاويه=بسناف اللحم خلى عدوه ضحيّه
الذود رده والقلايع تباريه=واسقى عدوه كأس حوض المنيّه
وعذراً عن التقليل أو شيء مخطيه=عفواً ترى المعصوم خير البريّه
عليه صـلوا عـد مـا هـب ذاريـه=محمد نبــي الحــق عبده نبيّـه