قصيدة رد ثناء لجازي بن محمد اللزام

[حسين بن هندي]

رد الثناء لاهل الثناء رمز واشعار= ميزه لمن سواه بين المطاليق
ولولا الثناء كان الجمايل بلا كار= لكن دليل الطيبات المواثيق
ولا ينجحد معروف وافين الاشبار= اللي لهم في حزة الضيق توفيق
أرفع الجازي كل تقدير واكبار= بعد الولي لولاه للحمل ما طيق
مشكور يابو ذعار يالمخلص البار= يا صاحب الفزعات في ساعة الضيق
لك بالوفاء والطيب مارد ومصدار= ولا نته من اللي باللوازم مدانيق
انته راع الفزعات ما جيت باعذار= يوم إن بعض الناس تاخذ مداريق
تاقف مواقيفٍ جزيلات واكبار= وتشفق على العلياء بروس الشواهيق
وتصيد صيدات النداوي اليا طار = لا طالع اللي دورقن بالصعافيق
وحلال قالاتٍ صعيبات وإعسار= لك بالوفاء والطيب سهم ومزاريق
ما ترتعش يمناك تاطا على الحار= تاطا وتفتح بالصعيبه طواريق
مذكور ابن لزام في زين الاذكار= كم فرّجت يمناه كربة مزانيق
يبين لامن الردي بالخوي بار= جازي زبون الجاذيه والمراهيق
مرحبٍ بالضيف ومشيم الجار= في مجلسٍ يحرق به العود تحريق
وادلال مجذيات في بن وابهار= وحيلٍ اجزالٍ ميّلن بالمعاليق
لاهنت يابو اذعار يانسل الاحرار= لزَّام معروفين كان الجمل سيق
واللي ذكرته فيه الاجواد خبار= كم من نصا جازي وهو ناشف الريق
وروّح بمطلوبه كرامه ومقدار= علمٍ عليه إثبات ما هو تلافيق
وجازي صديقي بالوفاء سر واجهار= ذخر وصديقٍ لي بين المخاليق
وختام قافي عد ما هلّت أمطار= صلوا على من زيد بالخلق تصديق