طلق الحجاج وسام رمز إعتزازي

[حسين بن هندي]

رد الثنا واجب نزفه لجازي= لهل الثنا من قلب صافي ثنيته
في واجبي رحّب او وفَّى وفازي= ما قصَّر ابو ذعار ساعة نصيته
والطيب مارث مبعدين المغازي= الطيب باللزام ماهو نبيته
اليا نصيته بالمهمات لازي= ماحك راسه وانصرف لابغيته
عن واجبه ما ينوزي بالموازي= واليا نصيته في لزومي لقيته
طلق الحجاج أُوسام رمز إعتزازي= ولا خاب ضني بالوفي لا نخيته
قولة هلا ترحيبته بالعزازي= ما غلق الكيلون مدخال بيته
فنجال بن بمجلسٍ به شرازي= ومفطحٍ ملي الصياني رئيته
حرٍ اقطامي والمواكير بازي= طير الثلاث ينَومْسَك لا دعيته
أشم مثل اطويق ساسه عزازي= ابن محمد بالوفا شاع صيته
وفولاذ ماص وباللقا ما يهازي= قوي باس ولا حباله رمِيته
يفتل مباريم النشب والحجازي= ويبرم مباريم العضل ماعضيته
عزيز نفس ولا بقلبه حزازي= ولو قيل لي به غير هذا حميته
ارفع له البيضاء على كل نازي= وجازي مهما قلت به ماجزيته