قصيدة بمناسبة زواج الشيخ محمد بن سالم المشرف

[حسين بن هندي]

قلنا سلام ومردفن لّه تهاني=سلام شامل والتهاني لَهَلْهَا
تهانيٍ من قلب واعلن لساني=باصدق تهانيّي وبابهى إحللها
لمحمد السالم عريب المجاني=انشاركه في فرحته بمحفلها
لبيت له بيجاب ساعة دعاني=وجبت البيوت وسقتها في مهلها
بنات فكري ترجمن للمعاني=من مفردات الضاد قاطف سبلها
عبيرهن ريح النفل بالمحاني=ريح الفياض اللي تشابك نفلها
فيها الخزاما خالطه قحوياني=الصيد فيها والدبش ما دهلها
هبوبها الودان حروة ثماني=ثمان ايام وليل ديمٍ هطلها
ولاجل ابو نايف بدع الاشعار زاني=وزان القصيد بحفلةٍ هو بطلها
حيث ابو نايف من طوال اليماني=اللي يمانيهم على الطيب ولها
مطنوخ نشميٍ ولا هو هداني=لمعالي الأخلاق نفسه جبلها
طيبه شمل بعيدها والأداني=والطيبه يشكر كريمٍ فعلها
عليه يثنى بالكرم والحساني=والطيبه لو هي صعيبه عملها
رام الرفاع ولا يحب الطماني=ما صر عن غاية طموحه هللها
حـرٍ يصيد اجزالهن والسماني=يختار للجزله ويترك هزلها
إن طالع الجزله سريع اكفخاني=واليا طلبها جابها في عجلها
الطيّبه يحوزها مشفقاني=لو هي بعال المعتلي من جبلها
جاب الكحيله مهرةٍ بالعناني=غرا جبين اللي عريب اصطبلها
بنت الحصان وحادي الكوكباني=زحول الرجال الي حميده اخصلها
الثاقب الوهاج بالليل باني=بان بمداره مضرباً في مثلها
راع القرين الشيخ ذرب البناني=كم هيّةٍ صعبه بجاهه عدلها
كم قالةٍ يحلها في ثواني=اليا بدا بالرأي وقف جدلها
شيخ على ما قيل فعله ضماني=يحسب حساب الحلها لا فتلها
بحال القسا قاسي وباللين لاني=وابتع من البالود واحدب سللها
موسى بن ناقي والقرين المكاني=دار الوفاء لأهل الوفاء في حللها
ومدحي الربعي يالرجال الذهاني=ما ينقص ارجالٍ مرسِّي ثقلها
مدحت ربعٍ يكسبون الرهاني=وكرام اللحاء الباقين نكرم اسبلها
والطيب صعب ولا يجي بالتماني=ويفد بحمولٍ ثقيله جملها
والصعب للي يفعل الطيب هاني=وتأتي العزائم قد من هو حملها
أعربت عن بعض الخصايل بياني=وارج السموحه عن هفاوي زللها
وصلاة ربي عد باقي وفاني=على نبيٍ وسط يثرب نزلها