مع التحية لـلشاعر : ضيف الله بن غزاي الزغيبي

[حسين بن هندي]

قالوا تحورف قلت يالربع مشاي=ما باقيٍ لّي غير تشغيل جيبي
فاكس آر لاند كروز هو غاية امناي=آخر مديل الزين لون الحليبي
إليا انزعج مثل التفق عند رماي=إليا ارسله يم الهدف له يصيبي
عليه نبغا نتّجه يم منصاي=جنوب شرقٍ صوب يم الخشيبي
ساعه زمان إوَّاصلٍ لابو غزاي=ضيف الله اللي نزهمه بالزغيبي
يباشرك بالترحيب والبن والشاي=ويكرر الترحيب ويجيب طيبي
وعليه بالأفعال من حاتم الطاي=ولا هو عليكم يالزغيبي غريبي
قصدي سلام وصحته غاية ارضاي=وعسى من اللي صاب رجله يطيبي
وليَّه طلب تشريفكم باكر الجاي=أبي لكم مسيار يمي قريبي
نبي وناسه نرفع الصوت بغناي=ونبي لنا جلسه بطلح الشعيبي
نبا نهيجن دون عودٍ ولا ناي=إلا ان في قوس الربابه سبيبي!
وساعة فرح عندي تساوي لدنياي=من الشباب لدور وقت المشيبي
لصار عندي من هَل العرف والراي=زحول الرجال ولا مداهم حضيبي