سمو فيصل يـا هـلا فـي مقامـه

[حسين بن هندي]

هذه القصيدة ألقاها الشاعر : حسين بن عبيد الله الحربي بمناسبة حفل الشيخ : سعود بن عبد الله الناقي في ساق الجواء احتفاء بزيارة نائب أمير منطقة القصيم صاحب السمو الملكي الأمير : فيصل بن مشعل بن سعود بن عبد العزيز آل سعود


يا مرحبا عداد وبل الغمامه=يا مرحبا مع ازرق العود تنساق
بالفيصلي راع الوفاء والكرامه=باسم بن ناقي مرحبا في بلد ساق
ابو فهد يكرره باحترامه=بفيصل وباصحابه لهم جد مشتاق
سمو فيصل يا هلا في مقامه=نايب سميه بالوفاء جل عملاق
نايب قيادي للقصيم ونظامه=عنده طموح المنتدى العز عشاق
سمو فيصل من رجال الشهامه=نبع الوفاء عرب النسب عذب الاخلاق
دكتور علم بهمته واهتمامه=يسمو رفيع الذوق في كل الاذواق
أبوه واجداده رجال الزعامه=اللي مكارمهم جديدات واعتاق
سعود له بالمجد رمز وعلامه=صقر الجزيره سلمه كل ميثاق
وعبد العزيز المجد راقي سنامه=الليث أخو نوره صعد كل الآفاق
بدرٍ سطع نوره وجلّى ظلامه=بالحق هو والسيف بتار الاعناق
أخذ ثلاث عقود عجلٍ همامه=حتى خضعت له والعلم فوق خفاق
وسادت أو وطّدْها وحقق مرامه=والشعب أطاع وصاروا أحباب وارفاق
وبعده انجاله طوعوا كل هامه=هم حرزها هم درعها سور ورواق
وأبو متعب والشعب زاد التحامه=ملك قلوب الشعب توفيق ووفاق
ملك حكيم الرأي صايب كلامه=للخير مفتاحٍ وللشر مغلاق
أبو اليتامى دمعته وابتسامه=بدل لعتمة جوهم نور واشراق
عز الضعيف اللي طنا الوقت ضامه=عجل الاغاثه وقتها جزل الانفاق
وسلطان سلطان الخير علق وسامه=الله أعطاه الطيب من طيب الاعماق
الكل علياء دوم يكرب حزامه=وتكرم يدينه لجدبت جل الارزاق
حكامنا غيث الوطن والجهامه=درع وطنا في عناها والارهاق
آل سعود مشيدين اليمامه=اللي حموها يوم نشفات الارياق
لهم الولاء من حرب اليوم القيامه=نجدد البيعه ومخذول من باق
ضد الإرهاب بكل حزم وصرامه=ضد الذي وسوس له ابليس وانعاق
وتبت يد الإرهاب وأوشك عدامه=والأمن ساد ولاش به حرب وشقاق
وتحية مني بشعري ختامه=وارج السموحه كان به قول مالاق
وصلاة ربي واجبه مع سلامه=على محمد عد ما لاح براق