أهلاً هلا تحية أحباب باحباب

[حسين بن هندي]

قصيده بمناسبة حفل اقامه ذياب بن نايف الناقي تكريما للشيخ مقبل القضيب من قبيلة الشرارات

أهلاً هلا تحية أحباب باحباب= بعد البطا لبصر وشاف الحبيبي
ترحيبٍ أحلا من لبن كل محلاب= عفر البكار اللي رعن بالشعيبي
اعداد ماهل المطر وبل سكاب= واعداد نجمٍ في مداره يغيبي
يوم ابو ملفي زارنا بعد الاتعاب= تكمل لنا الفرحه بشوف القضيبي
واللي معه حياهم الله والاصحاب= حيا الله اللي من بعيد وقريبي
لنا الفخر في شوفكم مانتم اجناب= ياهل الوفا يا محاربين الحريبي
ياهل الشمال بشوفكم كيفنا طاب= الكيف طاب بشوفكم يالعريبي
أربع اعقود كامله عد وحساب= مضت وناسه ماتكدر شريبي
عشرة عمر والكل للطيب كساب= في كل عامٍ زايد الطيب طيبي
ويومٍ عـنيتوا فيه لو فات ما غاب= من طيبكم يبقى لنا للمشيبي
ياهل الوفاء في شوفكم هاجسي جاب= جزل البيوت إبمدحكم تستجيبي
جَنّي على شان الشرارات هنداب= مطاوعات مابهن لي صعيبي
لاجل الرجال اللي يفكون الانشاب= ولهم فعايل بالملاقى عطيبي
كم فارسٍ خلوه بالقاع منصاب= في وقت يلزم فيه مس الجنيبي
عَزَّام باللقوه يهَدّون الاصعاب= حلابةٍ للدَّر بصدرٍ رحيبي
أهل السخاء قبل الرخا وقت الاجداب= مشرَّعات ارفافهم بالجذيبي
الله يحييهم على حفلة ذياب= في بيت من قدم مع الهيل طيبي
تلقى جديد البن والهيل لاراب= سته مشن بالدور ماهن سريبي
من بَنْيته للبيت ما سكر الباب= ذياب بن ناقي بعيد الحضيبي
نعم ابو نايف من عريبين الانساب= ذياب كَسْب الطايله له نصيبي
واليوم من طيبه لنا قدم الاشناب= حفلة شرف لَهَل طبرجل تجيبي
والمعذره إن كان بالقاف ماعاب= ياللي بفن القاف فاهم لبيبي
ومـا قـل دل وزبـدة القيـل لا صـاب= ويالله عسى ماقلت جاز ويصيبي