مراااااااااااااااااااااحب للكل ...........



اخباركم انشاء الله بخير وصحه وعافيه ومازولا


المهم هذه المقارنه اللي راح اتكلم عنها اعجبتني وابغى الصراحه

وش رايكم فيها وأي وحده تعتبرين نفسك ..


مقارنه بين(البنت الناعمه..والبنت السحلية).>>>>بمعنى اخر أنثى (متعربجة)


البنت الناعمه..ماتقوم الا الساعه وحده وتقومها الشغاله وبالأنجليزي طبعا وتفتح الشبابيك علشان تتنفس الغرفه وتدخل وتاخذ حمام محترم وتحط كريمات للبشره من باب العنايه
وفطورها كاس عصير برتقال فريش وكرواسان..

البنت السحلية .. تقوم من الساعه 8الصباح وتقومها أمها وبالصراخ طبعا (قومي وووووووجع ماعاد ألا خير) تقعد مفزوعه من النوم وتقول(يالله يالله قمت)وترجع تاخذ نومه خفيفه بالأضافه الى ذلك انها كل شوي تطيح من السرير وماتقوم من النوم ألا برفسه ماشيه من اخوها الكبير
فتقوم المسكينه من النوم وهي تركض..

البنت الناعمه..غداها الساعه 4أو5 وعلى عيش ابيض وعصير جريب فروت للرشاقه

البنت السحلية ..تتغدى 12 الظهر على كبسه لحم وسلطه وأيدام وتختمها بكاس لتر لبن

البنت الناعمه..طلعتها بعد المغرب مع السواق لأن الشمس تحرق البشره

البنت السحلية..طلعتها عند الساعه 2 عز القايله وتدقها كعابي لبيت خوالها

البنت الناعمه.. مشاويره للكفي شوب او الصالون للعنايه بجمالها

البنت السحلية ..مشاويرها سوق الحراج هذا اذا خربتها

البنت الناعمه..ضحكتها (ههههه)وتغطي فمها من الخجل ويالله نسمع صوت الضحكه

البنت السحلية..ضحكتها(هاهاهاهاهاهاهاهاهاهاها)تسمعها الحاره الثانيه والفم مفتوح حتى بانت اللوز

البنت الناعمه ..تجلس عند التلفزيون على الكرسي الهزاز وتحط رجل على رجل وتبتسم لأن الابتسامه تضفي على الوجه بشاشه

البنت السحلية..تنسدح على الأرض وترفع رجلها عند التلفزيون وتغير القنوات باصابع رجلها

البنت الناعمه..في نهاية هذا الموضوع تقولكم (سي يو..باااي..تشاو)

البنت السحلية..في نهاية الموضوع تقولكم( حياكم الله وتامرون على شي)

..
..
..
..
..
..
..
..
..
..

وأنا أقولكم وش رايكم في المقارنه..
ياليت ولا بنت تزعل
حتى لو كانت سحلية ... ..... الأيام تنحت الحجر ( لابد يوم وتتسنع ) منقول