سقا الله مكانٍ كلما ضاق طول البـال

[فالك البيرق]

سقا الله مكانٍ كلما ضاق طول البـال
تزيـد الهمـوم وضيقتـي لاتذكرتـه
مكانٍ لعـل الله مـن رايـح الهمـال
يعله يالين تضيـق بالسيـل خاصرتـه
الياقبل من المنشا قنوفه تقـول جبـال
وهبت هبوب بمطلع الشمس واعثرتـه
وركد ماتقول الاموقف على الاطـلال
وبقايا رسومه غر الامـزان خابرتـه
وصبت عليه الين ماكـل وادي سـال
وتحول بهـا خـد الموشـم وغيرتـه
وزبدها طفح والسيل من جالها للجـال
ومن ماعلى جتـك الشغايـا محدرتـه
مابين الهضاب النابيه كنهـا سلسـال
بجيد الهنوف اللـي بترتيـب ناثرتـه
وبعد تم له من عقب سيل ثلاث ليـال
ورويت ووافقها دفـا شفـت باذرتـه
وقامت تزيد وكل يوم لها فـي حـال
وصفا جوها عقب العواصيف كدرتـه
زماليقها لانسنس النـود معهـا مـال
وريح النفل فاحـت بجـوه وعطرتـه
بروض خلي ماجاه شـاوي ولاوبـال
ولامرته غيـر السحايـب وباشرتـه
ماغير ام سالم تزعج الصوت والموال
تقل ماخذه صوت ابو نوره وحنجرتـه
تغني طرب وانا من الضيق والغربـال
اسج القـدم مـع كـل فـجٍ تخيرتـه
بجاله حكرت من اشقر البن لي فنجال
ومما يعدل خـاوي الـراس طهرتـه
بعيدٍ عن اصحاب المصالح وناس المال
ورفقة صغير كثـرت المـال كبرتـه
يجامل الياجيته ولاقفيـت فينـي قـال
والياجيت له بين الرجاجيـل صغرتـه
وقمت ابدع بيوت نوادر من الامثـال
ونسيت الهموم وكـل طيـب تذكرتـه
وتفاولت في باقي اليالي بطيب الفـال
وانا كل همي عفـو ربـي ومغفرتـه