ياهيه يالي تسمع الصوت ياهيـه

[العُـمق]

ياهيه ياللي تسمع الصوت ياهيـه=خل المراجل والشجاعـه لهلهـا
ادخل على الي في صلاتك تناجيه=اللي يجازي كـل نفـس بعملهـا
لتنسب المعنى على غير راعيـه=لصرت مبلي كلمـت حـق قلهـا
قبل يميل الوقت ويبين خافيه=وتكثـر بلويهـا وتكـثـر عللها
كلمه لها معنى ومبدى وتوجيـه=الناس مالي مصلحه من زعلهـا
انذر خصيمي وخبره قبل ماجيـه=قبل تدور المركبه فـي عجلهـا
والي زعل يزعل ولاني مراضيـه=نفس نقدرهـا ونفـس انخذلهـا
الرجل تعرف وقفته من مباديـه=من خوف ينقص طيبها من هزلها
الفارس الي طعنته فـي عوانيـه=يبي يموت وحاجتـه ماوصلهـا
الاولـه فيهـا تشـره وتنبـيـه=والعوج تلقـى واحـدٍ ويعدلهـا
معـاد للباقـي تستـر وتمويـه=بعض الهروج الطايشه ماحتملها
يالي تشـوه بلمواليـن تشويـه=لزم تساق السانيه فـي جملهـا
من باعني في سود الايام مشريه=شكيت لاكـن حجتـي ماقبلهـا
ان عاش راسي لوصل العلم تاليه=لاما تموت انفوس قـدام اجلهـا
الي تدينـه بالمجالـس هذريـه=بالسب والبهتان والكـذب يلهـا
والي على جمع النميمه يباريـه=يرجـع وياكـل لقمتـه لاتفلهـا
والله لحده ليـن تطلـع بلاويـه=لعلمـه بالحملـه الـي حملهـا
اللي بوقت السلم كبـر صيانيـه=وقت الجهاله باقيه فـي جهلهـا
لازم يصح العلـم مافيـه مافيـه=هاذي تراهـا غلطتـك وحتملهـا
لالاتعيـب نـاس ياهيـه ياهيـه=اخر حياتك صرت تجمع هملهـا

[معجب السليمي]

الرجل تعرف وقفته من مباديـه=من خوف ينقص طيبها من هزلها
الفارس الي طعنته فـي عوانيـه=يبي يموت وحاجتـه ماوصلهـا
الاولـه فيهـا تشـره وتنبـيـه=والعوج تلقـى واحـدٍ ويعدلهـا
معـاد للباقـي تستـر وتمويـه=بعض الهروج الطايشه ماحتملها
يالي تشـوه بلمواليـن تشويـه=لزم تساق السانيه فـي جملهـا
من باعني في سود الايام مشريه=شكيت لاكـن حجتـي ماقبلهـا
ان عاش راسي لوصل العلم تاليه=لاما تموت انفوس قـدام اجلهـا


صح لسان الشاعر مصلح

والف شكر لك سلمان على نقل مثل هذه الراوائع

تحيااااتي

[العُـمق]

صح بدنك يامعجب واسعدني مرورك وتعليقك الاروع ...

تحيتي لك ..

[شمالي من إلى]

الي بوقت السلم كبـر صيانيـه=وقت الجهاله باقيه فـي جهلهـا
لازم يصح العلـم مافيـه مافيـه=هاذي تراهـا غلطتـك وحتملهـا
لالاتعيـب نـاس ياهيـه ياهيـه=اخر حياتك صرت تجمع هملهـا


نقل واختيار مميز لشاعر قال واجاد