العُـمق
03-03-2009, 08:55 PM
ياراكب الـي مامشـى بالمشاويـر=تـوه جديـد صـادر عـن وكيلـه
حسب الطلب مجيوب ماهو بتصدير=لاساقـه المشتـاق يبـرد غليلـه
اربع مئه حجم المكينه مـع القيـر=دفرنس يصبـر والتـوازن تشيلـه
اليا مشى بالخط يهوي كما الطيـر=يطوي بعيد الخـط طـوي الفتيلـه
فوقه شجاع صخر الجمس تصخير=ظاري على قطع الخطوط الطويلـه
يحمل كتاب فيـه شيمـه وتقديـر=لبن الرجـال الـي ينجـي دخيلـه
ملفاك ابو ماجد زبـون المخاسيـر=ريف الهجافي بالسنيـن المحيلـه
له ماقـفٍ ماياقفـه سالـم الزيـر=حلحيـل حـلال المشاكـل بحيلـه
ذيـب تعشـى بالليـال المقاصيـر=يمناه من فـوق الايـادي طويلـه
له مجلسٍ فيـه الـدلال المباهيـر=والنجر تالي الليل تسمـع عويلـه
عطه الكتاب وفسر العلـم تفسيـر=وقله ترانـي فـوق نـار المليلـه
قله غدينا فـي هبـوب المعاصيـر=منجـوم لليـل ولا لقالـه دليلـه
اربـع اسنيـن يالذويبـي مدابيـر=مثل النمل يجمـع لغيـره حصيلـه
زاد الايجار وعيشتـي بالتياسيـر=والحمـل زاد ولا قوينـا نشيـلـه
ابغاك تفزعلـي ولابغـى المعاذيـر=ياعزوتي لاصـار بالوقـت ميلـه
انصاك لاضاقـت علـي المعابيـر=ياللـي تسـد النايبـه بالقبيـلـه
اسراي طاف وكـل يـوم بتاخيـر=لاقرب اسمـي حـط واحـد بديلـه
دورت حتـى الواسطـه بدانانيـر=من جيت قال اسراك عابـر سبيلـه
صرنا مثل دلو الذباذب على البيـر=سـراب قيـض مايبلـل صميلـه
رجـل بـلا ربـعٍ حياتـه تعازيـر=يعيش بين النـاس عيشـه ذليلـه
لو ضاع حقـه ماتجيلـه مداويـر=يمسي ويصبح والجـوارح عليلـه
لشك وقت اليـوم جابـه عواثيـر=لاصـار مالـك مسنـدٍ تشتكيـلـه
انتـه ذرانـا بالليـال المعاسـيـر=شيـخٍ ليـا طـال المعانـد تزيلـه
جيتك بعد ماشفت بالوقت تقصيـر=والاالـردي لوجالـنـا مانجيـلـه
في حال اقسى من جبل ساق والنير=وفي حال الين من عروق الشتيلـه
قاسي على الي يخلف الدرب والسير=وتليـن لطيـب وتكسـب جميلـه
من روس ربعٍ بالملاقـى جوازيـر=حـربٍ ليابـار العميـل بعميـلـه
على حياض الموت وردو مصاديـر=وقتن مضى يوم المعوشـه قليلـه
يثنون مـن دون البكـار المغاتيـر=اليا عتلو فوق الخيـول الاصيلـه
وصلاة ربي عـد مارفـرف الطيـر=على نبي الخلق باحسـن وسيلـه
حسب الطلب مجيوب ماهو بتصدير=لاساقـه المشتـاق يبـرد غليلـه
اربع مئه حجم المكينه مـع القيـر=دفرنس يصبـر والتـوازن تشيلـه
اليا مشى بالخط يهوي كما الطيـر=يطوي بعيد الخـط طـوي الفتيلـه
فوقه شجاع صخر الجمس تصخير=ظاري على قطع الخطوط الطويلـه
يحمل كتاب فيـه شيمـه وتقديـر=لبن الرجـال الـي ينجـي دخيلـه
ملفاك ابو ماجد زبـون المخاسيـر=ريف الهجافي بالسنيـن المحيلـه
له ماقـفٍ ماياقفـه سالـم الزيـر=حلحيـل حـلال المشاكـل بحيلـه
ذيـب تعشـى بالليـال المقاصيـر=يمناه من فـوق الايـادي طويلـه
له مجلسٍ فيـه الـدلال المباهيـر=والنجر تالي الليل تسمـع عويلـه
عطه الكتاب وفسر العلـم تفسيـر=وقله ترانـي فـوق نـار المليلـه
قله غدينا فـي هبـوب المعاصيـر=منجـوم لليـل ولا لقالـه دليلـه
اربـع اسنيـن يالذويبـي مدابيـر=مثل النمل يجمـع لغيـره حصيلـه
زاد الايجار وعيشتـي بالتياسيـر=والحمـل زاد ولا قوينـا نشيـلـه
ابغاك تفزعلـي ولابغـى المعاذيـر=ياعزوتي لاصـار بالوقـت ميلـه
انصاك لاضاقـت علـي المعابيـر=ياللـي تسـد النايبـه بالقبيـلـه
اسراي طاف وكـل يـوم بتاخيـر=لاقرب اسمـي حـط واحـد بديلـه
دورت حتـى الواسطـه بدانانيـر=من جيت قال اسراك عابـر سبيلـه
صرنا مثل دلو الذباذب على البيـر=سـراب قيـض مايبلـل صميلـه
رجـل بـلا ربـعٍ حياتـه تعازيـر=يعيش بين النـاس عيشـه ذليلـه
لو ضاع حقـه ماتجيلـه مداويـر=يمسي ويصبح والجـوارح عليلـه
لشك وقت اليـوم جابـه عواثيـر=لاصـار مالـك مسنـدٍ تشتكيـلـه
انتـه ذرانـا بالليـال المعاسـيـر=شيـخٍ ليـا طـال المعانـد تزيلـه
جيتك بعد ماشفت بالوقت تقصيـر=والاالـردي لوجالـنـا مانجيـلـه
في حال اقسى من جبل ساق والنير=وفي حال الين من عروق الشتيلـه
قاسي على الي يخلف الدرب والسير=وتليـن لطيـب وتكسـب جميلـه
من روس ربعٍ بالملاقـى جوازيـر=حـربٍ ليابـار العميـل بعميـلـه
على حياض الموت وردو مصاديـر=وقتن مضى يوم المعوشـه قليلـه
يثنون مـن دون البكـار المغاتيـر=اليا عتلو فوق الخيـول الاصيلـه
وصلاة ربي عـد مارفـرف الطيـر=على نبي الخلق باحسـن وسيلـه