يافارج الضيقات

[العُـمق]

يالله يامنزل علـى الـدار الامطـار =الواحـد الـي مالنـا رب غيـره

علام ماتخفـي النوايـا والاسـرار=بالكون ماتخفـي عليـك السريـره

يالشافي الكافي ويالنافـع الضـار=انت الذي تشفي النفوس الضريـره

يافارج الضيقات عن كـل محتـار=تفرج لقلبـن فيـه همـن وحيـره

تصفق به الاوهام من كل الاقطـار=همـن يغيبـه وهـمـن يثـيـره

مسلم ومؤمن بالمصائب والاقـدار=ولامـل لوطالـت علـى المسيـره

من فضل ربي ماشكى مني الجـار=احسب احساب الطايله والقصيـره

مامشي ورا المقفين لو صار ماصار=من صد عنـي ماترجيـت خيـره

هين بحال وحـال قاسـي وجبـار=والوقت ماهـد الجبـال العسيـره

البارحه ليلـي هواجيـس وافكـار=مرن على فكري وحاسـن مريـره

ليلن سواده تختفي فيـه الانظـار=الحمل كايـد والمواقـف خطيـره

غابت انجومه والكواكب والاقمـار=لحظه زمن فيها تضيـع البصيـره

الطائفيـه خلـت الشعـب ينهـار=وخلت قصير البيت ينكـر قصيـره

الكوت واللبصره ودجلـه والانبـار=صارت هدف لمجمعيـن الذخيـره

شين يخلي كامـل العقـل يحتـار=الجو ساخـن والرحـاء مسدتيـره