مشاهدة النسخة كاملة : عامين مرن ولاشفتك@مدري علامك مجافيني
سالم بن محمد
02-09-2009, 10:24 PM
عامين مرن ولاشفتك=مدري علامك مجافيني
خلك مقفي على صدتك=ماجاوبك لوتناديني
تجيبك ظروف لاحدتك=تذرف عيونك وترجيني
تصيح وتجر في ونتك=وتقول صعبه تخليني
خلاص عيني ترى ملتك=صدتك هذي تكفيني
ماني بخاتم على يديتك=وبكيف كيفك تمشيني
وماني بصاير تحت رحمتك=باسباب حبك وترميني
لابوك ماشح في منتك=ومحبتك ماتوطيني
كرامتي خير من رفقتك=وعزة النفس تحميني
النفس طابت وانا عفتك=لوترجع تقبل يديني
لاتتعب النفس في ردتك=قطعت مابينك وبيني
غلطتك يازين ماعدتك=محسوبتن بالملاييني
زيد الحطب زيد في وقدتك=ونار القهر شب ناريني
وكثر من السم في دلتك=والدم هليه ياعيني
هاذا جزا مني لفعلتك=ياخاين العهد والديني
الثاقب
02-09-2009, 10:53 PM
كرامتي خير مـن رفقتـك >> وعـزة النفـس تحمينـي
هجينة جزلة
صح الله لسانك أخوي شاعر المعنى ويعطيك العافية
تحياتي
العقيد
02-09-2009, 11:28 PM
لاتتعب النفس فـي ردتـك=قطعـت مابينـك وبيـنـي
غلطتـك يازيـن ماعدتـك=محسوبـتـن بالملاييـنـي
صح لسانك شاعرنا الكريم و ننتظر جديدك
بانتظارك دائما
غـرووكــہ
02-11-2009, 01:17 AM
صح لسانك يا شاعر المعنى
تحيه طيبه
سالم بن محمد
02-14-2009, 11:52 PM
الثاقب
صح لسانك ودائما وجودك يشرفني
سالم بن محمد
02-14-2009, 11:55 PM
العقيد
صح بدنك وشاكر مرورك العطر
سالم بن محمد
02-14-2009, 11:58 PM
غروك
صح بدنك
والف تحيه عطره لك
سفير النوايا الحسنة
09-11-2009, 11:00 AM
زيد الحطب زيد في وقدتك
ونار القهر شـب نارينـي
وكثر من السم فـي دلتـك
والـدم هلـيـه ياعيـنـي
صح لسانكـ شاعرنا
وتم حفظ القصيدة
في الملاحظات
ولازم نهيجنها في احد الطلعات البرية
من جد قصيدة لأكثر من رائعة
قرتها واعدت قرائتهاا مرات عديدة
اسجل اعجابي وتمنياتي لكـ بالتقدم المزيد من التطور في هنسة الكلمة وحرفنة الحرف
سالم بن محمد
09-13-2009, 08:02 PM
هلابك اخوي السفيرألف شكر على ردك الرائع
الله لايهينك وابشر بالهيجنه بس الله يجيب الإجازه
مرحبا بك مره اخرى ودمت بالوجود
أبيات جميلـة بمعانيها
بانتظار جديدك أستاذنا القدير
تقديري و احترامي
أبو عيسى
10-11-2009, 02:57 PM
صح لسانك ياشاعر المعنى
قصيدتك على طرق الهجيني والصراحه انها جميله
اليكم تعريف لطرق الهجيني : عثرت عليه في احدى المنتديات
الهجيني:
من الهجينة وهي تعني الغناء السريع . سريع الإيقاع .وهو الغناء على ظهور الركايب حيث كان البدو يهيجنون وهم على ظهور ركائبهم بإيقاع يتناسب مع ركض الذلول مايسمى ب: ( الدرهمة) و(الزرفال) أي العدو العادي فخطوات الذلول إيقاع وهي تضرب على الأرض بأيديه وأرجلها فتكون كالإيقاع بالنسبة لراكبها وهناك هجيني مسري ( عدو الذلول بالليل) وهجيني النهار (عدو الذلول نهار) وهما مختلفان وايضاَ يهجنون وهم على ( عدود الماء-او بواسطة السواني وضع الحبل على ظهر الذلول لكي تسحبه من البير.وليس من السهل أبداً حصر جميع أوزان الهجيني لأن هجيني قبائل الشمال يختلف عن الجنوب وأن كل نوع من الركايب يختلف عدوة من النوع الآخر...واغلب القصائد الهجينية تكون غزل ولا تتعد العشر أبيات
سالم بن محمد
10-12-2009, 06:20 PM
صحة ابدانكم
أف شكر على المرور
امير النت
11-13-2009, 10:16 PM
صح لسانك يا شاعر المعنى
تحيه طيبه
سالم بن محمد
11-23-2009, 03:06 AM
امير النت
صح بدنك
واشكرك على التواجد