سلام يا شيخٍ نعزه ونغليه

[حسين بن هندي]

قصيدة بمناسبة زواج: رباح بن عبد الكريم بن رباح المطلق


سلام يا شيخٍ نعزه ونغليه= عبد الكريم اللي رفيع مقامه
عندي عزيز ومن رجال مداليه= مني ومن غيري ينال احترامه
شيخٍ ينومس كل ما حل طاريه= بعد رباح اليوم شيال زامه
عز الرفيق وعز ضيفه وناصيه= متعليٍ بالطيب ذروة سنامه
يسمو شرف مع التواضع محليه= قمّه في الأخلاق للمجد هامه
رايه وفكره للمعالي يعديه= حلمٍ تحلابه وعلم وفهامه
وباب الشهامة والكرم من مباديه= سيرة جدوده والخوال وعمامه
الهيلع الصارم بعادٍ هقاويه= دايم على الجزلات يكرب حزامه
درب الوفاء هامه ورامه وراقيه= وفي قمّة الأمجاد علق وسامه
يستاهل التمجيد والمدح زاهيه= كفوه وعنده يستطيب الاقامه
الله يبارك في حياته ويبقيه= منصى وعز اللي طنا الوقت ضامه
باعه طويل ومعجم الطيب حاويه= عزم وتفاني همته واهتمامه
حارت قوافيّي راع الطيب توفيه= إلا بروس اقلام رمز وعلامه
مهما قصدت وقلت ماقدر أجازيه= قليل ما قلته براع الشهامه
طيّب وللطيّب عليّه مشاريه= وانا حريص بواجبي والتزامه
تقدير جيناله إواجب نهنيه= ونقول مبروك الفرح في تمامه
والله يسعد رباح بقادم لياليه= في بيت عزٍ ويتحقق مرامه
ينعم بخيرٍ والسعاده تماشيه= بتوفيق من ربه يزين انسجامه
واحلى التهاني في شذى الورد نهديه= عبيرهن ريح النفل والخزامه
وصلوا على اللي كلنا نهتدي فيه= محمد المختار سيّد أنامه

[ولـد شيـوخ]

اللهم صلي وسلم عليـه


صح لسانك .. وبيض الله وجهك على هالقصيدهـ


ويستاهل الجزل ابو رباح ولابتـه



تحيـآتي

[الشامخ]

صح لسانك ياشاعرنا
قصيده تعبر عن وفاء الشاعر
للشيخ عبد الكريم حفضه
وهو يستاهل ماقيل فيه

شاعرنا اشكرك مره اخرى
وتقبل مروري
الشــــــــــــــــــــــــامخ

[حسين بن هندي]

ولد شيــــــــوخ

الشــــــــــــامخ

صح الله أبدانكم والله لا يهينكم

شرفتوا ديواني بمروركم الطيب

أرق تحية لكما