وترى الردى بالوجه يضهر علامات=تقرير واضح في وجيه البغوله

[سالم بن محمد]

الطيب فعله بأهله تشوف هيبات= والرجل تعرف قيمته في فعوله
وترى الردى بالوجه يضهر علامات=تقرير واضح في وجيه البغوله
واللي يبي العليا ورفع المقامات=يسلك طريق المرجله في اصوله
واللي تشوفه وجهته للرديات=إبعد وحذر من تشوفه يحوله
ومخاوي اللي نايلين الصعيبات=صعب الخصال الطيبه هي ميوله
هذا هو اللي رافقه بالمهمات=واعرف ترى درب الدنس مايجوله
خاوه وحطلك في مماشيه رايات=وخلك تطول اللي بعد ما يطوله
والرجل بالمجلس بلاصمت وسكات=إلا بعلم يرفع الراس قوله
صندوق خالي من الذهب والجنيهات=محدن يقدر قيمته بالحموله
وختامها في ذكر رب السماوات=عد النجوم وعد ناس اسجدوله

[الثاقب]

والرجل بالمجلس بلاصمت وسكات=إلا بعلـم يرفـع الـراس قـولـه
صندوق خالي من الذهب والجنيهات=محـدن يقـدر قيمتـه بالحمـولـه

صح لسانك تعجبني أبياتك

ماشاء الله

أبدعت يا شاعر المعنى

الف شكراً مضاعف

[سالم بن محمد]

صح بدنك يالثاقب
ويعجبني تسجيل ردك على قصائدي

[أبو رائد]

واللـي تشوفـه وجهتـه للرديـات =إبعد وحـذر مـن تشوفـه يحولـه
ومخاوي اللي نايليـن الصعيبـات=صعب الخصال الطيبه هي ميولـه

صح لسانك يا شاعر المعنى
ابيات جزلة ومعاني قيمة

[سالم بن محمد]

التاج
اهلا بك على صفحة قصيدتي وصح بدنك

[العقيد]

شاعرنا المبدع شاعر المعنى

صح لسانك

واللـي تشوفـه وجهتـه للرديـــات *** إبعد وحـذر مـن تشوفـه يحولـه
ومخاوي اللي نايليـن الصعيبـات *** صعب الخصال الطيبه هي ميوله
هذا هـو اللـي رافقـه بالمهمـــات *** واعرف ترى درب الدنس مايجوله

وصدقت بيض الله وجهك

ننتظر جديدك الجميل

[سالم بن محمد]

عزيزي العقيد
صح بدنك ووجهك ابيض مرورك يشرفني
شاكر مرورك الله يعافيك

[الاصيل]

اقتباس:
المشاركة الأصلية كتبت بواسطة (>:شاعر المعنى:<) http://www.al-qreen.net/vb/ksatec/alqareen/buttons/viewpost.gif (http://www.al-qreen.net/vb/showthread.php?p=116071#post116071)

الطيب فعله بأهله تشوف هيبات= والرجل تعرف قيمته في فعوله
وترى الردى بالوجه يضهر علامات=تقرير واضح في وجيه البغوله




شاعرنا المتألق

شاعر المعنى

اسمٍ على مسمى

تجيد صياغة الحروف وتوظيف الكلمات الى اسمى معنى

نفتخر حقيقةً ان نطلع على ابياتكـ الجزلة

صح لسانكـ وننتظر جديدكـ

تقبل مروري وشكري الجزيل

الاصيل

[سالم بن محمد]

الأصيل
صح بدنك
أشكرك