حسين بن هندي
07-11-2008, 12:39 PM
الله يديم أفراحكم يابن ناقي= ويعمّم الفرحه على كل الاخيار
أفراح عيسى يمها القلب تاقي= توقه ونشوه ما بها زيف وقمار
لولا غلاكم ما يصير التلاقي= اللي له الدافع معزه ومقدار
أشارك الفرحه وزاد اشتياقي= واقف واترجم فرحتي عبر الاشعار
عسى الفرح يدوم عز إو وفاقي= ويوفّق الله كل وافين الاشبار
مبروك من قلبي وصادق عماقي= لاخي فهد مبروك مليون تكرار
أسمى التهاني صاعده للأفاقي= فرحه صداها متجه كل معبار
مغلفه بازهار زين العباقي= والعود الازرق في شذاها على النار
عبيرها ريح النفل بالخناقي= ريح الفياض اللي تشابك بالازهار
إن طلها طلٍ تساقا وداقي= قبل الشروق وساق به ريح نوار
غب المزون اللي مطرها حقاقي= غيثٍ تساقا وارتوت منه الاشجار
نغمة خفوقٍ في ثمين النطاقي= بسمة وفاء تقدير واجلال وإكبار
للشيخ ابن ناقي بعيد المهاقي= كم طايله يلبس بها تاج وشعار
يوم السيوف قرَيّبه للتراقي= مواقفه بانت في الموقف الحار
شيخ تبين ما يجي بالمتاقي= في ماقفه تلقاه لصار ما صار
ولا انسى الفهود أعدهم بالسياقي= أنجاله الوافين في كل مضمار
اللي تروم النايفه بالمراقي= وتسعى الباب الطيب ترقا له أطوار
وابو زياد اللي به الطيب لاقي= الاشقر اللي من مواكير سنجار
اللاحق الصارم بعيد الرماقي= عوق الحباري بالوطا وقع واطيار
والمجد لاهل المجد مازال باقي= يذاع ذكره مع شريفين الاذكار
وصلوا على اللي معرجه بالبراقي= محمد المختار هو سيد الابرار
أفراح عيسى يمها القلب تاقي= توقه ونشوه ما بها زيف وقمار
لولا غلاكم ما يصير التلاقي= اللي له الدافع معزه ومقدار
أشارك الفرحه وزاد اشتياقي= واقف واترجم فرحتي عبر الاشعار
عسى الفرح يدوم عز إو وفاقي= ويوفّق الله كل وافين الاشبار
مبروك من قلبي وصادق عماقي= لاخي فهد مبروك مليون تكرار
أسمى التهاني صاعده للأفاقي= فرحه صداها متجه كل معبار
مغلفه بازهار زين العباقي= والعود الازرق في شذاها على النار
عبيرها ريح النفل بالخناقي= ريح الفياض اللي تشابك بالازهار
إن طلها طلٍ تساقا وداقي= قبل الشروق وساق به ريح نوار
غب المزون اللي مطرها حقاقي= غيثٍ تساقا وارتوت منه الاشجار
نغمة خفوقٍ في ثمين النطاقي= بسمة وفاء تقدير واجلال وإكبار
للشيخ ابن ناقي بعيد المهاقي= كم طايله يلبس بها تاج وشعار
يوم السيوف قرَيّبه للتراقي= مواقفه بانت في الموقف الحار
شيخ تبين ما يجي بالمتاقي= في ماقفه تلقاه لصار ما صار
ولا انسى الفهود أعدهم بالسياقي= أنجاله الوافين في كل مضمار
اللي تروم النايفه بالمراقي= وتسعى الباب الطيب ترقا له أطوار
وابو زياد اللي به الطيب لاقي= الاشقر اللي من مواكير سنجار
اللاحق الصارم بعيد الرماقي= عوق الحباري بالوطا وقع واطيار
والمجد لاهل المجد مازال باقي= يذاع ذكره مع شريفين الاذكار
وصلوا على اللي معرجه بالبراقي= محمد المختار هو سيد الابرار